Read Ebaibuli 1961 Ipeson 1 Bible Online

Ipeson 1 - Ebaibuli 1961 bible

Ipeson 1

¹ Paul ekiyakia loka Kristo Yesu kanuka akot naka Edeke, Mama ejaas lukalaunak luejaas Epeso, ka luiyuunito lukotoma Kristo Yesu:

² Kojai asianut mama ijaas ka ainapakin nuepote kama ejai Edeke Papawok ka Ejakait Yesu Kristo.

³ Kituritete Edeke, Papa da loka Ejakaitiwok Yesu Kristo, lokisirereŋit oni karereŋ kere naka emoyo kotoma Kristo, toma aiboisio nuka akuj.

⁴ Kwape abu koseunia oni kotomakeŋ eriŋa kepesikina akwap, tetere kirauni oni lukalaunak, luemamei aitoronet da, kakonyeneke kotoma amin.

⁵ Abu kineru sek oni araut idwe mamakeŋ kanuka Yesu Kristo, kwape itojokitor akoteke,

⁶ tetere itopoloorio aibuses naka akesianut, nakikwamak oni kotoma Lominat.

⁷ Kotomakeŋ ŋes kidumunia alakunio kanuka akeokot, isioniei aibucanaretawok, kwape ejaar abar naka akesianut,

⁸ nakidilakini mamawok kotoma acoa kere ka acoit,

⁹ nakitejenikinia oni aiyeiyea naka akoteke. Abu kolo kitojok kwaŋin alosikinit kotomakeŋ,

¹⁰ kanuka aijokokinio nakokar naedolioto, aisimorikikin iboro kere toma Kristo, luejaas toma akuj, ka luejaas toma akwapin da.

¹¹ Kotomakeŋ kiseunitai sek araut ikerumak kwape ejaar alosikinit naka ŋol loiswamai kere kwape inerunia akoteke,

¹²tetere kitopoloori aibusesuke lukigeikini amunokin Kristo.

¹³ Kotomakeŋ yes da luiirarito akirot naka abeit, Akiro Nukajokak nuka aitajariokus, luiyuunito kotomakeŋ, abu Emoyo Lokalaunan lokisumunitoi kipucak yes da aipucet.

¹⁴ Erai Emoyo ŋol aitogogoŋet naka airumetewok, kiton nealakunere lueraas luka Edeke, kitopolooroi akeibuses.

¹⁵ Kanuka ŋun eoŋ da, naapupunitor nuka akusiiyuun kotoma Ejakait Yesu, ka akusimin da mama ejaas lukalaunak kere,

¹⁶ mam enyeini aimal kanukus, eitununei yes kailipika,

¹⁷ ebe Edeke loka Ejakaitiwok Yesu Kristo, Papa loka aibuses, koinak yes emoyo loka acoa ka apukokinia ajenun ŋes,

¹⁸ kinwakenenai akonyen nuka itauonokus, tetere ijenunete amun kwape ejaar naka anyariteke, abar da kwape ejaar naka aibuses naka airumeteke kotoma kalukalaunak,

¹⁹ apolou da kwape ejaar naedeparit naka akepedor mamawok lukiyuunit, kwape ejaar aswam naka ailerit naka akegogoŋ,

²⁰ nakiswamak Kristo nakitajarunia ŋes kokatwak, kisiboik da kakekan nakoteten kotoma aiboisio nuka akuj,

²¹ kuju noi adepar ayait kere, ka apolou, ka apedor, ka ejakaene, ka ekiror da kere loelimitoi, mere bon kokar kalu konye kaluepote da;

²² ido kitononokik iboro kere kwap kakejeneke, koinak da ŋes araun akou ayait iboro kere kama ka ekanisa,

²³ loerai akekuan, aitekoro naka ŋol loitekori kere toma kere.