Read Ebaibuli 1961 Daniel 12 Bible Online

Daniel 12 - Ebaibuli 1961 bible

Daniel 12

¹ “Kapak kaŋin ebwoi Mikael, ejakait lokapolon loebwoikini idwe luka ituŋakon: ido ejaun apak naka aburun, namam apeŋo ejaunit ageun kateker ajaut aitodol apak ŋin: ido kapak kaŋin eyuunio ikonituŋa, ŋinidiopet yenetakanuni iwadikatai oitabo.

² Ekwenyunete da luipu kaŋul kaluejotoete kotoma apua naka akwap, ice neejai aijar namam edaun, ice da mama ejaas ileic ka amwaŋio namam edaun.

³ Ecaunete da ŋul lukacoa kwape amwekimwek naka akuj; ŋul da luibelokinete luipu mama ejai adolit kwape aacer ikar ka ikar.

⁴ Konye jo, wu Daniel, kimunon akiro, kipuc eitabo, aitodol apak nakawasia: ekerete luipu lailo ka laije, iyatakin da aijen.”

⁵Kasodi eoŋ, Daniel, asesen, ido koany, ebwoete ice iarei, ediopet kowai lo kariri naka ecor, ece juwai kariri naka ecor.

⁶ Kosodi ediopet kiŋit etuŋanan loenapit ebaputa, loajai kuju akipi nukocor ebe, “Itodoli bo ai kiton osaŋe loka nukaumokin nu?”

⁷ Korio etuŋanan loenapit ebaputa, loajai kuju akipi nukocor, akekan nakoteten ka akekan nakokediany da kiton akuj, kasodi apupun ŋes iyapoi kolimite ŋol loejarenenei ikar kere ebe, itodoli apak, ka apakio, ka atutubet; ido kedaut kesi abilibil apedor naka ituŋa lukalaunak, kosodete konyet ŋun kere adaun.

⁸Kapup, konye mam abu kajen: kasodi atemar ebe, “Wu ekajakait, nuelomunete kaŋun kere anyoika?”

⁹Kotema atiar, “Kolot, Daniel: naarai emunon akiro, epucakin da aitodol apak nakawasia.

¹⁰ Itesegaaros luipu, italaunos, ililiaunos; konye iswamaete lukaronok nukaronok; emameun yenikaronon yenejenuni: konye ejenunete ŋul lukacoa.

¹¹ Ido ageun kapak naelemarere ainakinet naicweio natir, esipokino da etal loisimejeikini, ejaunete apaarasia alukumit ka akwat aarei ka akaisakanykaoŋon.

¹²Isirereŋitoi ŋin yenidaret, kodol apaarasia alukumit ka akwat auni ka akaisauni kanukany.

¹³ Konye kolot ma ijo aitodol naejaunia awasia: naarai ibworari, ibwoi da kotoma nakibeit jo osaŋe loka apaarasia.”