Read Ebaibuli 1961 1 Ikorinton 8 Bible Online

1 Ikorinton 8 - Ebaibuli 1961 bible

1 Ikorinton 8

¹ Nuka asuban nueinakinitai aputosia; kijeni ebe, “Ejai sio kere aijen.” Edakunun aijen, konye do eduki amin.

² Arai eomit ituŋanan ebe ejeni akirot, eriŋa ejenuna kwape ibusakinitor ajenun.

³ Konye arai emina ituŋanan Edeke, ejeni Edeke ŋin.

⁴ Aso nuka inyamat lueinakinitai aputosia, kijeni ebe, “Aput mam erai ibore kakwap,” ido ebe, “Emamei Edeke dimarai ediopet.”

⁵ Ido karaida ejaas luemaikinitai idekesio arai toma akuj arai toma akwap, kwape ejaatar “idekesio” luipu ka “ijaka” luipu,

⁶ konye kamawok ejai Edeke ediopet bon, ŋes Papa, loeponiata iboro kere kamakeŋ, oni da kirai lukeŋ, ejai da Ejakait ediopet, Yesu Kristo, lokejauniata iboro kere, oni da kirai kanukeŋ.

⁷ Konye ajenun ŋin mam ejai otuŋa kere. Konye ice luenaikinito aputosia kiton kwana, enyamete bala iboro lueinakinio araut asuban mama ejaas aputosia; ido naarai ekalanyaka aomisiokec, emunaaros.

⁸ Mam inyamat kitojokaarete oni kakonyen nuka Edeke, Arai mam kinyami, mam kitwaniari, arai kinyami da mam kiyatakinio.

⁹ Konye kocoito kinyek akusipedor araun aitiguikinet mama ejaas luekalanyaka.

¹⁰Naarai arai keanyu ituŋanan jo loijai kaijen, iboikin ainyam toma abila naka aput, mam kereka aomisio nuka ŋol nuekalanyaka etitiŋikinete ainyam lueinakinio aputosia?

¹¹ Kwaŋin eoliori loekalanyana kanuka akoniijen, ŋope ŋol onace loabu Kristo kotwanik.

¹²Ido kwaŋin naidiakanariata kama ejaas iinacanakus, ka aimusuŋ akeceomisio nuekalanyaka, idiakanaretc kama ejai Kristo.

¹³ Kanuka ŋun arai itiguikinete inyamat onaceka, abeit mam anyami akiriŋ ikar kere, kenyek aitiguikin onaceka.