Read Ebaibuli 1961 Ilebin 17 Bible Online

Ilebin 17 - Ebaibuli 1961 bible

Ilebin 17

¹Kotema EJAKAIT Musa atiar,

²“Kolimok Aaron, ka odweke, ka idwe kere luka Isirael, ebe, Na ŋes akirot naecoraki EJAKAIT ebe.

³Ituŋanan kere yenika ekek loka Isirael, yenearakini emoŋ, arai imerekek, arai akinei koidukurun, arai yenearakini kiŋa kiidukurun.

⁴ Yenimam eyaŋaunit ŋes okek loka ewema loka airiamunun, ainakin ŋes araun ainakinet mama ejai EJAKAIT koiŋaren kewema lokalaunan loka EJAKAIT: imarakinio aokot akouke; kebukoki aokot; egelario ituŋanan ŋin kotuŋake.

⁵ Tetere eyaŋanarete idwe luka Isirael asubanakec, nueinakinete kais, tetere eyaŋanarete kes mama ejai esasedoti, einanakinete kes araun asuban nuka ainakineta nuka ainapakin mama ejai EJAKAIT.

⁶ Ebwatanakini esasedoti aokot otem loka EJAKAIT, kokek loka ewema loka airiamunun, icweikini asiepai araun asakat naeuru saa mama ejai EJAKAIT.

⁷ Mam bobo einanakinete asubanakec mama ejaas ikorwa, luiporooto kesi. Eraun ŋol ekisil mama ejaas ikar kere, anatar aturiokec.

⁸“Ilimokini kes ebe, Ituŋanan kere yenika ekek loka Isirael, arai yenika imo luiboienenete kakes, yeneinakini ainakinet naicweio arai asubanit.

⁹Yenimam eyaunit okek loka ewema loka airiamunun, ainakin araun asubanit mama ejai EJAKAIT: egelario ituŋanan ŋin kotuŋake.

¹⁰ “Ituŋanan kere yenika ekek loka Isirael, arai yenika imo luiboienenete kayes, yenenyami aokot kere; aluikini eoŋ ituŋanan ŋin yenenyami aokot, agelari ŋes kotuŋake.

¹¹ Naarai aijar naka akuan ejai toma aokot; ainak yes kotem alucio aijarakus: naarai aokot kes elucete kanuka aijar.

¹²Ŋes katemaria idwe luka Isirael ebe, Siri idio kayesi kenyam aokot, karaida imoit yeniboienenei kayes ainyam aokot.

¹³ Ituŋanan kere yenika ekek loka Isirael, arai yenika imo luiboienenete kakes, yenemejai itiaŋ arai akweny naepedorio ainyam; ebukori ŋesi aokotoke, enuki kalup.

¹⁴ “Naarai aijar naka akuan kere, aokotoke eraas ipe kaijarake: Ŋes katemaria idwe luka Isirael ebe, Sirinyamenenete aokot nuka akiriŋ kere: naarai aijar naka akuan kere ŋes aokotoke: egelario ŋin yenenyami kes.

¹⁵ Ŋinituŋanan kere yenenyami yenetwani bon, arai yenepoopooete itiaŋ, karaida kerai iuriat, arai imoit, ilosi ikenapen, iloŋi kakip, eraun yenimam elai kiton eboŋ: kosodi araun yenelai.

¹⁶ Konye arai mam ilosi kes, karaida ailoŋ, ibwoki numam adoliteke.”