Read Ebaibuli 1961 Aimario 1 Bible Online

Aimario 1 - Ebaibuli 1961 bible

Aimario 1

¹ Kotema EJAKAIT Musa kamodiŋ naka Sinai, kotoma owema loka airiamunun, kapaaran nasodit naka elap lokiareit, kokaru lokiareit akaulo kanyounikec kakwap nako Misiri, ebe,

² “Kimarata yesi ekodet kere loka idwe luka Isirael, kwape ejaatar ikekiakec, kwape ejaatar ikalia luka lukapapaakec, kwape ejaar etiai loka ikiroriakec, ŋolikiliokit, kwape ejaatar akecekwes;

³Ageun kaluka ikar akaisaarei ka luedeparito, kere luepedorete alosit ojie koIsirael, imarete ijo ka Aaron kes kwape ejaatar irioŋetakec.

⁴ Ejauni etuŋanan loka ŋiniteker nepepe kayes; ŋolidiopet loepolokinit ekal loka lukapapaake.

⁵ Lu kes ikiroria luka ituŋa luebwoenenete nepepe kayes: loka Reuben: Elisur okoku loka Sedeur.

⁶Loka Simeon; Selumiel okoku loka Surisadai,

⁷ loka Yuda; Nason okoku loka Aminadab,

⁸loka Isakar; Netanel okoku loka Suar,

⁹loka Sebulun; Eliab okoku loka Kelon.

¹⁰Loka idwe luka Yosep: loka Epuraim; Elisama okoku loka Amikud; loka Manase; Gamaliel okoku loka Peda-sur.

¹¹Loka Benyamin; Abidan okoku loka Gideoni.

¹²Loka Dan; Akieser okoku loka Amisadai.

¹³Loka Aser; Pagiel okoku loka Ocuran.

¹⁴ Loka Gad; Eliasap okoku loka Deuel.

¹⁵Loka Naputali; Akira okoku loka Enan.”

¹⁶ Ŋul kes luaponi konyaraunai kotoma okodet, ikapolok luka atekerin nuka lukapapaakec; kes luapolokinito ikekia luka Isirael.

¹⁷Koyaŋaasi Musa ka Aaron ituŋa ŋul luebilitai ikecekiroria:.

¹⁸ Kotukonokis ekodet kere nepepe kapaaran nasodit naka elap lokiareit, koJimosi lukapapaakec, kwape ejaatar ikekiakec, kwape ejaatar ikalia luka lukapapaakec, kwape ejaar etiai loka ikiroriakec, ageun kaluka ikar akaisaarei ka luedeparito, kwape ejaatar akwesikec.

¹⁹ Kwape abu EJAKAIT kicorakinitor Musa, kimar kes kwaŋin kamodiŋ naka Sinai.

²⁰Idwe luka Reuben, ekiyai loka Isirael, aturiokec, kwape ejaatar ikekiakec, kwape ejaatar ikalia luka lukapapaakec, kwape ejaar etiai loka ikiroriakec, kwape ejaatar akwesikec, ŋolikiliokit ageun kaluka ikar akaisaarei ka luedeparito, kere luepedorete alosit ojie;

²¹Ŋul luaponi kimarai kakesi, luka ateker naka Reuben, emwaasi ilukumin akaisaoŋon ka lukanykape ka akwat akany (46,500).

²² Idwe luka Simeon, aturiokec, kwape ejaatar ikekiakec, kwape ejaatar ikalia luka lukapapaakec, ŋul luaponi kimarai kakesi, kwape ejaar etiai loka ikiroriakec, kwape ejaatar akwesikec, ŋolikiliokit ageun kaluka ikar akaisaarei ka luedeparito, kere luepedorete alosit ojie;

²³Ŋul luaponi kimarai kakesi, luka ateker naka Simeon, emwaasi ilukumin akaisakany ka lukanykaoŋon ka akwat auni (59,300).

²⁴ Idwe luka Gad, aturiokec, kwape ejaatar ikekiakec, kwape ejaatar ikalia luka lukapapaakec, kwape ejaar etiai loka ikiroriakec, ageun kaluka ikar akaisaarei ka luedeparito, kere luepedorete alosit ojie:

²⁵Ŋul luaponi kimarai kakesi, luka ateker naka Gad, emwaasi ilukumin akaisaoŋon ka lukany ka akwat akanykape ka akaisakany (45,650).

²⁶ Idwe luka Yuda, aturiokec, kwape ejaatar ikekiakec, kwape ejaatar ikalia luka lukapapaakec, kwape ejaar etiai loka ikiroriakec, ageun kaluka ikar akaisaarei ka luedeparito, kere luepedorete alosit ojie;

²⁷Ŋul luaponi kimarai kakesi, luka ateker naka Yuda, emwaasi ilukumin akaisakanykaarei ka luoŋon ka akwat akanykape (74,600).

²⁸Idwe luka Isakar, aturiokec, kwape ejaatar ikekiakec, kwape ejaatar ikalia luka lukapapaakec, kwape ejaar etiai loka ikiroriakec, ageun kaluka ikar akaisaarei ka luedeparito, kere luepedorete alosit ojie;

²⁹Ŋul luaponi kimarai kakesi, luka ateker naka Isakar, emwaasi ilukumin akaisakany ka luoŋon ka akwat aoŋon (54,400).

