Read Ebaibuli 1961 1 Yokana 1 Bible Online

1 Yokana 1 - Ebaibuli 1961 bible

1 Yokana 1

¹ Ŋin nakejai ameun kageunet, nakipou kapuput, nakianyunit kakosikonye, nakipou kasesenata, katirosi da kakosikanin, naka akirot naka aijar,—

² kotakan da aijar, ido kipou kaanyut, kitejenuni da, kilimonokin yes aijar ŋin naka ikar kere, nakejai neejai Papa, nakitakanikinio sio,—

³nakipou kaanyut, kapuput da, kilimonokini yes da, tetere idieasi yesi da kasio. Eidicanewok da ejai nepepe ka Papa, ido nepepe ka Okokuke Yesu Kristo.

⁴ Kiwadikai nu tetere itodolikinio awokokiyalama.

⁵ Na ŋes aitejenunet nakipou kapuput kamakeŋ, nakilimonokini yes, ebe, Erai Edeke aica, ido kotomakeŋ emamei cut adiomuton.

⁶ Arai kinera ebe kidica kaŋes, kalosenenete da kotoma amuton, kiŋala bonik, komam kiswamai nukabeit.

⁷ Konye arai kilosenenei kotoma aica, kwape ejaar ŋesi toma aica, kidicenena bonik ka bonik, ido kitesegarete oni aokot nuka Yesu Okokuke kama kadiakar kere.

⁸Arai kinera ebe emamei oni adiakar, kimoda bonik, emamei da abeit kotomawok.

⁹ Arai kilimori adiakanaretawok, erai ŋesi lomunot ido loedolit, isioniei oni adiakanareta, itesegari da oni kama kamamus adolit kere.

¹⁰Arai kinera ebe mam kipou kadiakasi kituluori ŋes ekeŋalan, emamei da akekirot kotomawok.