Read Ebaibuli 1961 Esekiel 9 Bible Online

Esekiel 9 - Ebaibuli 1961 bible

Esekiel 9

¹ Kosodi ŋesi aimony kakiika keporoto loepol, kobala ebe, “Kisukunyutu ŋul luepolokinito ere, ŋolituŋanan kokapite yenijiisike yenemudiari kakanike.”

² Ido koany, kopotu ikiliok ikanykape elomunete korot loka erute loikumemei, lokagolitomei, ŋolituŋanan ekapit yenijiisike yeneari kakanike; etuŋanan ediopet kidiŋikec loanapit ebaputa, konapite amumwarat naka ebwino loka ekewadikan kaŋabeteke. Kolomasi, kobwaata kariri ketem loka aisinit.

³Kedokunit aibuses naka Edeke loka Isirael anyoun kokerubi, nekejai, kiton ariiri kekek loka etogo; kiworo ŋesi etuŋanan loanapit ebaputa, lokejai amumwarat naka ebwino loka ekewadikan aŋabeteke.

⁴ Kotema EJAKAIT ŋes atiar, “Kitor kidiŋ ore, kidiŋ Yerusalem, kibwaik aanyunet oreeta luka ituŋa luewojanaros ka luedinyasi kanuka italesia kere lueswamao kokidiŋike.”

⁵Kotema ŋesi ice kapupi eoŋ atiar, “Kitoro kidiŋ ore atupakin ŋol, kodanyata: mam isioniete akusikonye, ido mam itimete.

⁶ Koarata cut imakio, ikatumunak ka apesur, idwe ludidik ka aŋor da: konye sirikikunyakis idiotuŋanan kere yenejai aanyunet, Kogeutu da kaiboisika nakalaunan.” Kosodete kogeut kimakio lukejaas kiŋaren ketogo.

⁷Kotema kes atiar, “Komunaasi etogo, kilelebata alaroi kalueario, Kolomasi.” Kolomasi do, kodanyata lukore.

⁸ Kosodi kanen, nakedanyiata, kenyein eoŋ, kebiror ebuburia, kamony, kabala ebe, “Wu okwe Ejakait EDEKE! Imudiari kereka ijo aatoŋot kere naka Isirael kanuka abukokin adedenukon toma Yerusalem?”

⁹ Kosodi katema atiar, “Ipu noi numam adolit nuka ekek loka Isirael ka Yuda, elelebun akwap da aokot, elelebun ere da etube loerii: naarai ebalasi ebe, ‘Enyek EJAKAIT akwap, ido mam EJAKAIT eanyuni.’

¹⁰ Eoŋ da, mam akakoŋu isionie, ido mam etimi, konye etebei akeceswamisio akwesikec.”

¹¹Ido koany, kinyak etuŋanan loanapit ebaputa, lokejai amumwarat naka ebwino aŋabeteke akiro, kobala ebe, “Eswama kwape ibu kicorakinia.”