Read Ebaibuli 1961 Aimario 33 Bible Online

Aimario 33 - Ebaibuli 1961 bible

Aimario 33

¹Nu kes alosito nuka idwe luka Isirael, nakenyounioto kakwap nako Misiri toma ajoresiokec kama ka Musa ka Aaron.

²Kiwadik Musa anyounonetakec kwape ajaar alositekec kaicorakinet naka EJAKAIT: nu kes alositokec kwape ajaatar anyounonetakec.

³ Konyout koRameses kolap losodit, kapaaran nakitomonet kakany naka elap losodit; kapaaran naatupakini Aleleŋio kolomasi idwe luka Isirael kakan naarioro kakonyen nuka Imisirian kere.

⁴ Napeidaete Imisirian lukiyaikikec kere, luabu EJAKAIT kodany kotomakec: kotubok EJAKAIT ikecedekesio da.

⁵ Kolototo idwe luka Isirael anyoun koRameses kidukuroto Sukot.

⁶ Kolototo anyoun koSukot kidukuroto Etam, naejai ariri naka amodiŋ.

⁷ Kolototo anyoun koEtam, kibelooros kiton Pi-kakirot naitei Baal-sepon: kidukuroto akonyen nuka Migidol.

⁸ Kolototo anyoun kakonyen nuka Kakirot kitoro kidiŋ aŋolol kiton amodiŋ: koloto alosit naka apaarasia auni kamodiŋ naka Etam, kidukuroto Mara.

⁹Kolototo anyoun koMara kodolut Elim: ajaas toma Elim atanin atomon kaarei ka idukudukun akaisakanykaarei; kidukuroto nen.

¹⁰Kolototo anyoun koElim, kidukuroto ariri naka Aŋolol Nakareŋan.

¹¹ Kolototo anyoun kAŋolol Nakareŋan, kidukuroto amodiŋ naka Sin.

¹²Kolototo anyoun kamodiŋ naka Sin, kidukuroto Dopuka.

¹³Kolototo anyoun koDopuka, kidukuroto Alus.

¹⁴ Kolototo anyoun kAlus, kidukuroto Repidim, neamamikiniata ituŋa akip numatan.

¹⁵ Kolototo anyoun koRepidim, kidukuroto amodiŋ naka Sinai.

¹⁶ Kolototo anyoun kamodiŋ naka Sinai, kidukuroto Kiburotkataaba.

¹⁷Kolototo anyoun koKiburot-kataaba, kidukuroto Kaserot.

¹⁸ Kolototo anyoun koKaserot, kidukuroto Ritima.

¹⁹Kolototo anyoun koRitima, kidukuroto Rimon-peres.

²⁰ Kolototo anyoun koRimon-pcres, kidukuroto Libuna.

²¹Kolototo anyoun koLibuna, kidukuroto Risa.

²²Kolototo anyoun koRisa, kidukuroto Kekelata.

²³Kolototo anyoun koKekelata, kidukuroto moru Seper.

²⁴Kolototo anyoun komoru Seper, kidukuroto Karada.

²⁵Kolototo anyoun koKarada, kidukuroto Makelot.

²⁶Kolototo anyoun koMakelot, kidukuroto Takat.

²⁷Kolototo anyoun koTakat, kidukuroto Tera.

²⁸Kolototo anyoun koTera, kidukuroto Mitika.

²⁹Kolototo anyoun koMitika, kidukuroto Kasimona.

³⁰ Kolototo anyoun koKasimona, kidukuroto Moserot.

³¹Kolototo anyoun koMoserot, kidukuroto Bene-yaakan.

³² Kolototo anyoun koBene-yaakan, kidukuroto Kor-kagidigad.

³³Kolototo anyoun koKor-kagidigad, kidukuroto Yotibata.

³⁴Kolototo anyoun koYotibata, kidukuroto Aburona.

³⁵ Kolototo anyoun koAburona, kidukuroto Esion-geber.

³⁶ Kolototo anyoun koEsiongeber, kidukuroto amodiŋ naka Sin (ŋipeŋin ŋes Kades).

³⁷ Kolototo anyoun koKades, kidukuroto moru Kor, ariri naka akwap naka Edom.

³⁸ Kodoka Aaron esasedoti moru Kor kaicorakinet naka EJAKAIT, kotwanik nen, kokaru lokakaisaoŋon kedaut idwe luka Isirael anyoun kakwap nako Misiri, kolap lokikanyet, kapaaran kanasodit naka elap.

³⁹Kerai Aaron loka ikar akwatat ka akaisaarei ka luuni etwanikini moru Kor.

⁴⁰ Kopup do Ekanaanit, ekabaka loka Arad, loeboienenei kari naka Eŋalakimak naka akwap nako Kanaan abunore naka idwe luka Isirael.

⁴¹Kolototo anyoun komoru Kor, kidukuroto Salimona.

⁴²Kolototo anyoun koSalimona, kidukuroto Punon.

⁴³Kolototo anyoun koPunon, kidukuroto Obot.

⁴⁴Kolototo anyoun koObot, kidukuroto Iyeabarim, koikor loka Moab.

⁴⁵ Kolototo anyoun koIyim, kidukuroto Dibon-gad.

⁴⁶ Kolototo anyoun koDibon-gad, kidukuroto Alumon-dibilataim.

⁴⁷ Kolototo anyoun koAlumon-dibilataim, kidukuroto oroŋan luka Abarim, eiteo ka Nebo.

⁴⁸ Kolototo anyoun koroŋan luka Abarim, kidukuroto apuutona nuka Moab ariri naka Yorodan koYeriko.

⁴⁹Kidukuroto ariri naka Yorodan anyoun koBet-yesimot aitodol Abel-sitim kapuutona nuka Moab.

⁵⁰Kotema EJAKAIT Musa kapuutona nuka Moab kariri naka Yorodan koYeriko atiar,

⁵¹ “Kiner kidwe luka Isirael, kolimok kes ebe, Kidokata yesi Yorodan kodolo akwap naka Kanaan.

⁵² Ireŋearete luiboienenete kakwap kere kakonyenekus, imudiarete akecemor kere nuigirir, ka akeceputosia nuiswamatai kasua, imudiarete da akeceiboisio nuiceleleete.

⁵³ Irumete yesi akwap, iboienenete da kanen, naarai kainak yes airum akwap.

⁵⁴ Irumete yesi akwap kailamilam eroet kwape ejaatar ikekiakus; iinakinete luipu airumet naepol, ka luikidioko iinakinete airumet naedit, naebeikinia ituŋanan eroet, eraun ŋin nakeŋ; irumete ŋes kwape ejaatar atekerin nuka lukapapaakus.

⁵⁵ Konye arai mam ireŋearete kakonyenekus luiboienenete kakwap, esalete do ŋul luitasalete yesi esubito bala ibore yenedopodopoi akusikonye, bala da ikukwa kosiepionokus, kitunyunyurikinete yes kakwap naiboienenete yesi kotoma.

⁵⁶Ejaun do ebe, kwape tikaomitor eoŋ aiswamakin kes, keswamakini yes da kwape kwaŋin.”