Read Ebaibuli 1961 Aswamisio 6 Bible Online

Aswamisio 6 - Ebaibuli 1961 bible

Aswamisio 6

¹ Kapaarasia kaŋun nakiyatakinor etiai loka ikesisiak, kojau aŋuurian naka Iyonanin aluikin Iburanian naarai aponi kopalunai apuserunukec kotoma aijaanakin naka ŋinipaaran.

²Konyaraut lutomon ka luarei ekodet ŋol loka ikesisiak, kotemasi atiar, “Mam ibusakinit sio ainyein akirot naka Edeke aijaanakin komesan.

³ Aso do, iinacan, koseutu ituŋa ikanykaarei kokidiŋikus, luijenete ebe ejokuka, luileleba Emoyo ka acoa, lukipedori adakakin oswam na.

⁴Konye sio kinyikokini kotoma ailip ka aijaanakin naka akirot.”

⁵ Kitojokai akirot na kokodet kere, koseut Sitepan etuŋanan loileleba aiyuun ka Emoyo Lokalaunan, ka Pilip, ka Porokoro, ka Nikanor, ka Timon, ka Pamena, ka Nikolao, ekebelokinon loko Antiokia.

⁶ Kibwaikis ŋul akonyen nuka ikiyakia, kosodete nakedauniata ailip, kidokokis kes akecekanin.

⁷ Konyanyaar akirot naka Edeke; kiyatakin noi etiai loka ikesisiak ko Yerusalem, korimasi luipu lukosasedotin aiyuun ŋin.

⁸Kilelebun Sitepan asianut ka apedor, kiswama nukaumokin nukos ka aanyuneta kotuŋa,

⁹Konye ice kotuŋa lukatukos naanyaritai atukos naka Luaosikinitai, ka luko Kurene, ka luko Alegesanderia, ice da lukoKilikia ka Asia, konyoutu kopegata ka Sitepan.

¹⁰ Konye mam apedorete abwoikin acoa ka Emoyo lokinerar.

¹¹ Kosodete kicora ituŋa, lukebalas ebe, “Kipou keirasi ŋol inera akiro nukainyanakin Musa ka Edeke.”

¹²Kisidiko ituŋa ka imakio ka ikewadikak, koponikis ŋes, kikamut, koyaŋaasi aurianet,

¹³ kisibwaata ikajenak lukeŋalak luabalas ebe, “Etuŋanan lo mam inyeinit einer akiro nuka asurokin aibois na nakalaunan ka ikisila da;

¹⁴naarai kipou keirasi ŋes inera ebe ebuni Yesu ŋol Enasarayot amudiar aibois na, ka ailocokin iponesio lukiinakini Musa oni.”

¹⁵Koŋanyakis ituŋa kere lukiboiete kaurianet ŋes akonyen, koanyut ekereet eputosi bala loka emalaika.