Read Ebaibuli 1961 Daniel 10 Bible Online

Daniel 10 - Ebaibuli 1961 bible

Daniel 10

¹Kokaru lokiwuniet loka Kuro ekabaka loka Peresia, aponi kopukokinai Daniel loamaikinitai ekekiror Beletesasar akirot; korai akirot nakabeit, ŋes ejie lokos: kojenu ŋesi akirot, komisiiki aitapoet.

²Kapaarasia kaŋun ebworo eoŋ Daniel asabaton auni kere.

³Mam abu kanyam inyamat luejijim, karaida akiriŋ karaida ebino aicak aitukuka, mam da abu keledanakin akinyet, aitodol neatuborotor asabaton auni cut.

⁴Kapaaran naka akaisaarei ka nuoŋon naka elap losodit, naajaar kariri naka ecor lokapolon, ŋes Kidekel,

⁵ keteluo akakonye, kasesen, ido koany, etuŋanan loenapit ebaputa, koenite aŋabet esabu loelai loka Upas:

⁶ eputos da akuanake aberul, kosubite ereeteke aimiliaun, akekonye da bala atalai nuka akim, akekanin ka akekejen koraas bala aisinin nuepwatat, eporoto da loka akiroke bala eporoto loka ekodet loepol.

⁷Abu eoŋ Daniel kaany aitapoet, eoŋ bon: naarai mam apotu ituŋa luajaas keoŋ koanyut aitapoet; konye komaranata noi noi, kokerata aiŋop.

⁸ Kapaik do eoŋ bon, abu kaany aitapoet nanakapolon, mam abu agogoŋ kosalak tomakaŋ: naarai abu ajokisika koluor abosis kotomakaŋ, kodaun agogoŋ.

⁹ Konye do abu kapup eporoto loka akiroke: ido naapupunia eporoto loka akiroke, kasodi aibiror ebuburia kajotoor ajo nuipu, kosesenas ekareet kalup.

¹⁰Ido koany, katiro akan, kesikukok akuŋinoka kotauon da luka akaninika.

¹¹Katema ŋesi eoŋ atiar, “Ijo Daniel, ijo etuŋanan lominat noi, kojenu akiro nukabala jo, kobwo itenara; naarai keyakuunitai mamakon.” Kedau ŋesi alimokin eoŋ akirot ŋin, kabwo kamarani.

¹² Kosodi ŋesi atemar eoŋ atiar, “Sirikikurianar Daniel; naarai ageun kapaaran nasodit naibwaikinia ijo etaukon ajenun, ka aitasonikin kakonyen nuka Edekekon, aponi kopupuno akonikiro: abunit eoŋ da kanuka akonikiro.

¹³ Konye abu ekabaka loka Peresia ketikok apaarasia akaisaarei ka nadiopet; konye koany, abu Mikael ediopet kojaka lukapolok kobu keŋarak; kajalak ŋes ŋina nepepe kikabakan luka Peresia.

¹⁴Abunit do aitejenikin jo nuedoikinete otuŋakon kapaarasia nukawasia: naarai erai aitapoet naka apaarasia nuipu nuepote.”

¹⁵ Nakedaunia ŋesi atemar eoŋ kwape ejaatar akiro ŋun, ketulur akakonye, keliliŋ.

¹⁶ Ido koany, abu ediopet loeputos kwape idwe luka ituŋa kotiro aitukuka; kasodi kaooŋ akakituk, kener, kabala ŋol loabwoi kakonyeneka ebe, “Wu ekajakait, kanuka aitapoet kaboŋok eoŋ ariebo kodaun agogoŋ;

¹⁷naarai ikoni epedori ai ekejaanakinan loka ejakaitika lo einer kejakaitika lo? Naarai kanukaŋ, atipet kodaun agogoŋuka, mam da abu kosal eiyeŋane kotomaka.”

¹⁸Kosodi abu ediopet loesubit bala etuŋanan katiro bobo, ketogogoŋ ŋesi eoŋ.

¹⁹ Kotema atiar, “Ijo etuŋanan lominat noi, sirikikurianar: ainapakin kojai mamakon, kicat, eebo, kicat.” Kosodi nakinerar keoŋ, abu kagogoŋoor, katema atiar, “Ekajakait, kiner; naarai ibu kitogogoŋ.”

²⁰ Kosodi ŋesi atemar atiar, “Ijeni ijo nukainakinito eoŋ abunore mama ijai? Kwana do aboŋori aitiji ekapolon loka Peresia: ido naalomaria, koany, ebuni ekapolon loka Yonan.

²¹ Konye kalimokini jo nuigirigiritai toma aiwadika nakabeit: emamei da yenejai owaika asurokin ŋul dimarai Mikael ekapolonikus.