Read Ebaibuli 1961 Esekiel 35 Bible Online

Esekiel 35 - Ebaibuli 1961 bible

Esekiel 35

¹ Bobo da, kobu akirot naka EJAKAIT mama ajai ebe:

² “Okoku loka etuŋanan, kite emoru Seir, kodwarak ŋes.

³Kolimok ebe, Inera kwanata Ejakait EDEKE ebe: Koany, arai lokasurupikon, wu emoru Seir, ariori akakan asurokin jo, ketuluori asilio ka aumokinet.

⁴Etiswapi ireriakon, irauni ijo asilio: ijenuni ebe arai Eoŋ EJAKAIT.

⁵ Naarai iraenena lokasurup, ikorak idwe luka Isirael mama ejai apedor naka ekileŋ kapak naka epolakec, kapak naka aiticaniokec naka awasia;

⁶ aso ebala Ejakait EDEKE ebe, Kwape ajaria, ŋes ketemokinia aokot, ido kitupete aokot; naarai mam ibu kolaite aokot, ŋes do kitupiata aokot.

⁷Etuluori emoru Seir aumokinet ka asilio; etamamauni kanen yenitori ka yeneboŋuni.

⁸Elelebi ikeroŋan iketuŋa lukeario; toma oroŋanakon ka aditonokon ka alelesiakon kere ibirokinos lueari ekileŋ.

⁹ Etuluori asilio namam edaun, mam bobo ejaunete ituŋa oreriakon; ijenunete do ebe arai eoŋ EJAKAIT.

¹⁰ “Naarai iner ebe, ‘Atekerin nu aarei ka akwapin nu aarei da eraunos nukaŋ, kirumi isio da; kwabo kejai EJAKAIT nen:

¹¹ aso ebala Ejakait EDEKE ebe, Kwape ajaria, eswamai kwape ejaar akoninyunyura, ido kwape ejaar ekonikokote loitodiarit kanuka areit kes; etejenikini eoŋ kes, nakatubokinia jo.’

¹² Ijenuni do ebe eoŋ EJAKAIT eira akoniinyanakin kere nainerakinit iroŋan luka Isirael, kobala ebe, ‘Etisiloor, kiinakin sio ajwenyar.’

¹³Itopolooros kama ajai eoŋ kaŋajepakus, ka akirokus nuiyatanakis mamakaŋ; eira eoŋ ŋun.

¹⁴ Inera kwanata Ejakait EDEKE ebe: Naeyalamikinor akwap kere, ketisili jo.

¹⁵ Kwape kiyalamikinor airumet naka ekek loka Isirael, naarai asilior, keswamakini jo kwaŋin: isilior jo, emoru Seir, ka Edom kere, kere ba. Ejenunete do ebe arai eoŋ EJAKAIT.