Read Ebaibuli 1961 Isaia 47 Bible Online

Isaia 47 - Ebaibuli 1961 bible

Isaia 47

¹ Kijesun, kiboikin apua, ijo akoku nabekot naka Babulon; Kiboikin kwap komamei eicoloŋ loka ajakanut, Ijo akoku naka Ikaludean:. Naarai mam bobo kinyaritai naenonok naijamamai.

² Kolem akanasia, kiric alos; Kolaca egoekon lokimukos, Kolaca da inapen, kisideleleo akeje, Kotubor kocorin.

³ Epukorio amujalalakon, Eebo, etakanete ileicikon: Enyaŋi eoŋ, komam etimi idictunanan.

⁴Ekalakunaniwok, EJAKAIT loka ajoresio ŋes ekekiror, Lokalaunan loka Isirael.

⁵ Kiboie kililiŋi, koloma amuton, Ijo akoku naka Ikaludean: Naarai mam bobo kinyaritai Ajakait naka ajakanuto.

⁶ Abu kanyunyurik ikatuŋa, Ketisil akairumet, Kejaik kes akanikon: Mam ibu kitim kes: Kisibwok imakio ajookotokus kalaniru naepol.

⁷ Ibu kotema atiar, “Araun ajakait ikar kere”; Kanuka ŋun mam ibwaikinit akiro ŋun otaukon, Karaida akiitun awasiakec.

⁸ Aso do kiira nu, ijo naimina ailel, Naiboie kaijakak, Nainera kotaukon ebe, “Ajai eoŋ, ido emamei ece dimarai eoŋ; Mam eboikini kwape apuserut, Karaida aijen atwaniar idwe.”

⁹ Konye kidoikinete akiro ŋun aarei katipet kadiopepaaran, Atwaniar idwe, ka eipuserune: Kidoikinete jo kaitemisikec naedoliorit, Karaida kipuakata aipiedetakon, Kidilas da noi icudetakon.

¹⁰ Naarai imunokina nukaronokokon: Ibu kotema atiar, “Emamei yenikaanyuni”; Akonicoa ka akoniijen, kes kitapaarete: Kitema kotaukon atiar, “Ajai eoŋ, emamei ece da dimarai eoŋ.”

¹¹ Kanuka ŋun kibunokini aronis: Namam ipedori ailuc: Kidoikin ameŋeranut, namam ipedori airebokin: Kituriaikini jo asiles namam ijeni.

¹²Aso do kobwo kicudetakon, kaipiedetakon nuipu noi, Nukitaaritor ageun keiditeukon; Motoko ipedori akerianar, Motoko ipedori aitukurian.

¹³Kipas ijo kanuka aipues naka ainerunikon; Kobwaata bo ŋul luketiakete akuj, Ikerereok aacer, ikadwarak akiro nuka ŋolilap, Kitajarata jo kakiro nukibunokinete.

¹⁴ Koany, eraunos kwape ariaŋ; icwei kes akim; Mam eyuunos kapedor naka alian: Mam eraun atotol nukipiera, Karaida akim nakiririkina mamake.

¹⁵ Ikote nen akiro nukitaaritor kamakon: Irimete luapotu kogwelanas kajo ageun keiditeukon, Ŋolituŋanan owaike; Emameun yenikitajari jo.