Read Ebaibuli 1961 Yosua 15 Bible Online

Yosua 15 - Ebaibuli 1961 bible

Yosua 15

¹ Kobe eroet loka ateker naka idwe luka Yuda kwape ejaatar ikekiakec ageun koikor loka Edom, kiton amodiŋ naka Sin, kari naka eŋalakimak, atutubet nakosaŋe naka eŋalakimak.

²Ageunit eikorukec loka ari naka eŋalakimak katutubet nakosaŋe loka Aŋolol naka Abalaŋ, ageun kagor naitei eŋalakimak:

³Kitor ari naka eŋalakimak naedokarere Akurabim, kobei Sin, kitor ari naka eŋalakimak naka Kades-barunea, kiriria Kesiron, kitor Adar, kokudo koKaraka:

⁴ Kobe Asimon, kitor aguurut nako Misiri; kosaŋ eikor aŋolol: eraun ŋol eikorukus loka ari naka eŋalakimak.

⁵Aŋolol naka Abalaŋ ŋes arai eikor lokokide, kiton osaŋe loka Yorodan. Ageunit eikor loka ari naka agolitomei kariri naka aŋolol kosaŋe loka Yorodan;

⁶ Kitor eikor Bet-kogila, kiriria agolitomei naka Bet-araba; kitor eikor amoru naka Bokan okoku loka Reuben:

⁷ Kitor eikor Debir ageun kaditot naka Akor, ape agolitomei, kitei Giligal, loitei needokarere Adumim, loejai ari naka eŋalakimak naka ecor: kobe eikor akipi nuka En-semes, kosaŋak En-rogel;

⁸ Kitor eikor aditot naka okoku loka Kinom kiton ari naka eŋalakimak naka Eyebusit (ŋopeŋol ŋes Yerusalem): kitor eikor kuju keroŋat loejai kiŋaren kaditot naka Kinom kari nakoto, loejai atutubet nakosaŋe naka aditot naka Repaim kari naka agolitomei:

⁹ Kigirunai eikor ageun kokuju keroŋat kiton atan naka akipi nuka Neputoa, kobe oreria luka emoru Epuron; kigirunai eikor kiton Baala (ŋopeŋol ŋes Kiriat-yearim):

¹⁰ Kokudo eikor koBaala ari nakoto kiton emoru Seir, kobe ari naka agolitomei naka emoru Yearim (ŋopeŋol ŋes Kesalon), kitor Bet-semes, kiriria Timuna:

¹¹ Kobe eikor ari naka agolitomei kowai loka Ekuron: kigirunai eikor kiton Sikeron, kobe emoru Baala, kosaŋ Yabuneel; kosaŋ eikor aŋolol.

¹² Aŋolol nakapolon ŋes arai eikor loka ari nakoto, ka eikoruke. Ŋol ŋes eikor loalukunit idwe luka Yuda kwape ajaatar ikekiakec.

¹³ Abu koinak Kaleb okoku loka Yepune akorakinet kodwe luka Yuda, kwape ajaar aicorakinet naka EJAKAIT naecorakinit ŋesi Yosua; akorakineteke ŋes Kiriat-araba, arai Araba ŋol papa loka Anak (ŋopeŋol ŋes Keburon).

¹⁴ Kireŋea Kaleb odwe iuni luka Anak, Sesai, ka Akiman, ka Talimai, idwe luka Anak.

¹⁵ Koloma asurokin lueboiete koDebir: arai sek ekiror loka Debir Kiriat-seper.

¹⁶Kotema Kaleb atiar, “Ŋol loedanyi luka Kiriat-seper, kosodi airum ere, akorakini eoŋ ŋol akokuka Akisa aimany.”

¹⁷ Kosodi Otiniel, okoku loka Kenas onace loka Kaleb, kirum ŋes; abu kokorak ŋes akokuke Akisa aimany.

¹⁸ Kosodi kanen, kebu mamake abu ŋin kokoto ŋol ailipun papake emanikor: kodok kasigiriake; kotema Kaleb ŋes atiar, “Inyo bo ikoto ijo?”

¹⁹ Kotema atiar, “Koinakinai eoŋ arereŋ; naarai kiinakinit eoŋ akwap naka ari naka Eŋalakimak, koinakinai eoŋ da atanin nuka akipi.” Abu koinak ŋes atanin nukokuju ka nukajesa da.

²⁰ Ŋin ŋes airumet naka ateker naka idwe luka Yuda kwape ejaatar ikekiakec.

