Read Ebaibuli 1961 Nakum 1 Bible Online

Nakum 1 - Ebaibuli 1961 bible

Nakum 1

¹Abwokon naka Ninebe, Eitabo loka aitapoet naka Nakum Elikosit.

²Erai EJAKAIT Edeke lokekolo, inyaŋi da; Inyaŋi EJAKAIT, ileleba anyunyura; Inyaŋi EJAKAIT kama ka lukediŋeteke, Elilikini lukasurupoke.

³ Iyapi EJAKAIT anyunyurikin, eiliili da akepedor, Lomam itojoki luegwaunito akiro. Ejai EJAKAIT ekerot otapipirio, kokwamin da, Idouon kes adae nuka akejeke.

⁴ Iretakini ŋesi aŋolol, itooni, Itooni da icorin kere: Enonokiar Basan, ka Karumel, Enonokiar da aturot naka Lebanon.

⁵ Emaranete iroŋan kakonyeneke, Ecalaros iukon; Ebuburiar akwap kakonyeneke, Eebo, akwapin, ka luiboiete kotoma kere.

⁶Iŋai bo epedori abwoikin aisiopoke? Iŋai da epedori atitiŋikin adedeŋ naka anyunyurake? Ebukunio anyunyurake kwape akim, Etiyatiyai ŋesi imor.

⁷ Ejok EJAKAIT, abwas kapaaran naka ican; Ejeni ŋesi ŋul luemunosi ŋes.

⁸ Konye itanaŋi cut aiboisike kakalele naelapara, Erukoria lukasurupoke kiton amuton.

⁹Anyoika nuitetemonorete kaomisio aluikin EJAKAIT? Itanaŋi ŋesi cut: Mam irucakini bobo aitican.

¹⁰Naarai karaida esubito bala ikukwa luikodikodito, Epalala kesi da kanumatanakec, Idoporio kes cut kwape ariaŋ naeonit de.

¹¹Aiomu idiopet kamakon yenitetemor aronis aluikin EJAKAIT, Yenineruni nukaronok.

¹²Inera EJAKAIT kwanata ebe: “Karaida egogoŋ kes cut, ipu da, Ejepio kes, eoliorete. Karaida abu kareite jo, Mam bobo karei jo.

¹³Kwana abili ajookotoke kamakon, Aaŋololedi irikoikon.”

¹⁴Abu EJAKAIT kicorak nukon ebe: “Mam bobo eyeio ekonikiror; Kotogo loka idekesiokon Ajepi aput naegerer, ka aput da naecalara. Etemokini atesikon; Naarai isiliana ijo.”

¹⁵ Koany, akejen nuka aŋololol kaloeyauni akiro nukajokak, Loelimonokini ainapakin koroŋan! Kidar ipucinokon, ijo Yuda, Kitodol aiyaposiokon: Naarai mam ikaronon itori bobo tomakon; Egelario cut.