Read Ebaibuli 1961 Yeremia 48 Bible Online

Yeremia 48 - Ebaibuli 1961 bible

Yeremia 48

¹ Nuka Moab. Inera kwanata EJAKAIT loka ajoresio, Edeke loka Isirael ebe: “Itukwi Nebo! naarai eswap! Esurumi Kiriataim ileic, eŋataritai. Esurumi Misigab ileic, atiyatiyai;

²Emamei bobo aiturio nako Moab. Enerakin aronis kotoma Kesibon ebe, ‘Kopotu, kamudiasi kinyek araun ateker!’ Ijo da, wu Madumen, kiaililiŋio; Kirukitori ekileŋ.

³“Eporoto loka ecelet loebuni koKoronaim, ‘Aiŋat, ka amudiar naepol!’

⁴Amudiar Moab; Apupun aimony naka idweke ludidik.

⁵Naarai kaneedokere Lukit edokarete Komonyenenete akiyo; Naarai kaneejesarere Koronaim, Apotu kopuputu aimony nakican naka amudiario.

⁶Kokera! Kitajarata akusiijar! Kosubata bala ekiot loka amodiŋ!

⁷ Naarai kanuka amunokina aswamisiokon, Ka abarakon jo da kikamario: Ijoreorio Kemos, ka isasedotinike, Ka ikapolokoke da nepepe.

⁸Edolokini ekaŋatan ŋolire, Emameun ere loekui; Eoliori aditot, emudiario da apuuton; Kwape enerar EJAKAIT.

⁹“Koinak Moab abebenoka, Kopororia kolot; Eraunos ikereria amejei, Komamei da yeniboie kotoma.

¹⁰ “Kikenoi ŋin yenipalisikini aswam naka EJAKAIT; kikenoi da ŋin yenirebokini ekileŋ kinyek abukor aokot.

¹¹ “Ijamamai Moab ageun keiditeuke, Ijililiara akesidak; Komam ailocoloeoo anyoun kobore kiton obore, Ido mam ijoreoritai; Kanuka ŋun eroko esalit akejijim tomake, Ido mam auresike iiulakina.

¹²“Ebala EJAKAIT ebe, Aso koany, epote apaarasia nuejukunia ŋul luebukonorete, ido ebukonorete ŋes; itoonete amotiike, ebwaŋabwaŋaete da acupaike.

¹³ Irumete Moab ileic kanuka Kemos, kwape erumiata ileic ekek loka Isirael kanuka Bet-el loamunokina.

¹⁴ “Ibalasi ai ebe, ‘Kirai ikirigin Ka luetirin kojie’?

¹⁵ Ebala Ekabaka, ekekiror EJAKAIT loka ajoresio ebe, Adoku ekamudiaran loka Moab ka ireriake, Ekokorioros ikatumunakake luseuna oarit.

¹⁶Eapiete ican luka Moab adolun, Arurukun aiticanitoike.

¹⁷ Kokuudianata ŋes, yes kere luirimorito, Ka yes da kere luijenete ekekiror; Kobalas ebe, ‘Abila ca ma ebela lokagogoŋ, Esuretait loejok!’

¹⁸ “Wu jo apese naiboie kotoma Dibon, Kikokoror anyoun kaibusesukon, Kiboikin, kojakite akure. Naarai kibunok ekamudiaran loka Moab, Amudia abwasinakon nuegogoŋ.

¹⁹ Wu jo yeniboie kotoma Aroer, Kobwou korot airot: Kiŋit loekeri ka ŋin da naekui; Kiner ebe, ‘Anyoika bo?’

²⁰ Esurumi Moab ileic, naarai abilibiliun; Kibwololoto, komonyata! Kolimosi kotoma Arunon ebe, Eswap Moab.

²¹“Adoloki atubokinio akwap naka apuutona; Kolon, ka Yasa, ka Mepaat,

²²ka Dibon, ka Nebo, ka Bet-dibilataim;

²³ka Kiriataim, ka Betgamul, ka Bet-meon;

²⁴ ka Keriot, ka Bosura, ka ireria kere luka akwap nako Moab, luejaas kama elwana, ka lueapiete da.

²⁵Ebala EJAKAIT ebe, Atubor amumwarat naka Moab, abila akekan da.

²⁶ “Kitemerata ŋes, naarai itopolooro kama ejai EJAKAIT; imodumodun Moab kalekanake, imuario da.

