Read Ebaibuli 1961 Yeremia 39 Bible Online

Yeremia 39 - Ebaibuli 1961 bible

Yeremia 39

¹ Kokaru lokikanyetekaoŋon loka Sedekia ekabaka loka Yuda, olap lokitomonet, kobu Nebukadaresar ekabaka loko Babulon ka akejore kere asurokin Yerusalem, kirigaut;

²kokaru lokitomonet kalodiopet loka Sedekia, kolap lokiwoŋonet, kapaaran nakikanyetekaoŋon naka elap, kocila ere.

³Kosodi kanen naerumiarere Yerusalem, kolomas ikapolok kere luka ekabaka loko Babulon, kiboikinos orute lokokidiŋ, kes Neregal-sareser, Samugar-nebo, Saresekim lokerai Rab-saris, Neregal-sareser lokerai Rabmag, ka ikapolok ice kere luka ekabaka loko Babulon.

⁴Kosodi kanen, keanyu Sedekia ekabaka loka Yuda, ka ikajiok kere, kokerata, konyout kotoma ore kuare, korot loka emanikor loka ekabaka, korute lokokidiŋ arwatatin aarei: koloma korot loka Araba.

⁵ Konye korukio ajore naka Ikaludean, kodolokis Sedekia kapuutona nuka Yeriko: kedaut aikamun, koyaŋaasi Ribula akwap naka Kamat, mama ejai Nebukadaresar ekabaka loko Babulon, kotubokinai akiro.

⁶Kosodi koarak ekabaka loka Babulon odwe luka Sedekia Ribula, kakonyeneke; koar da ekabaka loko Babulon isotia kere luka Yuda.

⁷ Ido kogorununoi akonye nuka Sedekia, koenai ŋes kirikoi, ayaŋaar Babulon.

⁸ Kicweata Ikaludean etogo loka ekabaka, ka itogoi luka ituŋa, kotiyatiyata arwatatin nuka Yerusalem.

⁹ Kosodi Nebusaradan ekapolon loka ikedarak aijoreor luasalito luka ituŋa luapianuna kore, ka luasiete da mamakeŋ, ka luasalito luka ituŋa luapianuna, koyaŋa Babulon.

¹⁰Konye kitasal Nebusaradan, ekapolon loka ikedarak, lukican kotuŋa, luamamei idiobore, toma akwap naka Yuda, koinak kes kapak kaŋin amanat nuka emusabibu ka imanikoria.

¹¹Ido kicorak Nebukadaresar ekabaka loko Babulon Nebusaradan, ekapolon loka ikedarak, nuka Yeremia ebe,

¹²“Koyaŋa ŋes, kidari ŋes ejok, sirikiswamak nueroko; konye nukilimokini, ŋun iswamakini ŋes.”

¹³Aso kijuka Nebusaradan, ekapolon loka ikedarak, ka Nebusasiban lokerai Rabsaris, ka Neregal-sareser lokerai Rab-mag, ka ijaka kere luka ekabaka loko Babulon;

¹⁴ kijuka, kolemasi Yeremia kalaro naka ikedarak, kijaikis Gedalia okoku loka Akikam, okoku loka Sapan, ayaŋaar orekeŋ. Kosodi kiboioto kituŋa.

¹⁵Kobu do akirot naka EJAKAIT mama ejai Yeremia, naaenitere kalaro naka ikedarak, kobala ebe:

¹⁶ “Kolot, kolimok Ebed-melek Etiopiat ebe, ‘Inera kwanata EJAKAIT loka ajoresio, Edeke loka Isirael ebe, Koany, ayauni akakiro ore lo kanuka aronis, mere kanuka ajokis, ianyuni ijo da kes apaaran ya.

¹⁷Ebala EJAKAIT ebe, Konye kayuuni jo kapaaran kaya; ido mam kiinakinio akan naka ituŋa luikuriana.

¹⁸ Naarai ebala EJAKAIT ebe, Abeit ketajari jo, mam ekileŋ kiari; konye eraun aijarakon aŋatuna: naarai kimunokina eoŋ.’ ”