Read Ebaibuli 1961 Isaia 9 Bible Online

Isaia 9 - Ebaibuli 1961 bible

Isaia 9

¹ Konye mam ejaun amuton neejai ŋin naerieba. Kapak nakolo abu kitemen akwap naka Sebulun ka akwap naka. Naputali, konye kapak nakawasia abu kitarau nakaibuses, neejai erot loka aŋolol, okekwa Yorodan, Galilaya naka atekerin.

² Ituŋa lukelosenenete kotoma amuton Aanyut aica naepol: Kesi da lukiboienenete kakwap naka etoribe loka atwanare, Acaiki aica.

³Italal ateker, iyatak aiyalamakec: Iyalamasi kakonyenekon kwape ejaar aiyalama kotoma aidweny, Kwape iyalamatar ikiliok naekoriata iŋatan.

⁴ Naarai eloit lokelanirikinit, Ka ebela lokokeperike, Esuretait loka ekamwaŋitonike, Ibu kobil kwape kapaaran naka Midian.

⁵Naarai lujiis kere luka ŋol kaloekapit lujiis kotoma autaar, Ka inapen luenurito aokot, Eraas rwaru luicweio, araun luicweio kakim.

⁶ Naarai kiwurikinitai oni ikoku, Kiinakinitai oni ikoku yenisapat: Ejaenena rwaru airum okeperike: Ekekiror da enyarao “Lokaumokin, Ekapetan akiro, Edeke Lokagogoŋ, Papa lomam edaun, Ekapolon loka Ainapakin.”

⁷ Mam enaŋete airumuke ka ainapakin aiyatanakin, Koicoloŋ loka Daudi, kotoma ajakanutuke, Aiticat, ka aigagat ketube, Ka adolit da amear lolo aitodol ikar kere. Itodolikini rwaru ŋun adunyanut naka EJAKAIT loka ajoresio.

⁸Abu EJAKAIT kijukak Yakob akirot, Kodoik Isirael.

⁹Ejenunete ituŋa kere, Epuraim ka yeniboie koSamaria, Luinerasi kaiwononut ka aninik nakotau ebe,

¹⁰“Ebiroros amatapalin, Konye kiduki kamor nuikeitoi: Ejeparitai isukumorin, Konye kibwaikini iresia aiboisikec.”

¹¹Ŋes itopoloorla EJAKAIT luitokokolete Resin asurokin Ŋes, Isidiki da lukasurupoke;

¹²Isurian koiŋaren, ka Ipilisitian da kokau; Erumorete Isirael kaituk naeooni. Karaida kiswamata ŋun kere mam ca ejoniarit akenyunyura, Konye eriŋa akekan erioro.

¹³ Konye mam ituŋa ibelokinos neejai ŋol lokedanyi, Kwabo mam emoenenete EJAKAIT loka ajoresio.

¹⁴Ŋes kejepunia EJAKAIT akou ka ekori koIsirael, Atenut naka amusogot ka aladot kapaaran adiopet.

¹⁵Emojoŋ ka esot ŋes akou; Enabi da loisisianakini nukaiŋal, ŋes ekor.

¹⁶Naarai luiŋarenikinete ituŋa lu etapaasi; Ŋul da luinarenikinio emudiario.

¹⁷Ŋes mam isiyalamikinitor EJAKAIT ikatumunakakec, Mam da itimi ikokiokokec, ka apuserun: Naarai itisilo ŋinituŋanan, iswamai aronis, Inera ŋiniituk nukabaŋaanut. Karaida kiswamata ŋun kere, mam ca ejoniarit akenyunyura, Konye eriŋa akekan erioro.

¹⁸Naarai aronis icwei kwape kakim; Isidopori ikodokodo ka ikukwa; Eebo, inoki amonieik nuka amagoro, Iyeniyenaros kotoma okuna loepuriori.

¹⁹Kanuka anyunyura naka EJAKAIT loka ajoresio idopit akwap cut: Esubito ituŋa da bala akito nuka akim; Emamei yenitimi onaceke.

²⁰ Ekopuni ice kakan nakoteten, eriebi eteŋei; Enyami ice kakan nakokediany komam imonikin: Enyamete kesi ŋinituŋanan akuan naka iidunyeteken:

²¹Manase, Epuraim; ka Epuraim, Manase: Esurokinete kesi kere Yuda, Karaida kiswamat ŋun kere, mam ca ejoniarit akenyunyura, Konye eriŋa akekan erioro.