Read Ebaibuli 1961 Esekiel 19 Bible Online

Esekiel 19 - Ebaibuli 1961 bible

Esekiel 19

¹ Bobo da kokuudianik ikapolok luka Isirael,

²kohala ebe: Kerai totokon inyo? aŋatuny: Naaperi koŋatunyo, kokidiŋ oŋatunyo ludidik itanaki ikedwe.

³ Abu kitan idiopet kodweke; Korau iŋatuny yenididi; Kisisiau amej; konyam ituŋa.

⁴ Kopuputu atekerin nukeŋ; Kikamunai kaipanyikec: Koyaŋaarai kigoluna akwap nako Misiri.

⁵ Kosodi keanyu ŋin ebe edar, Koolio da akemun, Koseu ikokuke ice, Kituluo iŋatuny yenididi.

⁶ Kirimirimi koŋatunyo, korau iŋatuny yenididi; Kisisiau amej, konyam ituŋa.

⁷Kojenu ikecetogoi lukapolok, Kitecek ireriakec; Kosilior akwap, ka iboro kere lukejaas, Kanuka eporoto loka agatake.

⁸ Kosodete kosurokis atekerin kowaitin kere, ageun kobuku: Kolokikis eboikec, Kikamunai kaipanyikec.

⁹ Koenata oloit kigoluna, Koyaŋaasi mama ejai ekabaka loko Babulon; Koyaŋaasi toma abwasin, Kinyek ekeporoto apupun bobo koroŋan luka Isirael.

¹⁰ Asubit totokon bala emusabibu, kotoma aokotokon, Loeraitai neajaas akipi: Ideneriat, eleleba atenueik kanuka akipi nuipu.

¹¹ Ido kejaas ibelai luegogoŋ araut ibelai luka ajakanut Kanuka ŋul kalueyaenenete, Kitopolooritai, etiaikec kokidiŋ katenueik nueburok; Koanyunai kanuka aojaukec kaipues naka atenueikikec.

¹² Konye korutunoi kadedeŋ, kocakakinai kwap, Kitoon ekwam lokokide araitoke: Kobilunai ibelaike luegogoŋ, korinyosi; Konyam akim kes.

¹³ Kwana do eraikin amodiŋ, Akwap naewonit naka akure.

¹⁴ Alomu akim kobelai luka atenueikike, Anyam araitoke, Komamun kamake ebela loegogoŋ Araut ebela loka ajakanut loka ayait. Eraas nu nuka akuudian, eraunos da akuudian.