Read Ebaibuli 1961 Iromayon 16 Bible Online

Iromayon 16 - Ebaibuli 1961 bible

Iromayon 16

¹Eturit Poibe kinaciwok kamakus, naerai akejaanakinan naka ekanisa loka Kenekerea,

²tetere isukunyikinete ŋes kotoma Ejakait kwape ibusakinitor lukalaunak, kisigalikis ŋes kotoma akirot kere naipuda kamakus, naarai arau ŋesi akeŋarakinan naka ituŋa luipu, ka eoŋ da elopet.

³ Kiyogata Pirisika ka Akuila ikeswamak lukaupaka kotoma Kristo Yesu,

⁴luakapakina cut ajepario akwesikec kanuka aijaraka, luemalai, kwabo mere eoŋ bon konye ikanisan kere luka Imo,

⁵ kiyogata da ekanisa loejai togokec. Kiyogata Epaineto lominataka, loerai losodit loko Asia kotoma Kristo.

⁶Kiyogata Mariam, nakitaaritoi noi kanukus.

⁷ Kiyogata Anderoniko ka Yunia ipajenaka ka ikijoreoritono nepepe keoŋ; luejenikina kokiyakia, lukageikinete eoŋ toma Kristo.

⁸Kiyogata Amupiliato lominataka toma Ejakait.

⁹Kiyogata Urubano ekeswaman aupawok toma Kristo, ka Sitakus lominatakaŋ.

¹⁰Kiyogata Apele, loecamunitai toma Kristo. Kiyogata lukokale loka Arisitobolo.

¹¹Kiyogata Kerodion epajenaka, Kiyogata lukokale loka Narakiso luejaas toma Ejakait.

¹²Kiyogata Turupaina, ka Turuposa nuitaaritos toma Ejakait. Kiyogata Perisida naminat, naitaaritoi noi toma Ejakait.

¹³ Kiyogata Rupo loseuna toma Ejakait, ka totoke ka nakaŋ da.

¹⁴Kiyogata Asunikirito, ka Pelegon, ka Kereme, ka Pataroba, ka Kerema, ka iinacan luejaas nenipe kakes.

¹⁵Kiyogata Pilologo ka Yulia, ka Nerea ka inacike, ka Olumupa, ka lukalaunak kere luejaas kakes.

¹⁶ Kiyoganakinos bonik ka bonik kainu nakalaunan. Kiyogaete yes ikanisan kere luka Kristo.

¹⁷ Keŋaiŋait yes iinacan, kocoito ŋul lueyaunete atiaketa ka nuitiguikinete, asurokin aisisianakin naipotu yesi kisisiata; kinacata kes.

¹⁸ Naarai luikote kwaŋin mam ijaanakinete Ejakaitiwok Kristo, dimarai akecekoikes; iŋalaarete itauon luka luemamei akirot kanuka akecekiro nuejijim nuijodijodete.

¹⁹ Naarai adolok akusirima ituŋa kere. Aso aleli kanukus, konye akoto yes koraas lukacoa kotoma akiro kanuejok, ka luiyapaara kotoma akiro kanueroko.

²⁰ Edeke da loka ainapakin idecideci Satan atipet kwap kakejenekus. Asianut naka Ejakaitiwok Yesu Kristo kojai kayes.

²¹ Kiyogai yes Timoteo ekeswaman aupaka; ka Lukio ka Yason ka Sosipater, ipajenaka.

²²Eoŋ Teretio, ekewadikan ebalua lo, keyogai yes toma Ejakait.

²³ Kiyogai da Gaio lokesipejo eoŋ ka ekanisa kere. Erasito, ekeŋadan loka ere, ka Kuarito onacewok, kiyogaete. [

²⁴Asianut naka Ejakaitiwok Yesu Kristo kojai kayes kere.]

²⁵ Mama ejai ŋol loepedori aitogogoŋ yes kwape ejaatar Akakiro Nukajokak, ka alimonokinio naka Yesu Kristo, kwape ejaar apukokinio naka aiyeiyea naimunonitai ameun ikar lupeŋo,

²⁶ konye kwana itakanunitai, ido kanuka aiwadikaeta nuka inabin itejenunitai mama ejaas atekerin kere kwape kicorakinitor Edeke loka ikar kere tetere erimarete aiyuun—

²⁷ Mama ejai Edeke bon lokacoa kojai aibuses kotoma Yesu Kristo ikar ka ikar. Amen.