Read Ebaibuli 1961 Isaia 25 Bible Online

Isaia 25 - Ebaibuli 1961 bible

Isaia 25

¹ Wu EJAKAIT, ijoŋ Ekadeke; Ketopoloonori jo, eturenenei ekonikiror; Naarai iswama nukaumokin, Nuibu kiner sek, kotoma amunonut ka abeit.

² Naarai ituluo ere aapoŋor; Ere loabwaa ituluo ameje; Etogo lopeti loka imo mam bobo erai ere; Mam bobo edukio cut.

³ Ŋes kitopolooriata jo ituŋa lukagogoŋ, Kiyoŋi rwaru ere loka atekerin nuka etasuro.

⁴ Naarai ibu korai aŋopis naka yenikibakor; Aŋopis naka yenilwaritoi kotoma aburunit, Nemecat akako, etolim lomeeat aibuse, Naesubia airurum naka luketasuro bala akako naidesi arwatat.

⁵Isiyamikini rwaru ecelet loka imo, Kwape aibuse naejai aibois naeonit; Kwape itililimio etoribe loka edou amwanis, Isililiŋi kwaŋin rwaru ekosio loka kaluketasuro.

⁶ Koroŋat kala da, ipoikini rwaru EJAKAIT loka ajoresio ituŋasinei epucit loka kaluetarioko, epucit loka ebino loedwar, loka kaluetarioko luileleba asume, loka ebino Ioedwar loijililitai jokan.

⁷ Ido itamameuni cut koroŋat kalo arapet naerapit akonye nuka ituŋasinei, ka arapet naimukotor atekerin kere.

⁸ Abu kiliko cut atwanare apaarasia kere: emwatari rwaru EJAKAIT Edeke akiyo kakonye kere; ido elemari amorosit naka iketuŋa kakwapisinei kere: naarai ener EJAKAIT.

⁹Aso kapaaran kaya inerio rwaru atiar, “Koany lo ŋes Edekewok; kipou kedarito ŋes, kiyuuni oni: lo ŋes EJAKAIT; kipou kedarito ŋes, kiyalamikin oni kebwonakis aitajarake.”

¹⁰ Naarai idokokin akan naka EJAKAIT oroŋat lo, icakacakao Moab kaiboisike, kwape ieakaeakaere ariaŋ kotoma akipi nuka etut.

¹¹ Erionori ŋesi akekanin kokidiŋike, kwape erionoria loidui aidu: itisili aiwononutuke nepepe kapirianut naka akaninike.

¹² Etiyaikin aigalioret naeoja naka arwatatinikon, ibirokin, itodolikinit alup, aitodol apua.