Read Ebaibuli 1961 1 Ikorinton 13 Bible Online

1 Ikorinton 13 - Ebaibuli 1961 bible

1 Ikorinton 13

¹Arai kener kaŋajepa nuka ituŋa ka nuka imalaikan, kwabo emamei eoŋ amin, arai ibore yeneruo arai aisinin nueruos tai.

² Bobo da arai ajai kaidwar, ajenuni da nukaiyeiyea kere, ka aijen kere, arai da ajai kaiyuun kere naepedori aitwobot iroŋan, komamei eoŋ amin, mam arai ibore.

³ Bobo da arai kakorak ikaboro kere aitanyamia lukican, bobo da arai kainak akakuan aicweikinio, komamei eoŋ amin, emamei adiojokis.

⁴Eŋirikinit amin, esiana amin; mam amin ikokoteono, mam epogana, mam edakunun,

⁵ mam iswamai numam ibusakinito, mam emoot nuke bon, mam itunyunyurikinio, mam eliliei,

⁶ mam elelakinit numam edolito, konye elelakinit abeit.

⁷ Etitiŋikinit amin kere, iyuunit kere, emuno kere, ikanyi kere.

⁸ Mam amin enaŋi cut; konye kejai aidwar itapalaunio; kejaas aŋajepa, enaŋete; kejai aijen, itapalaunio.

⁹Naarai kijeni nuikidioko, kidwari da nuikidioko,

¹⁰konye naejaunia naitekoro, itapalaunio do nuikidioko ŋun.

¹¹Naaraar ikoku, abu kenera bala ikoku, kajeni bala ikoku, kaomoomoi bala ikoku; naapolooror ketapalau nukeiditeu.

¹² Naarai kwana kiseseni karoet kowariwari, konye kapak kaŋin kisesena kakonyen; kwana ajeni nuikidioko, konye kapak kaŋin ajenuni noi kwape kajenunere noi.

¹³ Aso kwana esalete aiyuun, ka amun, ka amin, ŋun auni; konye naepol aitelekarit kaŋun ŋes amin.