Read Ebaibuli 1961 Esekiel 2 Bible Online

Esekiel 2 - Ebaibuli 1961 bible

Esekiel 2

¹ Kalimok eoŋ atiar, “Okoku loka etuŋanan, kobwo kakonikeje, eneri eoŋ da kajo.”

² Koloma emoyo tomaka nakinerar keoŋ, kesibwo kakakeje; keira ŋol lokinera keoŋ.

³ Kalimok eoŋ atiar, “Okoku loka etuŋanan, kejukari jo mama ejaas idwe luka Isirael, mama ejaas atekerin nuipalioko, nukepaliikis eoŋ: kes ka lukapapaakec da apaasi kamakaŋ, kiton lolo.

⁴ Elepaakata idwe da, ido aninikata itauon; kejukari mama ejaas ŋul: kolimok kes atiar, ‘Inera kwanata EJAKAIT EDEKE.’

⁵ Kes da, arai iirarete, arai eŋerete akiirar, (naarai eraas ekek lokepali) ejenunete kereka kwape ajaar enabi kidiŋikec.

⁶ Ido da, okoku loka etuŋanan, sirikikurianar kes, kwabo sirikikurianar akecekiro, karaida ejaas ikodokodo ka ikukwa kajo, ido iboie kokiritona; sirikikurianar akecekiro, kwabo sirikijuruŋuŋ kanuka ekwenyekec, karaida eraas ekek lokepali.

⁷ Ido ilimokini kes akakiro, arai iirarete, arai eŋerete akiirar: naarai ipalioko kesi noi.

⁸ “Konye jo, okoku loka etuŋanan, kiira nukalimok jo: siripaliono kwape kekek kaŋol lokepali: kooŋ akoniituk, konyam ibore yenikainakini jo.”

⁹ Naasesenia da, koany, koriunoi akan mama ajai; ido koany, kojai anunuket naka eitabo toma;

¹⁰ kotera kakonyeneka; kiwadikatai iwaitin kere: kiwadikatete nen akuudian, aibworo, ka ican.