Read Ebaibuli 1961 Marako 3 Bible Online

Marako 3 - Ebaibuli 1961 bible

Marako 3

¹ Koloma bobo atukos; kejai nen etuŋanan lokewonit akan.

²Kiteikinitoi ŋes, aanyun arai itaŋaleuni kapaaran nakasabato, tetere iwosaete ŋes.

³Kotema ŋesi etuŋanan lokejai akan nakewonit atiar, “Kobwo kokidiŋ.”

⁴Kiŋit kes ebe, “Ibus kereka aswam nuejok kapaaran nakasabato, arai bo aswam nueroko, aitajar aijar, arai bo aiar?” Konye kililiŋata.

⁵ Kosesen kes kanyunyura, kokadak kanuka aninik naka ikecetauon, kolimok etuŋanan ebe, “Korio akonikan.” Korio ŋesi akekan, koŋaleu.

⁶ Kolomasi Iparisayon, kinerutu atipet kaluKerodian asurokin ŋes, ka epone loemudiariata ŋes.

⁷ Kosodi kogitar Yesu nepepe kikekesisiak, kolot aŋolol, kotupa ekodet loapol lokebuni koGalilaya; koYudaya da,

⁸ ko Yerusalem ka Idumea, ka okekwa Yorodan, ka ariino da nuka Turo ka Sidon, ekodet loapol, lokiirarit akiro kere nukiswamat, kobu mamakeŋ.

⁹ Kolimok ikekesisiak aitemokinit ataker aidaret ŋes, kanuka ekodet, kinyeis aridakin ŋes;

¹⁰naarai kitaŋaleunit luipu, tape da kere lukiticanete adekesia ebelaros atiror ŋes.

¹¹ Nakeanyuniata ŋes imoyon lueroko, kibiroros kakonyeneke, kiworoto kobalas ebe, “Irai ijo Okoku loka Edeke.”

¹² Kicorenenei kes jokan kinyeis aitejenun ŋes.

¹³ Kodoka oroŋat, konyarau lukipuda elopet; kopotu mamakeŋ.

¹⁴Koseu itomon kaluarei ajaenena kaŋes, ido aiyakienen alimonokin;

¹⁵kojaas da kapedor aireŋear ajokin.

¹⁶ Koseu lutomon kaluarei lu: Simon, komaik ekekiror Petero;

¹⁷ ka Yakob okoku loka Sebedayo, ka Yokana onaceke (komaik kes ekiror Boanerege, apolouke ebe, Idwe luka airetun);

¹⁸ka Anderea, ka Pilipo, ka Batolomayo, ka Matayo, ka Tomas, ka Yakob okoku loka Alupayo, ka Tadayo, ka Simon Ekanaanit

¹⁹ka Yuda Isikariot, ŋes lokebilakini ebotet. Koboŋo ore.

²⁰Kotukokin bobo ekodet, komam epedorete ainyam idisinyamat.

²¹ Nakiirariata lukeŋ, kolomasi aikamun ŋes, naarai kobalas ebe, “Amunaar.”

²² Kobalas ikewadikak lukijesunos koYerusalem ebe, “Ejai Beelesebul, ido ireŋeari ajokin kanuka ekapolon loka ajokin.”

²³Konyarau kes kolimok kawaragasia ebe, “Epedori biai Satan aireŋear Satan?

²⁴Ajakanut arai etiakatiakaun bon, mam epedori ajakanut ŋin aicasit.

²⁵Arai da etogo etiakatiakaun bon, mam epedori etogo ŋol aicasit.

²⁶Aso arai enyoikino Satan bon, etiakatiakaun da, mam epedori aicasit; konye enaŋete nuke nen,

²⁷Konye emamei loepedori alomar togo loka ekagogoŋon, ka aiŋat ikeboro, arai mam ber eenit ekagogoŋon ŋol; ŋes konyet eŋasia eketogo.

²⁸“Abeit katemari yes atiar, Isionio adiakanareta kere nuka ituŋa, ka ainyanakineta da kere nueinyanakinete;

²⁹ konye yeneinyanakini Emoyo Lokalaunan mam isionio cut; konye egwaunete akiro nukadiakar naka ikar kere.”

³⁰ Naarai apotu kobalas ebe, “Ejai emoyo loerono.”

³¹ Kopotu do totoke ka ikeinacan; kobwaata kokiŋa, kiyakikis akirot anyaraunia ŋes,

³²Kiboie ekodet elukunit ŋes; kobalas ŋes ebe, “Koany, totokon ka ikoniinacan ejaas kiŋa, kimootos jo.”

³³Koboŋok kes kotema atiar, “Iŋai bo totoka ka ikainacan?”

³⁴Kirere ŋul lueboiete elukunito ŋes, kotema atiar, “Koany, totoka, ka ikainacan!

³⁵Naarai ituŋanan kere yeniswamai nuekoto Edeke, ŋin ŋes onaceka, ka inacika, ka totoka da.”