Read Ebaibuli 1961 Ilebin 12 Bible Online

Ilebin 12 - Ebaibuli 1961 bible

Ilebin 12

¹Kotema EJAKAIT Musa atiar,

² “Kolimok idwe luka Isirael ebe, Arai kepotuu aberu, kidou ikoku yenitelepat, eraun namam elai apaarasia akanykaarei; kwape kapaarasia nuka atiakarioke naibamia eraun namam elai.

³ Kapaaran nakikanyetekauni ekepio amuny naka ekiliokaneke.

⁴Iyatakini ŋin kaokot nuka aitesegaarioke apaarasia akaisauni ka nuuni; mam etirori ibore yenikalaunan, karaida alomar aibois nakalaunan, aitodol naedolioto apaarasia nuka aitesegaarioke.

⁵Konye arai kidou ikoku yenipese, eraun namam elai asabaton aarei, kwape katiakarioke: iyatakini da kaokot nuka aitesegaarioke apaarasia akaisakanykape ka nukanykape.

⁶ “Naedolioto apaarasia nuka aitesegaarioke, kanuka esapat, arai kanuka apese, eyauni ŋesi imerekek yenika ekaru ediopet araun ainakinet naicweio, ka iluke yenididi arai ajele, araun ainakinet naka adiakaret, okek loka ewema loka airiamunun, mama ejai esasedoti.

⁷ Ijaikini ŋes kakonyen nuka EJAKAIT, ituluci ŋin; italaunitai kotoma alele naka aokotoke. Ŋol ŋes ekisil loka ŋin naidouni, arai yenikiliokit arai yeniberu.

⁸ Arai icana ŋesi mam epedori adumun imerekek, eyaŋaari do ajeleik aarei arai ilukei iarei ludidik; idiopet araun ainakinet naicweio, yenikiareit araun ainakinet naka adiakaret: ituluci esasedoti ŋes, eraun naelai.”