Read Ebaibuli 1961 Sekaria 11 Bible Online

Sekaria 11 - Ebaibuli 1961 bible

Sekaria 11

¹Koŋa ikekiakon, ijo Lebanon, Tetere idopori akim iresiakon.

²Kodelo ijo eberos, naarai ebiror eres, Naarai amudiaros ikito lukajokak. Kodelosi, yes iluan luka Basan, Naarai ajepar amagoro naegogoŋ.

³Eporoto loka adelor naka ikecokok! Naarai eŋatara aibusesukec. Eporoto loka iŋatunyo ludidik luegatas! Naarai eŋatara eitur loka Yorodan.

⁴Abu EJAKAIT Ekadeke kiner kwanata ebe: “Korau ijo ekecokon loka esipan loebuni aario.

⁵ Luegwelete kes earete kes, kobalas ebe mam adiokirot naitelekarit kes; ŋul da luegwelarete kes ebalasi ebe, ‘Kituritete EJAKAIT, naarai abar eoŋ’: mam ikecokokokec itimete kes.

⁶Naarai ebala EJAKAIT ebe, Mam bobo etimi luiboiete kakwap. Konye, koany, ejaikini ituŋa ŋinituŋanan akan naka iidunyeteke, akan da naka ekabakake: edanyete lukakwap, mam eoŋ da ayuuni kes kakanikec.”

⁷ Araun do ekecokon loka esipan loebuni aario, kanuka ikagwelak amerekekin. Kalemu da ibelai iarei; abu kamaik ediopet ekekiror Asianut, kamaik da ece ekekiror Eidie. Ketadak da esipan.

⁸ Kolap ediopet kamudia ikecokok iuni. Naarai etapasito ekatau, kes da kalaitos eoŋ.

⁹ Kasodi eoŋ atemar atiar, “Mam teni araun ekecokonikus. Ŋin yenetwani, kotwana; ŋin yenemudiario, komudiarai; ŋul da luideunos konyamata ŋinidiopet akiriŋ naka yenice.”

¹⁰Ketiŋ ekabela Asianut, kabil, tetere abili akaitutuket naetutukit kituŋa kere.

¹¹Kobilai kapaaran kaŋin: kwaŋin kojenut ikagwelak amerekekin lukerereete eoŋ ebe kerai akirot naka EJAKAIT.

¹² Kabala kes ebe, “Arai kitojokito, koinakinai eoŋ ekaropit; arai mam, kinyeis.” Kitemoto do ekaropit atutubeta akaisauni nuka epuesa,

¹³Kabala EJAKAIT eoŋ ebe, “Kocakak ekajean” etiai lokapolon loapotu ketemokis eoŋ. Kalem atutubeta akaisauni ŋun nuka epuesa, kacakak ekajean, togo loka EJAKAIT.

¹⁴Kasodi eoŋ aibil ebelaka ece Eidie, tetere abili einacane kama ejai Yuda ka Isirael.

¹⁵ Kabala EJAKAIT eoŋ ebe, “Kolemu bobo iboro luka ekecokon loebaŋaana.

¹⁶Naarai koany, adakuni ekecokon kakwap, lomam epod lueoliorito, karaida amoot luesiarakina, karaida aider luebilil; mam da itadaki luicasito, konye enyami ŋesi akiriŋ naka luetumitos, ecilicilei imagegerekec.

¹⁷ Itukwi ekecokon lotai loejali esipan! Kojaun ekileŋ akanike, akoŋuke da nakoteten! Koono de akekan, Komudukanar cut akekoŋu nakoteten!”