Read Ebaibuli 1961 Igalatian 1 Bible Online

Igalatian 1 - Ebaibuli 1961 bible

Igalatian 1

¹ Paul ekiyakia-mere kama kituŋa, karaida kanuka ituŋanan, dimarai kanuka Yesu Kristo ka Edeke Papa lokitajaruni ŋes kokatwak—

²ka iinacan kere luejaas nepepe keoŋ. Mama ejaas ikanisan luka Galatia:

³ Asianut kojai mama ijaas ka ainapakin nuepote kama ejai Edeke Papawok, ka Ejakait Yesu Kristo,

⁴ loabu koinakin kanuka adiakanaretawok, tetere kiyuuni oni kama kikar kalu lueroko kwape ejaar akot naka Edekewok ka Papa;

⁵kojai aibuses mama ejai ikar ka ikar, Amen.

⁶Aumok eoŋ ebe isunyito yesi kwaŋin aibwot kama kaŋol lokinyaraunit yes kotoma asianut naka Kristo, mama ejaas Akiro Nukajokak ace—

⁷ numam eraas ace, konye ejaas icetuŋa luiticanete yes, luekotosi aibelokin Akiro Nukajokak nuka Kristo.

⁸ Konye arai sio da arai emalaika loebuni kotoma akuj, kilimonok yes Akiro Nukajokak nuegelara ka ŋun nukipou kalimonokisi yes, korau loikenitoi.

⁹Kwape kipou kalimokiniata sek, kwana da alimokini bobo, arai kilimonokini yes ituŋanan Akiro Nukajokak nuegelara kaŋun nuipotu kocamut, korau yenikenitoi.

¹⁰ Naarai ejodouni kereka eoŋ ituŋa, arai bo Edeke? Arai bo amoot kereka eoŋ aisiyalamikin ituŋa? Arai ariŋa esiyalamikinit ituŋa timam karau ebulesit loka Kristo.

¹¹Naarai iinacan, akoto yes ajenun ebe Akiro Nukajokak nuabu eoŋ kalimonok, mam keraas kopone loka ituŋanan,

¹²Naarai mam abu kadum kes kama kituŋanan, kwabo mam kesisianakinitai, dimarai kotoma apukokinio naka Yesu Kristo.

¹³ Naarai ipotu kiirasi kwape kekonitor sek kodini loka Iyudayan, kwape kareitor noi noi ekanisa loka Edeke, kamuna da ŋes.

¹⁴ Ido abu keyatakin kodini loka lyudayan adepar luatumunete nepepe keoŋ luka atekereka, kekokotikinite noi jokan iponesio luka lukapapaaka.

¹⁵ Konye Edeke loabu katiaku eoŋ ameun kakoik naka totoka, kanyaraun da kanuka akesianut,

¹⁶ nakisiyalamikinitor apukokin eoŋ Okokuke, tetere alimonokini ŋes mama ejaas Imo; atipet mam enerunit kakuan ka aokot,

¹⁷karaida adokar Yerusalem mama ejaas ŋul lukageikinito eoŋ araun ikiyakia, konye abu kalot Arabia, kasodi konyet aboŋor Damasiko.

¹⁸ Kosodi akaulo naka ikar iuni abu kadoka Yerusalem, aipejokin Kepa, abu kasal kaŋes apaarasia atomon kanukany.

¹⁹ Konye mam abu kaany ice kokiyakia, dimarai Yakob onac loka Ejakait,

²⁰(Nukewadikak yes, koany, kakonyen nuka Edeke mam eŋalai!)

²¹ Kasodi alosit atutubena nuka Suria ka Kilikia,

²²Ido komam ejenuna akakonyen kokanisan luko Yudaya lukejaas toma Kristo,

²³konye apotu kiirasi bon ebe, “ŋol lokireit oni sek, elimonokini kwana aiyuun ŋin nalem emunaarit,”

²⁴Kitopoloosi da Edeke kanukaŋ.