Read Ebaibuli 1961 Marako 1 Bible Online

Marako 1 - Ebaibuli 1961 bible

Marako 1

¹Ageunet naka Akiro Nukajokak nuka Yesu Kristo, Okoku loka Edeke.

² Kwape kiwadikatere toma Isaia enabi ebe: “Koany, ejukari ekakiyakia kakonyenekon, Loitemonokini ekonirot;

³ Eporoto loka yenikiworoi kamodiŋ ebe, ‘Kitemonokis erot loka Ejakait, Kitetenata ikesokono.’ ”

⁴Kotakanu Yokana Lokebatisan elimonokini kamodiŋ aibatisa naka aitoronikin kanuka alemar adiakanareta.

⁵Kolosenenete lukakwap kere naka Yudaya ka luko Yerusalem da kere mama ejai; kibatisai kes kocor Yorodan, kolimonorete akecediakanareta.

⁶ Konapenenei Yokana ajul nuka akaal, ka amuny naka emukule kaŋabeteke, konyamenenei da emaase ka esik loka ais.

⁷ Kolimonokini, kobala ebe, “Ebunit kokaukaŋ loketelekarit eoŋ kagogoŋ, lomam eoŋ kebusakinit akukum alacun amuny naka amukake.

⁸Kebatisat eoŋ yes kakip; konye ŋes kibatisai yes kEmoyo Lokalaunan.”

⁹ Kosodi kanen kapaarasia kaŋun, kobu Yesu koNasaret loko Galilaya, abu Yokana kibatisa ŋes koYorodan.

¹⁰Atipet napedokuni kakipi, koany akuj ecilil, kodoku Emoyo mamakeŋ kwape ajele.

¹¹ Kobu eporoto kotoma akuj kobala ebe, “Irai ijo Okokuka lominat, Kalelakinit jo noi.”

¹² Atipet kireŋea Emoyo ŋes toma amodiŋ.

¹³ Kojau toma amodiŋ apaarasia akaisaoŋon, ecoduni Satan ŋes; kojaas nenipe kitiaŋ luka ais, kijaanakinete ŋes imalaikan.

¹⁴ Kedau Yokana aikamario, kobu Yesu Galilaya, elimonokini Akiro Nukajokak nuka Edeke,

¹⁵ kobala ebe, “Adol apak, aapu da ajakanut naka Edeke. Kitoronikinos, kiyuut Akiro Nukajokak.”

¹⁶ Nakitoritor ariri kaŋolol naka Galilaya, koany Simon ka Anderea onaceke ecakakinete eboi aŋolol; naarai keraas ikalokak.

¹⁷ Kotema Yesu kes atiar, “Kotupunai, ketuluori yes ikalokak ituŋa,”

¹⁸Atipet kinyeis iboyanakec, kotupasi ŋes,

¹⁹Kiyatak alosit nediokasilon, koany Yakob okoku loka Sebedayo ka Yokana onaceke, lukejaas toma ataker erucete iboyan.

²⁰Atipet konyarau kes; kinyekis papakec Sebedayo kataker nenipe kikewoteok, kotupasi ŋes.

²¹ Kolomasi Kaparanaum; atipet apaaran nakasabato koloma toma atukos kisisianak.

²² Koumokis noi ituŋa akeisisianakin, naarai kisisianakini kwape elopet apolou, kwabo mere kwape ikewadikak.

²³Atipet kojai toma atukosikec etuŋanan lokejai emoyo loerono. Kiworo, kobala ebe,

²⁴ “Anyoika sio ka jo, Yesu loko Nasaret? Ibu kereka amudiar sio? Kajeni jo kwape iraar, Lokalaunan loka Edeke.”

²⁵Kiretak Yesu ŋes ebe, “Kobuta, kolom kamakeŋ!”

²⁶ Kitamaran ŋes emoyo lokaronon, kodelo keporoto loepol, kolom kamakeŋ.

²⁷Koumokis kere, kiŋitanaros kobalas ebe, “Anyoika bo nu? Itet ca ma aisisianakin na! Naarai icorakini kapedor imoyon lueroko da, erimasi ŋes!”

²⁸Atipet kisiarakin ekeemut aiboisio kere anatar atutubeta kere nuirimorito nuko Galilaya.

²⁹ Napekelomuniata katukos, kolomasi togo loka Simon ka Anderea, nepepe ka Yakob ka Yokana.

³⁰Keperi kanen amuran naka Simon edeka ekamidi, atipet kolimokis Yesu akekiro.

³¹Kikunyak kitiŋ akekan, kitonyou ŋes. Atipet koŋaleu ekamidi, kijaanak kes.

³²Nakitiboŋ, keloma akoloŋ, koinut ŋes kere lukedekas ka lukajokin.

³³Kotukokinos lukore kere orute.

³⁴ Kitaŋaleu luipu lukejaas adekesia nuegelegela, kireŋea da ajokin nuipu; mam kecamakinit ajokin einer, naarai kejenete ŋes.

³⁵ Tupuruc sek eriŋa emutono, konyou ŋesi koloma kolot aibois naesil, kilip kaŋina.

³⁶Kibwapito ŋes Simon ka ikepaup.

³⁷Nakedumuniata kotemasi ŋes atiar, “Kimooto jo ituŋa kere.”

³⁸Kotema kes atiar, “Kaloto nenice, oreria lueapiete, tetere alimonokini ŋina da; naarai ŋin abunitor eoŋ.”

³⁹ Kolot ilokidai Galilaya kere, elimonokini katukosiakec ka aireŋeanar da ajokin.

⁴⁰ Kobu lokatapon mamake, kiŋaiŋa, kokukokin, kotema atiar, “Arai ikoto, ipedori aiswagar eoŋ.”

⁴¹Konyunyura, korio akekan, kotiro kotema atiar, “Akoto; kiswagar.”

⁴²Atipet koŋaleu atapon, kiswagar.

⁴³ Kisiopak Yesu ŋes, kireŋea atipet,

⁴⁴ kotema ŋes atiar, “Kocoite sirikilimok idiotuŋanan adiokirot. Konye kolot, kitodiar mama ejai esasedoti, koinak nukolo kicorakinit Musa kanuka aiswagariokon, koraut akajenak kamakec.”

⁴⁵Konye koloma, kogeu alimonokin noi, ka aitisiarakin akirot, komam bobo Yesu epedori alomar ore kaitebeikin, konye kojai kiŋa toma aiboisio nuemameete ituŋa, Kopotu ituŋa mamakeŋ anyoun kaiboisio kere.