Read Ebaibuli 1961 2 Ikorinton 10 Bible Online

2 Ikorinton 10 - Ebaibuli 1961 bible

2 Ikorinton 10

¹ Eoŋ Paul keŋaiŋait yes, kanuka aiyapepera ka aiyamara naka Kristo, eoŋ loarai loitasono nakijaar kayes, konye naamamear loacerededet kamakus,

² konye elipi ebe nakijaar kayes kenyek aeereded kamuno kaŋin naaomit atitiŋikin kama ka icetuŋa lueomito ebe kilosenenei isio kwape ejaar akuan.

³Naarai karaida kilosenenei toma akuan, mam kijio kwape ejaar akuan,

⁴ naarai lujiis luka ejiewok mam eraas luka akuan, dimarai luka apedor mama ejai Edeke, amudiar aiboisio nuegogoŋ,

⁵Kimudiari ipegeta, ka ŋiniirebokinet naikiaritai asurokinia aijen naka Edeke, kijoreori da ŋiniwomisioit arimar Kristo,

⁶ kitemokin da ainyaŋ amamus arimar kere, naitodolere arimanutukus.

⁷Kosesenete nuejaas akonyenekus, Arai itogogoŋit ituŋanan ebe erai yenika Kristo, koomoom bobo na kanuke ebe, kwape eraar ŋesi yenika Kristo, kirai isio da kwape kwaŋin.

⁸ Naarai arai aoloboboi adepar nuka apoloukosi, naabu Ejakait koinak aiduk yes kwabo mere amudiar, mam kesurumio ilek.

⁹Tetere mam asubit bala etukuriani yes kanuka ibaluanaka.

¹⁰Naarai ebalasi kesi ebe, “Elaŋir ikebaluan, egogoŋ da, konye naejaar ŋesi kasio ekalanyana akekuan, akekirot da mam epodoi.”

¹¹ Kojenut luikote nen ebe nukinera kibaluan nakimamear, ŋupeŋun kiswamai da nakijaar.

¹² Naarai mam kineikina atubokina arai aitiriana bonik ka icetuŋa luiturokina, Konye kes itemos bonik ka bonik, itirianas da bonik ka bonik, emamei kes ajenun.

¹³ Konye mam sio kiwoloboboi adepar aitemis, konye kwape ejaar aitemis naka aikor loekorakinit Edeke sio kwape aitemis, adolokin kiton yes da,

¹⁴Naarai mam kinyaara bonik, bala mam kidolokinit yes; naarai kigeik isio adolokin yes toma Akiro Nukajokak nuka Kristo.

¹⁵ Mam kiwoloboboi adepar aitemis kotoma aitaaritoi naka icetuŋa; konye kimuno ebe naiyatanakinor aiyuunikus, kitopoloorio sio kotomakus kwape ejaar eikorukos kiton adepar da,

¹⁶ tetere kilimonokini Akiro Nukajokak aiboisio nuelitoro kamakus, komam kiwoloboboi oikor loitemokino loka icetuŋanan.

¹⁷ Konye “Yeneolobobot, koolobobote kotoma Ejakait.”

¹⁸ Naarai yeniturokina, mere ŋin yenecamunitai, dimarai yeniturit Ejakait.