Read Ebaibuli 1961 2 Ikorinton 13 Bible Online

2 Ikorinton 13 - Ebaibuli 1961 bible

2 Ikorinton 13

¹ Na ŋes irwan nakiwuniet naabunio mamakus. Itogogoŋio ŋinikirot kaituke nuka ikajenak iarei arai iuni.

²Abu kekwenya ŋul kere luadiakasi sek, ka luce kere da, ido ekwenyari kes kwana naamamear, kwape nakijaar kayes nakiareit, ebe arai abuni bobo mam etimi kes,

³naarai imootos naitogogoŋi ebe inera Kristo kotomakaŋ. Mam ŋes ekalanyana, konye lokapedor kotomakus.

⁴ Naarai aponi kibubukinoi kotoma akalanyanut, konye ejari kotoma apedor naka Edeke, Naarai kikalanyaka isio kotomakeŋ, konye kijari nepepe kaŋes toma apedor naka Edeke mamakus.

⁵ Koŋicas arai ijaas toma aiyuun; kitemos. Arai bo mam ijenete ebe ejai Yesu Kristo kotomakus? Dimarai iraas lumam icamunitai.

⁶Konye amuno ebe ijenunete ebe mam sio kirai lumam ecamunitai.

⁷Konye kilipi Edeke ebe mam iswamaete adioronis, mere tetere kitakani isio kirai lukicamunitai, dimarai tetere iswamaete yesi ajokis, karaida kirai isio kwape kalumam ecamunitai.

⁸ Naarai mam kipedori ibore asurokinia abeit, dimarai kanuka abeit,

⁹Naarai kileli nakikalanyakar, konye yes igogoŋoros. Kilipi na da ebe yes aitodolikinio.

¹⁰ Kanuka ŋun ewadikai nu naamamear, kenyek adedeniar naabunio, kwape ejaar apolou nakainakinit Ejakait adukio, kwabo mere amudiar.

¹¹ Nukawasia, iinacan, yoga do. Kitodolikinos, kitalakanaros, koomitos adiopekirot, kinapakinos, kosodi ejaun Edeke loka amin ka ainapakin kayes.

¹² Kiyoganakinos kainu nakalaunan.

¹³Kiyogaete yes lukalaunak kere.

¹⁴Asianut naka Ejakait Yesu Kristo, ka amin naka Edeke, ka eidicane loka Emoyo Lokalaunan, kojai kayes kere.