Read Ebaibuli 1961 Yokana 2 Bible Online

Yokana 2 - Ebaibuli 1961 bible

Yokana 2

¹ Apaaran nakiwuniet kojai adukokin koKana loka Galilaya; kojai toto naka Yesu da ŋina:

²konyararai Yesu da ka ikekesisiak opucit.

³Kedaun ebino, kotema totoke Yesu atiar, “Emamei kes ebino.”

⁴ Kotema Yesu ŋes atiar, “Toto, anyoika eoŋ ka jo? Eroko akapak edolo.”

⁵Kolimok totoke ikejaanakinak ebe, “Nukilimokini kere, kiswamata.”

⁶ Aso kejaas nen akaalakanya akanykape nuka amor, kibwaikinitai kes nen kanuka epone loka Iyudayan loka aitesegaar, nuilosikinos akeito aarei arai auni.

⁷Kotema Yesu kes atiar, “Kilelebata akaalakanya akipi.” Kes da kilelebata kiton atokitoit,

⁸Kotema kes atiar, “Aso do kooko, koinasi ekapolon loka epucit.” Koinasi.

⁹Kosodi kiir ekapolon loka epucit akipi nukeluoros ebino, komam ejeni nekebunio, (konye kojenete ikejaanakinak luaokete akipi,) konyarau ekapolon loka epucit eteran,

¹⁰kotema ŋes atiar, “Ŋinituŋanan itemokini ber ebino loejijim, kosodi kedaut ituŋa aimat noi, eyaunio do loepiana; konye jo iŋadak loejijim kiton kwana,”

¹¹ Abu Yesu kiswama aanyunet na nasodit koKana loko Galilaya, kitodia da akeibuses; kiyuutu ikekesisiak ŋes.

¹² Kokau kaŋun kijesar kiton Kaparanaum, ŋes ka totoke, ka ikeinacan ka ikekesisiak da; kosala ŋina apaarasia nuikidioko.

¹³ Keapie Aleleŋ naka lyudayan, kodoka Yesu Yerusalem.

¹⁴ Kodum kotoma oyekalu lukegwelanarete imoŋin ka amerekekin ka ajeleik da, ka ikesiecanarak arupian iboiete.

¹⁵Kosub edaset kaunoi, kireŋea kes kere koyekalu, amerekekin ka imoŋin da; kobuko arupian nuka ikesiecanarak, kobuburiana imesanakec.

¹⁶ Kolimok ŋul lukegwelanarete ajeleik ebe, “Kolemasi ŋun; sirikituluosi etogo loka Papaka araut logwelanaret.”

¹⁷ Kiitut ikekesisiak ebe iwadikatai ebe, “Kaari ekokote loka ekonitogo.”

¹⁸ Kosodete koboŋokis Iyudayan kotemasi ŋes atiar, “Aanyunet anyoin nakitodikini ijo sio naarai iswama nu?”

¹⁹ Koboŋok Yesu ebe, “Kotiyakisi eyekalu lo, ido adukokini eoŋ apaarasia auni.”

²⁰Kosodete kotemasi Iyudayan atiar, “Eyekalu lo lokedukokinio ikar akaisaoŋon ka lukanykape, iduki tope ijo kotoma apaarasia auni?”

²¹ Konye enera ŋesi nuka eyekalu loka akuanake.

²²Aso nakejarunia kotoma okatwak, kiitut ikekesisiak ebe enerit ŋun; kiyuut nakiwadikatai ka akirot da nakinera Yesu.

²³Nakejaar Yerusalem kapak naka epucit loka Aleleŋ, kiyuut ituŋa luipu ekekiror, nakeanyuniata aanyuneta nukiswamai,

²⁴Konye Yesu mam abu komunokina kes, naarai kejeni ituŋa kere,

²⁵ komam ipuda ituŋanan aitejenun ŋes nuka ituŋa; naarai kejeni ŋesi elopet nukejaas otuŋa.