Read Ebaibuli 1961 Isaia 46 Bible Online

Isaia 46 - Ebaibuli 1961 bible

Isaia 46

¹ Akukokin Bel, akukum Nebo; Idokonokino aputosiakec otiaŋ, obaren da; Iboro luidakitos yesi eraunos ibwokon, Alaŋir kaneejaas itiaŋ luepasete.

²Akukumo, akukonokinos nepepe; Mam apedorete ayuun alaŋiru, Konye ijoreorio kes ikulepek.

³ “Kiirarai, ijo ekek loka Yakob, Aatoŋot kere naka ekek loka Isirael, Lukadakit ageun kakoik, Lukarionit ageun kauriokus:

⁴ Kiton amoionukus Eoŋ ŋopeŋol, Ido kiton abwaŋun akoruokus, eoŋ kadakit yes: Asub, ido egaŋi; Eebo, adaki, etajari da.

⁵“Aso kituputoorete eoŋ kaŋai, kitiirianete, Kitusubito eoŋ inyo, kaputokinos?

⁶Luebukete esabu koriagi, Luitemete epuesa kaitemis, Eropete ekatatan-esabu, esubuni edeke; Ekukonokinos, eebo, emaete da.

⁷ Erionete ŋes kokeper, edakete ŋes, Esipokinete aiboisike, kobwoi kanen; Mam enyouni kaiboisike; Eebo, iwonei mutan ŋes, konye mam epedori aboŋokin, Karaida ayuun kocanike.

⁸“Kiitutu ŋun, koeerededata; Kisiitonokinos, yes ikadiakanarak.

⁹ Kiitutu akiro nusodit nukasonya: Naarai arai eoŋ Edeke, emamei ece: Arai eoŋ Edeke, emamei yenikiputor eoŋ:

¹⁰ Alimori awasia ameun kageunet, Ido akiro nueriŋa iswama ameun apeŋo: Ebe, ‘Icasit akainerun, Ido etodolikini nuetojokit kere.’

¹¹ Anvarauni ekweny loiraŋana kokide, Etuŋanan loka ainerunika anyoun kakwap naelwana; Eebo, ener, etodoli da; Alosikinit, ido eswamai.

¹² “Kiirarai, yes lueninik itauon, Luilwaka kadolit:

¹³ Esukunyuni adoliteka, mam elwana, Mam akaitajar itumori: Ebwaikini eoŋ aitajario Sion, Kanuka Isirael aibusesuka.”