Read Ebaibuli 1961 Sepania 2 Bible Online

Sepania 2 - Ebaibuli 1961 bible

Sepania 2

¹ Kotukonokinos, eebo, kotukonokinos, Ijo ateker namam ileieikin;

² Eroko elomuna ekisil, Eroko etuboro apaaran bala agugu, Eroko ebunokina yes anyunyura naededeŋ naka EJAKAIT, Eroko apaaran naka anyunyura naka EJAKAIT ebunokina yes.

³ Komoata EJAKAIT, yes kere luitasonos luka akwap, Luiswamaete akeicorakineta; Komoata adolit, komoata da aitasono: Motoko kitoŋopio kapaaran naka anyunyura naka EJAKAIT.

⁴ Naarai ejalakinio Gasa, Eraun Asukelon da ameje: Ireŋeario ituŋa luka Asudod kidiŋ paaran, Eutorio da Ekuron.

⁵ Itukwi luiboiete kariri naka aŋolol, Ateker naka Ikeretin! Kiluik akirot naka EJAKAIT jo, wu Kanaan, Akwap naka Ipilisitian; Kamudiari jo komam esali yeniboie kotoma.

⁶ Eraun ariri naka aŋolol ironyia, Ejaunos idukurun luka ikecokok, Ka anukia da nuka isipanin.

⁷ Eraun ariri naka aŋolol airumet naka aatoŋot naka ekek loka Yuda; Itadakete isipaninikec kanen: Eperete kuare otogoi luka Asukelon. Naarai eanyanari kes EJAKAIT Ekecedeke, Inyakuni kaijoreoriokec,

⁸ “Apup eoŋ amorosit naka Moab, Ka amoromor naka idwe luka Amon, Nuamoromorooto ikatuŋa, Aitopoloor bonik aluikin eikorukec.”

⁹ Kanuka ŋun ebala EJAKAIT loka ajoresio, Edeke loka Isirael ebe, “Kwape ajaria eoŋ, abeit eraun Moab bala Sodom, Ka idwe luka Amon bala Gomora, Airumet naka ikukwa, ka apanya nuka abalaŋ, Ka ameje naka ikar kere. Luideunos luka ikatuŋa enaŋete kes, Aatoŋot naka atekereka irumi kes.”

¹⁰Edumunete ŋun kanuka eiturikec, Naarai amoromoroto ido kitopolooros bonik, Asurokin ituŋa luka EJAKAIT loka ajoresio.

¹¹ Eraun EJAKAIT etasuro mama ejaas; Naarai isiriebi idekesio kere luka akwap eteŋei; Emaete ŋes ituŋa, ŋinituŋanan kaiboisike, Kes apujana kere nuka atekerin.

¹² Yes da Iyetiopian, kiaŋo kekileŋika.

¹³ Eriori ŋesi akekan aluikin agolitomei, Emudiari Asuria; Ituluori ŋesi Ninebe ameje, Koono da bala amodiŋ.

¹⁴ Eperenenete isipanin kokidiŋike, Itiaŋ kere luka atekerin; Iboie erere ka ecoc kopirinoke; Eruo etukuri kadirisan; Ejaun ekuruk okek; Naarai alaca aswam naka eres.

¹⁵ Ŋol ŋes ere loibwoŋa, loeboie komam epodo, Loabala kotauke ebe, “Ajai eoŋ, Emamei ece lokiputor eoŋ,” Buu! Arau ca ma ameje, Aibois neeperete itiaŋ! Ŋin yenitori etubor isuari ŋes, Ijaŋijaŋi akanike.