Read Ebaibuli 1961 Kosea 10 Bible Online

Kosea 10 - Ebaibuli 1961 bible

Kosea 10

¹Erai Isirael emusabibu loigananai, Loijaikini akeraito: Kwape epuatar araitoke, eyatanak ŋesi kwape kwaŋin itemwanake: Kwape ajokuunia akwapuke, etojokia kwape kwaŋin ipirinoke.

²Iŋalas ikecetauon; Kwana kitelekasi akiro: Ebili ŋesi itemwanakec, Emudiari ipirinokec.

³Abeit ebalasi ebe, “Emamei oni ekabaka: Naarai mam kiyoŋit EJAKAIT; Ekabaka da, anyoika nuepedori ŋesi aiswamakin oni?”

⁴Inerasi akiro nuutai, Iyapoete nuka aiŋal itutukete aitutuketa: Tape elomuni etube kwape eduan lokaisorit Kaloboi nuka emanikor.

⁵ Emaranete luiboiete koSamaria Kanuka itaok yenika Bet-aben: Naarai ibworos iketuŋa ŋes, Edelorete ikesasedotin kanuke, Naarai anyou aibusesuke kamakeŋ.

⁶ Edakario da mama ejai Asuria Araun ainakinet naka ekabaka Yareb: Irumete Epuraim ileic, Ileicikini da Isirael ainerunike.

⁷Samaria da, egelario ekabakake, Kwape akuletait naka akito kakipi.

⁸ Emudiario da aiboisio nuiceleleete nuka Aben, Aronis naka Isirael: Elomuni ekukwai ka esukukurut kotemwanakec; Ebalasi kesi iroŋan ebe, Koraparai sio; Ka iukon da ebe, Kibirunos mamakosi.

⁹ Wu Isirael, idiaka ijo ageun kapaarasia nuka Gibea: Apotu kobwaata kaŋina; Kinyek ejie adolokin idwe luka numam adolit koGibea.

¹⁰ Naakotor, alecori kes; Etukokinos ituŋa asurokin kes, Naelecorere kanuka adiaketakec aarei.

¹¹Erai Epuraim ataok naetuutoorio, Naemina aicom; Abu kaleleŋite emurisiŋike loitemelel: Konye kwana ebwaikini Epuraim ajookot; Ekoriei Yuda, etwai Yakob.

¹² Koyeikinos adolit, Kosakata araito nuka amin; Kilobos alup nuiyeŋito, Naarai adol apak amoot EJAKAIT, Aitodol naebunio ŋesi aisitepikini yes adolit.

¹³ Ipotu kokorioto aronis, Isakata numam adolit; Inyamata araito nuka aiŋalanut; Naarai ipotu komunokinos ekusirot, Ka aipues da naka ikiriginikus.

¹⁴ Aso enyouni ecelet kotuŋakon, Eŋatario ireriakon kere luegogoŋ, Kwape keŋataria Saluman Bet-arabel kapaaran naka ejie: Ipicipicitai nukatoto ka idwekec.

¹⁵Wu ekek loka Isirael, kikwaikinio yes kwaŋin, Kanuka aronisikon naepol noi: Egelario cut ekabaka loka Isirael ecila kide.