Read Ebaibuli 1961 Malaki 3 Bible Online

Malaki 3 - Ebaibuli 1961 bible

Malaki 3

¹ “Koany, ejukuni ekakiyakia, itemonokini erot kakonyeneka: ido EJAKAIT, loimoete yesi enesun abunore oyekaluke; ebala EJAKAIT loka ajoresio ebe, Koany, ebunit ekiyakia loka aitutuket, loilelakinito yesi.

² Konye iŋai bo etitiŋikini apaaran naka abunoreke? Iŋai ca ma ebwoi ketakanu ŋesi? “Naarai esubit bala akim naka ekeliliaunan, ido bala asabunyu naka ekapwatunan;

³ iboie rwaru kwape ekeliliaunan, eketesegaaran da loka epuesa, itesegaari odwe luka Lebi, egelemari da kwape esabu ka epuesa; ijaanakinete asuban neejai EJAKAIT kotoma adolit.

⁴Kosodi eminakini EJAKAIT asubanit naka Yuda ka Yerusalem, kwape kapaarasia nuka asonya, kwape kokar lupeŋo.

⁵ “Ebala EJAKAIT loka ajoresio ebe, Ekunyuni airabakin yes; araun da ekajenan loisunyit asurokin ikacudak, ka ludotea, ka luiyapoete nuka aiŋal; ka ŋul lueridakinito ikeoteon kotoma oropitike, apuserut ka ikoki, ka luireŋete da imoit kotoma nuebeito ŋes, ido mam kayoŋito eoŋ.

⁶ “Naarai mam eoŋ EJAKAIT ejulakin; kanuka ŋun mam kimudiaritai, yes odwe luka Yakob.

⁷ Ameun kapaarasia nuka lukapapaakus ipaasi yesi kaicorakinetaka, mam iricito kes. Ebala EJAKAIT loka ajoresio ebe, Koboŋutu mama ajai, eoŋ da aboŋuni mama ijaas. Konye ibalas ebe, ‘Kiboŋuni biai?’

⁸ Ekokoi kereka ituŋanan kaneejai Edeke? Konye ikokoete yesi kaneajai eoŋ, Konye ibalas ebe, ‘Kikoko isio inyo kaneijai ijo?’ Lukotomon ka ainakineta.

⁹Kikenitoi yes kekenit; naarai ikokoete yesi kaneajai eoŋ, ateker na kere.

¹⁰ Ebala EJAKAIT loka ajoresio ebe, Koyautu yenikitomonet kere aiŋadis, tetere ejaunos inyamat togoka, kigimoriata eoŋ, arai mam eoŋ kaŋaikini yes apedon nuka akuj, kasodi abukokin yes arereŋ, namam ilosikin apak kanuka ailiilike.

¹¹ Ido etoroni ekanyaman kanukus, mam da emudiari araito naka alupokus; ebala EJAKAIT loka ajoresio ebe, Karaida emusabibukus mam eraraari akeraito komanikor eroko apak.

¹² Ebala EJAKAIT loka ajoresio ebe, Kinyaraete yes atekerin kere luisirereŋitoi; naarai iraunos akwap naisiyalamikinit.

¹³“Ebala EJAKAIT loka ajoresio ebe, Kiluikinitos eoŋ kakiro kanuegogoŋ. Konye ibalas ebe, ‘Kiluikinit jo biai koinerikosi?’

¹⁴ Itemasi ebe, ‘Erai aijaanakin Edeke naatai, Ido ajokis anyoin nakipou kedariata akekirot, kilosio da aibworo kakonyen nuka EJAKAIT loka ajoresio?

¹⁵ Kwana kinyarit isio luituros Iuisirereŋitoi; eebo, edukio ŋul luiswamaete aronis; eebo, igimorete Edeke, eyuunio,’ ”

¹⁶ Kosodete ŋul luayoŋito EJAKAIT aineranakin: kopup EJAKAIT, kiira, kiwadikai eitabo loka aiitunet kakonyeneke kanuka ŋul kaluayonito EJAKAIT, luaomoomoete nuka ekekiror.

¹⁷Ebala EJAKAIT loka ajoresio ebe, “Eraunos lukaŋ, kapaaran naeswamaa, lukaŋ luka etiai loepol; esioniei kes, kwape isionio etuŋanan okokuke loijaanakini ŋes.

¹⁸Kosodete yesi aboŋun aitiak ikadolitok ka ikaronok, ŋol loijaanakini Edeke, ka ŋol lomam ijaanakini ŋes.