Read Ebaibuli 1961 Esekiel 30 Bible Online

Esekiel 30 - Ebaibuli 1961 bible

Esekiel 30

¹Kobu bobo akirot naka EJAKAIT mama ajai ebe:

² “Okoku loka etuŋanan, kodwar, kiner ebe, Inera kwanata Ejakait EDEKE ebe: Kibwololoto ebe, ‘Itukwi apaaran!’

³ Naarai aapu apaaran, Aapu ca apaaran naka EJAKAIT; Apaaran naka idouon, Eraun apak naka ikapirin.

⁴ Ebunokini ekileŋ Misiri, Ejaunete ican luipu ko Etiopia, Naibirokinotor luearitai koMisiri; Eyaŋaarete ekodeteke, Etiyakinio akepeteta,

⁵ Etiopia, ka Put, ka Lud, ka ituŋa luinyalinyala kere, ka Kub, ka idwe luka akwap nakeboole, ibiroros kesi da ekileŋ.

⁶“Inera EJAKAIT kwanata ebe: Ibiroros ŋul da luigaŋito Misiri, Ijesuni eitur loka akepedor: Ebala Ejakait EDEKE ebe, Ageun kotogo loeoja loka Sebene Ibiroros ekileŋ.

⁷ Esilikinete kokidiŋ kakwapin nuesilok, Ejaunos ireriake kokidiŋ kireria luiswapito.

⁸Ejenunete do ebe arai eoŋ EJAKAIT, Naadaunia ainokokin akim Misiri, Emudiaros ikegaŋitokoke kere.

⁹ “Apaaran ŋin, elomarete ikiyakia koiŋarenika toma atakerin aitukurian Itiopian luebwalara: ejaunete ican mamakec kwape apaaran nako Misiri; naarai koany, ebunit!

¹⁰ “Inera kwanata Ejakait EDEKE ebe: Etanaŋi da ekodet loko Misiri Kakan naka Nebukadaresar ekabaka loko Babulon.

¹¹ Itolomikinio ŋes ka iketuŋa nepepe kaŋes, Lusogim luka atekerin, amudiar akwap; Eutunete ikecekileŋa aitiji Misiri, Kilelebata akwap lueario.

¹² Etoonikini icorin, Agwelari akwap akan naka ituŋa lueroko; Etisili akwap, ka iboro kere luejaas roma; Kakan naka imo: Eoŋ EJAKAIT ener.

¹³ “Inera kwanata Ejakait EDEKE ebe: Ido amudiari aputosia, Etanaŋi da lukamameak kotoma Nop; Mam ejaun bobo ekapolon kotoma akwap nako Misiri; Ebwaikini etasuro akwap nako Misiri.

¹⁴ Etisili da Pataros, Enokokini akim Soan, Etodolikini da itubesia toma No.

¹⁵Abukokini Sin akadedeŋ, Abwas naegogoŋ nako Misiri; Ido apiari ekodet loka No.

¹⁶Enokokini da akim Misiri; Eanyuni Sin ican luipu, Etiyatiyaun No: Ejaunete lukasurup Nop paaran.

¹⁷Ibiroros ikatumunak luka Aben ka luka Pi-beset kekileŋ: Ijoreorio ireria ŋul.

¹⁸ Emutonori da apaaran koTekapanekes, Naabilia iloin luko Misiri, Edauni da eitur loka akepedor: Eraparete idouon ŋes, Ijoreorio akepesur.

¹⁹Kwaŋin etodolikinia itubesia Misiri. Ejenunete do ebe arai eoŋ EJAKAIT.”

²⁰Kosodi kanen kokaru lokitomonet kadiopet, kolap losodit, kapaaran nakikanyetekaarei naka elap, kobu akirot naka EJAKAIT mama ajai ebe:

²¹ “Okoku loka etuŋanan, abil eoŋ akan naka Parao ekabaka loko Misiri; ido koany, mam eenitai aisutakin ekia, karaida aider, tetere ejaun agogoŋ aitiŋ ekileŋ.

²² Aso do inera kwanata Ejakait EDEKE ebe: Koany, arai eoŋ lokasurup loka Parao ekabaka loko Misiri, ido abili akekanin kere, ŋin naegogoŋ, ka ŋin da naebilil; etodoi ekileŋ kotoma akanike.

²³ Ido esiarisiari Imisirian toma atekerin, eweliweli da anatar akwapin.

²⁴Etogogoŋi akanin nuka ekabaka loko Babulon, ebwaikini ekakileŋ toma akanike: konye abili akanin nuka Parao, idinya ŋesi kakonyeneke kwape etuŋanan loimusuŋitai noi.

²⁵ Ido egaŋi akanin nuka ekabaka loko Babulon, ibiroros do akanin nuka Parao; ejenunete do ebe arai eoŋ EJAKAIT, Naebwaikinia ekakileŋ toma akan naka ekabaka loko Babulon, edakakini ŋesi asurokin akwap nako Misiri.

²⁶Esiarisiari Imisirian toma atekerin, eweliweli da anatar akwapin. Ejenunete do ebe arai eoŋ EJAKAIT.”