²⁷ Naarai mam kereka kerai Isirael eimuaritono kamakon? Aponi kereka kodumakinai kidiŋ kikokolak? Naarai nainerenenar nuke, imunimuŋi akonikou.

²⁸ “Yes luiboiete koMoab, konyoutu koreria, Kiboioto katiiba! Kosuba bala adudumer naiswamai akaike Ariri kaituk naka ebur.

²⁹ Kipupu nuka eitur loka Moab, Ebe iturokina noi; Aitopolooroke, ka eiturike, aomiarake, Ka aisoŋolonut da naka etauke.

³⁰Ebala EJAKAIT ebe, Ajeni ekepali; Iŋalaŋalai ailabilabake, Iŋalaŋalaete da akeswamisio.

³¹ Ŋes ebwololoo kanuka Moab; Eebo, adelori kanuka Moab kere: Ebworo kanuka ituŋa luka Kir-keres.

³² Wu jo emusabibu loka Sibima, Amonyi akiyo kanukon, adepar aimony naka Yaser; Apesito akonitenun adepar aŋolol, Kodolot aŋolol naka Yaser; Ebirokin ekaŋatan araitokon nuka akamu, Ka ludwenyanakon.

³³ Alemar aiyalama ka alakara komanikoria lupusuk kakwap nako Moab; Ido etoonikini ebino kotoma acuesia; Emameuni yenicakacakai keibwoŋ; Acela ŋin mam erai acela naka eibwoŋ.

³⁴ “Ageun kaimony naka Kesibon, aitodol Eleale, kiton Yakas da ekeseut ikeceporotoi, ageun koSoar, aitodol Koronaim, kiton Egilat-selisiya, Naarai asilioros da akip nuka Nimirim.

³⁵ Ebala EJAKAIT ebe, Bobo da etanaŋi kotoma Moab yeneinakini asuban kaiboisio nuiceleleete, ka ŋin da yenisupurikini ikedekesio lukisupurununo.

³⁶ Kanuka ŋun emonyi ekatau kanuka Moab kwape alamarun, emonyi ekatau kwape alamarun kanuka ituŋa luka Kir-keres: kanuka ŋun aolio abar naatukonokinit.

³⁷ “Naarai ejai ŋinikou epat, ebarenito ŋolipenek: egerer akanin kere, ejai epuko aŋabes.

³⁸ Ejai akuudian kokuju otogoi kere luka Moab, korotinike da kere; naarai ebala EJAKAIT ebe, Abwaŋ Moab kwape amot namam kesiyalamikinit.

³⁹Abwaŋa ca! Ebwololoto ca! Ebeloki ca ma Moab asebot kileic! Eraun do Moab naimuario naituburuni ŋul kere luirimorito ŋes.”

⁴⁰ Naarai inera EJAKAIT kwanata ebe: “Koany, eporori kwape kemorukaalet, Loeterari akebebenoka asurokin Moab.

⁴¹ Erumi Keriot, isirieŋunio abwasin nukagogoŋ, Eraunos itauon luka ikirigin luka Moab kapaaran kaŋin, Kwape etau loka aberu naerieba aidoun.

⁴² Emudiario Moab komam bobo eraun ateker, Naarai itopolooro kama ejai EJAKAIT.

⁴³ Ebala EJAKAIT ebe, Wu jo loiboie koMoab, Kibunokinete jo etasuro, ka aipany, ka atacit da.

⁴⁴ Ebala EJAKAIT ebe, ŋol loekeri kotasuro ibirokin aipany; Ŋol da loekui kaipany, ipoki atacit: Naarai ainuni Moab ŋun, Okaru loka aiticanioke.

⁴⁵ “Ebwoete luekerete komamei agogoŋ Kotolim loka Kesibon; Naarai alom akim koKesibon, Alomut aipelonoreta nuka akim kokidiŋ Sikon; Anyamata agor naka Moab, Ka aboko da naka akwes nuka luecelas.

⁴⁶ Itukwi, ijo Moab! Aoliosi ituŋa luka Kemos: Naarai ijoreoritai ikusidwe lusap, Akusipesur da ijoreoritai.

⁴⁷ Konye ebala EJAKAIT ebe, Abeit enyakuni bobo aijoreorio naka Moab Kapaarasia nukawasia.” Adol ber ne atubokinio naka Moab.