Read Ebaibuli 1961 Ikisila 26 Bible Online

Ikisila 26 - Ebaibuli 1961 bible

Ikisila 26

¹“Kosodi rwaru, nailomaria akwap nakiinakini EJAKAIT Ekonideke araun airumet, irumi, iboikin nen:

² Ilemuni nugeet nuka araito kere nuka alup, nuidwenyi kakwapukon nukiinakini EJAKAIT Ekonideke; kipikak odita kolot aibois naeseuni EJAKAIT Ekonideke aisiboikin ekekiror.

³Ido ilosi mama ejai esasedoti loejai kapaarasia kaŋun, kolimok ebe, ‘Alimo eoŋ lolo EJAKAIT Ekonideke ebe alom akwap nakolo eyapoik EJAKAIT lukapapaawok ainakin oni.’

⁴Elemuni da esasedoti edita kakanikon, kipikak kiŋaren ketem loka EJAKAIT Ekonideke.

⁵ “Iboŋokini ijo da kakonyen nuka EJAKAIT Ekonideke kinera atiar, ‘Esiriat loaapikinit aolior ŋes arai papaka, abu kijesar Misiri, kiboiororoi kaŋina, koraas luekidioko; koluor kaŋina ateker naepol, nakagogoŋon, naelal.

⁶ Kiswamakis Imisirian sio erono, kiticanata, kipikakis obulesene loalaŋir;

⁷ Keworoto EJAKAIT, Edeke loka lukapapaakosi, kiira EJAKAIT ekosiporoto, koany akositicanio, ka aitaaritoikos, ka areuniokos.

⁸ Kitonyou EJAKAIT sio koMisiri kakan nakagogoŋ ka akan naerioro, ka etasuro loepol, ka aanyuneta, ka nukaumokin:

⁹ Kitolom aibois na, koinak akwap na, akwap naeleleete akile ka esik.

¹⁰ Kwana da, koany, ayaunit nugeet nuka araito nuka alup, nukiinak ijo eoŋ, wu EJAKAIT.’ Ido ipikakini kwap kakonyen nuka EJAKAIT Ekonideke, koma EJAKAIT Ekonideke:

¹¹ Isiyalamikini nukajokak kere nukiinak EJAKAIT Ekonideke, ka ekonikek, ijo ka Elebit, ka imoit yenejai orekon.

¹² “Naidaununia alemunun yenikitomonet yenika akerianutukon kere kokaru lokiuniet, ŋes ekaru loelemenenere yenikitomonet, kosodi iinakini Elebit, ka imoit, ka ikoki, ka apuserut, konyamakis oruteikon, kimonikinos;

¹³ Kinerenena da kakonyen nuka EJAKAIT Ekonideke atiar, ‘Alem iboro lukitalaunio kotogoka, ido ainak Elebit, ka imoit, ka ikoki, ka apuserut kwape ejaar akoniicorakinet kere nakicorakinit; mam adiakarit adiopet kakoniicorakineta, kwabo mam kemurwokinito:

¹⁴ Mam anyamit kes aroko ajai akuudianaka, kwabo mam eŋadakinit komam alai, kwabo mam ainakinit kanuka lukatwak. Abu keira eporoto loka EJAKAIT Ekadeke, eswama kere kwape kolo kecorakinia.

¹⁵ Kosesen ijai aiboisikon nakalaunan, kotoma akuj, kisirereŋ ikonituŋa Isirael, ka alup nukiinak, kwape kolo kiyapoikinio lukapapaakosi, akwap naeleleete akile ka esik.’

¹⁶“Kicorakini lolo jo EJAKAIT Ekonideke aiswamaenen ikisila ŋul ka itubesia; aso koricenenei aswam kekonitau kere ka akoniijar kere.

¹⁷ Ilimo lolo EJAKAIT araun Ekonideke, ido ilosenenei korotinike; iricenenei ikekisila ka akeicorakineta ka iketubesia, iiranari ekeporoto:

¹⁸ Ido kilimo lolo EJAKAIT jo araut ituŋa luseuna luke obe, kwape kiisumunio, ido koricenenei akeicorakineta kere;

¹⁹ Ido kitopoloo jo aitelekarit atekerin kere nukolo kesubi, kotoma aiturit, kotoma okiror, ido kotoma aibuses; tetere iraunos ituŋa lukalaunak kama ejai EJAKAIT Ekusideke, kwape kinerar.”