Read Ebaibuli 1961 Sekaria 6 Bible Online

Sekaria 6 - Ebaibuli 1961 bible

Sekaria 6

¹Keteluo bobo akakonye, kete, ido koany, kopotu agalin aoŋon kokidiŋ kiroŋan iarei; iroŋan da keraas iroŋan luka aisinit.

² Agali nasodit ajaas ibalasin lukareŋak; agali nakiareit ibalasin lukirionok;

³ agali nakiwuniet ibalasin lukakwaŋak; ka agali da nakiwoŋonet ibalasin lueŋirooko lukagogoŋok.

⁴ Kasodi eoŋ aboŋokin emalaika lokinera keoŋ ebe, “Ekajakait, inyoika bo lu?”

⁵ Kaboŋok emalaika eoŋ atiar, “Lu kes ikwamin iwoŋon luka akui, lualomasi anyoun kaibwo kakonyen nuka EJAKAIT loka akwap kere.

⁶ Ebei agali naejaas ibalasin lukirionok akwap naka agolitomei; kotupakis lukakwaŋak kes; kobeete lueŋirooko akwap naka eŋalakimak.”

⁷ Kobeete lukagogoŋok, komootos aimaniman lailo ka laije anatar akwap. Kobala ebe, “Koloto yesi, kimanimanata lailo ka laije da anatar akwap.” Kosodete kimanimanata akwap.

⁸ Kosodi ŋesi aiworor eoŋ katema ebe, “Koany, ŋul luebeete akwap naka agolitomei apotu kisiyamikis Ekamoyo kakwap naka agolitomei.”

⁹Kobu akirot naka EJAKAIT mama ajai ebe:

¹⁰ “Koyaŋa kakesi kaluejoreoritai, kes Kelidai, ka Tobiya, ka Yedaia, luadolut anyoun koBabulon, kolot ijo da kapaaran kaŋin, koloma togo loka Yosia, okoku loka Sepania.

¹¹ Ido kijau kes epuesa ka esabu, kiswamaunia abokoi, kitanapik kes akou naka Yosua okoku loka Yekosadak, esasedoti lopeti;

¹² kolimok ŋes ebe, ‘Inera kwanata EJAKAIT loka ajoresio ebe, Koany, etuŋanan ekekiror Atenu; epolouni ŋesi kaiboisike, eduki ŋesi eyekalu loka EJAKAIT.

¹³ Eduki teni ŋesi eyekalu loka EJAKAIT; ibwoki ŋesi aibuses, iboie irumi koicoloŋoke loka ajakanut. Ejaun esasedoti die koicoloŋoke: ejaun ainerun naka ainapakin kidiŋ kakesi luarei.’

¹⁴ Ejaunos abokoi mama ejaas Kelem,[3] ka Tobiya, ka Yedaia, ka Ken * okoku loka Sepania araut aisiitunet koyekalu loka EJAKAIT.

¹⁵ “Epote da ŋul luelwaka iŋarakinete aiduk eyekalu loka EJAKAIT, ijenunete ebe kejuku EJAKAIT loka ajoresio eoŋ mam ijaas, Ejaun do ŋin, arai ikukuraka arimar eporoto loka EJAKAIT Ekusideke.”