Read Ebaibuli 1961 Yosua 4 Bible Online

Yosua 4 - Ebaibuli 1961 bible

Yosua 4

¹ Kosodi kanen ketubor cut ateker kere koYorodan, kotema EJAKAIT Yosua atiar,

² “Koseu ituŋa itomon ka luarei kotuŋa, etuŋanan kaŋiniteker.

³Kicorak kes ebe, ‘Kolemutu amor atomon ka nuarei kokidiŋ Yorodan, kaibois naabwoiata akeje nuka isasedotin, koyaŋaasi kes, kibwaikis aibois naiperete akuare na.’ ”

⁴Kosodi Yosua anyaraun ituŋa lutomon ka luarei, luaseunit kodwe luka Isirael, etuŋanan kaŋiniteker:

⁵Kotema Yosua kes atiar, “Kotuboros kiŋaren kasaduku naka EJAKAIT Ekusideke kidiŋ Yorodan, kodakak ŋinituŋanan kayesi amoru okeperike, kwape ejaar etiai loka atekerin nuka idwe luka Isirael:

⁶ Koraun do aanyunet mamakus, tetere naiŋisiata ikusidwe, kapaarasia nuepote ebe, ‘Anyoin apolou naka amorukus nu?’

⁷ Itemarete do kes atiar, ‘Naarai aponi kitikoroi akipi nuka Yorodan koiŋaren kasaduku naka aitutuket naka EJAKAIT; naetorio Yorodan, aponi kitikoroi akipi nuka Yorodan:’ ido eraunos amor nu aisiitunet mama ejaas idwe luka Isirael ikar kere.”

⁸Kiswamata idwe luka Isirael kwape kicorakinia Yosua, kodakut amor atomon ka nuarei kokidiŋ Yorodan, kwape kelimokinia EJAKAIT Yosua, kwape ejaar etiai loka atekerin nuka idwe luka Isirael: kodakas kes aibois naaperete, kibwaikis kes nen.

⁹ Kosipok Yosua amor atomon ka nuarei kidiŋ Yorodan, aibois naabwoiata akeje nuka isasedotin luadakito asaduku naka aitutuket: ejaas da nen, kiton lolo.

¹⁰Naarai apotu isasedotin luadakito asaduku kobwaata kokidiŋ Yorodan, aitodol neadaunor ŋinikirot naecorakinit EJAKAIT Yosua alimokin ituŋa, kwape ajaatar kere nuecorakinit Musa Yosua. Kiwonyasi ituŋa kotuboros.

¹¹Kosodi kanen ketuboros cut ituŋa kere, kotubor asaduku naka EJAKAIT, ka isasedotin, kiŋaren kituŋa.

¹² Kotuboros da idwe luka Reuben, ka idwe luka Gad, ka atutubet naka ateker naka Manase, kokapitos lujiis, kiŋaren kidwe luka Isirael, kwape alimokinitor Musa kes.

¹³Kotuboros kwaka ilukumin akaisaoŋon kokapakina ejie kakonyen nuka EJAKAIT, kiton apuutona nuka Yeriko.

¹⁴ Kitopoloo EJAKAIT Yosua kapaaran kaŋin kakonyen nuka Isirael kere; koyoŋata ŋes apaarasia kere nuka aijarake, kwape ayoŋitotor Musa.

¹⁵Kotema EJAKAIT Yosua atiar,

¹⁶ “Kicorak isasedotin luedakito asaduku naka aitejenunet kodokut koYorodan.”

¹⁷Kicorak do Yosua isasedotin ebe, “Kodokutu yesi koYorodan.”

¹⁸Kosodi kanen nakedokuniata isasedotin luadakito asaduku naka aitutuket naka EJAKAIT kokidiŋ Yorodan, kicakata da akeje nuka isasedotin akwap naeonit, koboŋokis akip nuka Yorodan aiboisikec, kilelebun kiton aririke kwape lem sek.

¹⁹ Kodokut ituŋa koYorodan kapaaran nakitomonet naka elap losodit, kidukuroto Giligal, oikor lokokide loka Yeriko.

²⁰Kisipok Yosua amor ŋun atomon ka nuarei Giligal, nualemunete kesi koYorodan.

²¹Kolimok idwe luka Isirael ebe, “Naiŋisiata ikusidwe lukapapakec kapaarasia nuepote ebe, ‘Anyoin apolou naka amor kanu?’

²²Itejenunete do ikusidwe ebe, ‘Adokuni Isirael Yorodan lo kitorite neeonit.’

²³ Naarai abu EJAKAIT Ekusideke kitoon akipi nuka Yorodan kakonyenekus, aitodol naitubunotor, kwape eswamakinia EJAKAIT Ekusideke Aŋolol Nakareŋan naabu ŋesi kitoon kakonyenewok, aitodol nakitubunor:

²⁴ Tetere ejenunete ituŋa kere luka akwap akan naka EJAKAIT, ebe erai nakapedor; tetere eyoŋete EJAKAIT Ekusideke ikar kere.”