²¹ Ireria lukosaŋe luka ateker naka idwe luka Yuda kariri naka eikor loka Edom kari naka Eŋalakimak kes lu: Kabuseel, ka Eder ka Yagur;

²²ka Kina, ka Dimona, ka Adada;

²³ka Kedes, ka Kasor, ka Itinan;

²⁴ Sip, ka Telem, ka Bealot;

²⁵ka Kasor-kadata, ka Keriot-kesiron (ŋopeŋol ŋes Kasor);

²⁶Amam, ka Sema, ka Molada;

²⁷ka Kasar-gada, ka Kesimon, ka Bet-pelet;

²⁸ka Kasar-sual, ka Beer-seba, ka Bisiotia;

²⁹ka Baala, ka Iim, ka Esem;

³⁰ka Elitolad, ka Kesil, ka Korima;

³¹ ka Sikilag, ka Madumena, ka Sanisana;

³² ka Lebaot, ka Silikim, ka Ain, ka Rimon: ireria kere imwaasi akaisaarei ka lukanykaoŋon ka ireriakec ludidik.

³³ Kapuuton, Esitaol, ka Sora, ka Asina;

³⁴ka Sanoa, ka En-ganim, ka Tapua, ka Enam;

³⁵ ka Yaramut, ka Adulam, ka Soko, ka Aseka;

³⁶ ka Saaraim, ka Aditaim, ka Gedera, ka Gederotaim; ireria itomon ka luoŋon ka ireriakec ludidik.

³⁷Senan, ka Kadasa, ka Migidal-gad;

³⁸ ka Dilan, ka Misipe, ka Yokiteel;

³⁹ Lakis, ka Bosikat, ka Egilon;

⁴⁰ka Kabon, ka Lakimam, ka Kitilis;

⁴¹ka Gederot, ka Bet-dagon, ka Naama, ka Makeda; ireria itomon ka lukanykape ka ireriakec ludidik.

⁴²Libuna, ka Eter, ka Asan;

⁴³ka Iputa, ka Asina, ka Nesib;

⁴⁴ka Keila, ka Akisib, ka Maresa; ireria ikanykaoŋon ka ireriakec ludidik.

⁴⁵Ekuron, ka ireriake ka ireriake ludidik.

⁴⁶ Ageun ka Ekuron kiton aŋolol, kere luedunyas ka Asudod, ka ireriakec ludidik.

⁴⁷ Asudod, ireriake ka ireriake ludidik; Gasa, ireriake ka ireriake ludidik; kiton aguurut nako Misiri, ka aŋolol nakapolon, ka eikoruke.

⁴⁸Kakwap nakiukon, Samir, ka Yatir, ka Soko;

⁴⁹ka Dana, ka Kiriat-sana (ŋopeŋol ŋes Dabir);

⁵⁰ka Anab, ka Esitemo, ka Anim;

⁵¹ ka Gosen, ka Kolon, ka Gilo, ireria itomon ka lodiopet ka ireriakec ludidik.

⁵²Arab ka Duma, ka Esan;

⁵³ka Yanim ka Bet-tapua ka Apeka;

⁵⁴ ka Kumita, ka Kiriat-araba, (ŋopeŋol ŋes Keburon), ka Sior; ireria ikanykaoŋon ka ireriakec ludidik.

⁵⁵Maon, ka Karamel, ka Sip, ka Yuta;

⁵⁶ka Yesereel, ka Yokodeam, ka Sanoa;

⁵⁷Kain, ka Gibea, ka Timuna; ireria itomon ka ireriakec ludidik.

⁵⁸Kalukul, ka Bet-sur, ka Gedor;

⁵⁹ka Maarat, ka Bet-anot, ka Elitekon; ireria ikanykape ka ireriakec ludidik.

⁶⁰ Kiriat-baal (ŋopeŋol ŋes Kiriat-yearim), ka Raba; ireria iarei ka ireriakec ludidik.

⁶¹Kotoma amodiŋ, Bet-araba, Midin, ka Sekaka;

⁶² ka Nibisan, ka Ere loka Abalaŋ, ka En-gedi; ireria ikanykape ka ireriakec ludidik.

⁶³ Konye Iyebusin, lueboienenete koYerusalem, mam idwe luka Yuda apotu kopedosi aireŋear kes: konye apotu Iyebusin kiboioto kidwe luka Yuda koYerusalem, kiton lolo.