Read Ebaibuli 1961 Malaki 2 Bible Online

Malaki 2 - Ebaibuli 1961 bible

Malaki 2

¹Aso do, yes isasedotin, kitebeitai yes aicorakinet na.

² Ebala EJAKAIT loka ajoresio ebe, “Arai kiŋero yesi akiirar, arai da kiŋero yesi aibwaikin etau, aitubusikin ekakiror, ejukuni do ekenit mamakus, ekeni da arerenesiokus: eebo, adau aiken kes, naarai mam ibwaikinito etau.

³Koany, etoroni aurikus kanukus, aiukokini aoret akonyenekus, aoret naka asubanakus; kilemario yes nepepe kaŋes.

⁴ Ebala EJAKAIT loka ajoresio ebe, Ijenunete ebe ejukunit aicorakinet na mamakus, tetere akaitutuket ejaun ka Lebi.

⁵ Ajai akaitutuket naka aijar ka ainapakin kaŋes; abu kainak ŋes kes tetere eyoŋi, abu kayoŋ eoŋ, kokurianar da ekakiror.

⁶ Ajai ekisil loka abeit aitukuke, mam adumakinio numam adolit aŋajepeke. Alosenenei keoŋ kainapakin ka aitenara, kibelok luipu anyoun kanumam adolit.

⁷ Naarai ibusakinit aŋajep naka esasedoti aricit aijen, ibusakinit da ituŋa amoot ekisil kaitukuke: naarai erai ŋesi ekiyakia loka EJAKAIT loka ajoresio.

⁸ Konye ebala EJAKAIT loka ajoresio ebe, Ipaasi yesi korot; itiguikis luipu kokisil; ibilata aitutuket naka Lebi.

⁹Kanuka ŋun kainak yes amenio ka asiles kakonyen nuka ituŋa kere, naarai mam ipotu koricata ikarotin, konye ipotu kotiaka ituŋa kokisil.”

¹⁰ Mere kereka papawok kere ediopet? Mere kereka Edeke ediopet kisubuni oni? Kanukinyo kimodia oni ŋinituŋanan onaceke, aibil aitutuket naka lukapapawok?

¹¹ Abil Yuda ebotet, eswama naketale kolsirael ka Yerusalem; naarai amuna Yuda alaunit naka EJAKAIT naemin, amany akoku naka edeke lomoit.

¹²Emudiari EJAKAIT ŋol loekwenyi ka ŋol loeboŋokini, koweman luka Yakob, ka ŋol loeinakini ainakinet mama ejai EJAKAIT loka ajoresio, kama ejai ituŋanan yeniswamai ŋun.

¹³Iswamaete da bobo nu: irapiarete etem loka EJAKAIT kakiyo, ka aimony, ka eidiny, naarai mam bobo eseseni ainakinet, karaida acamun kasianut kakanikus.

¹⁴Konye ibalas ebe, “Kanukinyo?” Naarai arai EJAKAIT ekajenanikon ka aberu naka atumunikon, nakimodomodoi ijo, kwabo erai apaupakon, ka aberu naka aitutuketekon.

¹⁵ Mam ŋes abu kosub idiopet, karaida abu kideu emoyo? Kanukinyo idiopet? Abu komo aur naejok, Aso do kocoito ikusimoyon, kinyek idiopet amodomod aberu naka atumunike.

¹⁶ Naarai ebala EJAKAIT Edeke loka Isirael ebe, “Alait aireŋear, ŋin da yenerapiarit ekegoe kadedeŋ. Ebala EJAKAIT loka ajoresio ebe, Aso, do kocoito ikusimoyon, kinyeis amodomod.”

¹⁷Itapasata EJAKAIT kakusikiro, Kwabo ibalas ebe, “Kitapasa ŋes biai?” Naarai ibalas ebe, “ŋinituŋanan yeniswamai aronis ejok kakonyen nuka EJAKAIT, ido isiyalamikinit ŋes.” Arai ebe, “Ai bo ejai Edeke loka etube?”