³⁰Idwe luka Sebulun, aturiokec, kwape ejaatar ikekiakec, kwape ejaatar ikalia luka lukapapaakec, kwape ejaar etiai loka ikiroriakec, ageun kaluka ikar akaisaarei ka luedeparito, kere luepedorete alosit ojie;

³¹Ŋul luaponi kimarai kakesi, luka ateker naka Sebulun, emwaasi ilukumin akaisakany ka lukanykaarei ka akwat aoŋon (57,400).

³² Idwe luka Yosep, kes lu, luka idwe luka Epuraim, aturiokec, kwape ejaatar ikekiakec, kwape ejaatar ikalia luka lukapapaakec, kwape ejaar etiai loka ikiroriakec, ageun kaluka ikar akaisaarei ka luedeparito, kere luepedorete alosit ojie;

³³Ŋul luaponi kimarai kakesi, luka ateker naka Epuraim, emwaasi ilukumin akaisaoŋon ka akwat akany (40,500).

³⁴Idwe luka Manase, aturiokec, kwape ejaatar ikekiakec, kwape ejaatar ikalia luka lukapapaakec, kwape ejaar etiai loka ikiroriakec, ageun kaluka ikar akaisaarei ka luedeparito, kere luepedorete alosit ojie:

³⁵Ŋulluaponi kimarai kakesi, luka ateker naka Manase, emwaasi ilukumin akaisauni ka luarei ka akwat aarei (32,200).

³⁶ Idwe luka Benyamin, aturiokec, kwape ejaatar ikekiakec, kwape ejaatar ikalia luka lukapapaakec, kwape ejaar etiai loka ikiroriakec, ageun kaluka ikar akaisaarei ka luedeparito, kere luepedorete alosit ojie:

³⁷Ŋul luaponi kimarai kakesi, luka ateker naka Benyamin, emwaasi ilukumin akaisauni ka lukany ka akwat aoŋon (35,400).

³⁸ Idwe luka Dan, aturiokec, kwape ejaatar ikekiakec, kwape ejaatar ikalia luka lukapapaakec, kwape ejaar etiai loka ikiroriakec, ageun kaluka ikar akaisaarei ka luedeparito, kere luepedorete alosit ojie;

³⁹Ŋul luaponi kimarai kakesi, luka ateker naka Dan, emwaasi ilukumin akaisakanykape ka luarei ka akwat akanykaarei (62,700).

⁴⁰Idwe luka Aser, aturiokec, kwape ejaatar ikekiakec, kwape ejaatar ikalia luka lukapapaakec, kwape ejaar etiai loka ikiroriakec, ageun kaluka ikar akaisaarei ka luedeparito, kere luepedorete alosit ojie;

⁴¹Ŋul luaponi kimarai kakesi, luka ateker naka Aser, emwaasi ilukumin akaisaoŋon ka lodiopet ka akwat akany (41,500).

⁴²Idwe luka Naputali, aturiokec, kwape ejaatar ikekiakec, kwape ejaatar ikalia luka lukapapaakec, kwape ejaar etiai loka ikiroriakec, ageun kaluka ikar akaisaarei ka luedeparito, kere luepedorete alosit ojie:

⁴³Ŋul luaponi kimarai kakesi, luka ateker naka Naputali, emwaasi ilukumin akaisakany ka luuni ka akwat aoŋon (53,400).

⁴⁴ Ŋul kes luaponi kimarai, luemarete Musa ka Aaron, ka ikapolok luka Isirael, emwaasi ituŋa itomon ka luarei: ŋinituŋanan kakesi ajai kanuka ekal loka lukapapaake.

⁴⁵Aso kere luaponi kimarai kodwe luka Isirael kwape ejaatar ikalia luka lukapapaakec, ageun kaluka ikar akaisaarei ka luedeparito, kere luepedorete alosit ojie koIsirael:

⁴⁶ Kes kere luaponi kimarai emwaasi ilukumin akwat akanykape kaluuni ka akwat akany ka akaisakany (603,550).

⁴⁷ Konye Ilebin kwape ejaar ateker naka lukapapaakec mam aponi kimarakinai tomakec.

⁴⁸Naarai abu Edeke kolimok Musa ebe,

⁴⁹ “Ateker bon naka Lebi ŋes mam jo imari, karaida aimorikikin etiaikec toma otiai loka idwe luka Isirael:

⁵⁰ Konye kodakak ijo Ilebin aidar ewema lokalaunan loka aitejenunet, ka iboro kere lukotoma, ka iboro kere luejaatar; edakete kesi ewema lokalaunan, ka iboroke kere; ijaanakinete ŋes, ido idukurete kesi airimor ewema lokalaunan.

⁵¹ Naitobwosere ewema lokalaunan, Ilebin kes eusete iloin ka anunuk da; ido naibubukinere ewema, Ilebin kes ibubukinete: ido eario eloŋwait kere loikunyuni die kewema.

⁵²Ibubuete idwe luka Isirael iwemanakec, ŋinituŋanan owai loitebeitai aketeker, ŋinituŋanan owai loka emederake, kwape ejaatar irioŋetakec.

⁵³ Konye idukurete Ilebin airimor ewema lokalaunan loka aitejenunet, kinyek anyunyura abunokin ekodet loka idwe luka Isirael: ido idarete Ilebin ewema lokalaunan loka aitejenunet.”

⁵⁴Kiswamata idwe luka Isirael kwaŋin; kere kwape kicorakinia EJAKAIT Musa, kiswamata kwaŋin.