Read Ebaibuli 1961 Yona 3 Bible Online

Yona 3 - Ebaibuli 1961 bible

Yona 3

¹Kirucak akirot naka EJAKAIT abunore mama ejai Yona ebe,

²“Konyou, kolot Ninebe, ore ŋol loepol, kolimok ŋes akirot nakecorakin jo.”

³Konyou Yona, kolot Ninebe, kwape ajaar akirot naka EJAKAIT. Kerai Ninebe ere loepol noi noi, loka alosit naka apaarasia auni.

⁴ Kogeu Yona alomar ore alosit naka adiopepaaran. Kiworo, kotema atiar, “Esalito apaarasia akaisaoŋon, kosodi konyet Ninebe atiyanakinio!”

⁵ Kiyuut ituŋa luka Ninebe Edeke; kolimosi ailuŋ, konapitos ipukoi, ageun ka lukapolok kiton ludidik kakesi.

⁶ Kodolokis akiro ekabaka loka Ninebe, konyou koicoloŋoke loka ajakanut, kolac ekegoe, konap epuko, kiboikin okurwon.

⁷ Abu kolimo kitejen Ninebe kere ebe, “Kokisil loka ekabaka ka ikapolokoke; Sirikiir ituŋanan karaida itiaŋ, esipan loka aituk, karaida loka amerekekin, idiobore: sirikenyama, karaida aimat akipi;

⁸ Konye kimukoros kipukoi, ituŋanan ka itiaŋ da, kiwoneoto noi Edeke: eebo, kibelokinos kesi ŋinituŋanan ainyein ekerot loerono, anyoun da kadedeŋ naejai kakaninikec.

⁹Iŋai bo ejeni arai mam Edeke ibelokin iituni da, aibelokin ainyein akenyunyura naededeŋ, tetere mam kitwaki?”

¹⁰Koany Edeke aswamisiokec, kwape ebelokinotor ainyein ekecerot loerono; kiitu Edeke kinyek aronis naabala iswamakini kes; mam abu kiswama.