Read Ebaibuli 1961 1 Yokana 3 Bible Online

1 Yokana 3 - Ebaibuli 1961 bible

1 Yokana 3

¹ Koanyut amin naetia nen nakiinakinit Papa oni, tetere kinyaritai idwe luka Edeke, kirai da. Kanuka ŋun ŋes mam akwapin kijeniata oni, naarai mam apotu kojenut ŋes.

² Luminan, kirai kwana idwe luka Edeke, mam ber etakani kwape kiraunor, konye kijeni ebe naetakanunia ŋesi kiputori oni ŋes, naarai kianyuni ŋes kwape ejaar.

³Ŋin kere yenejai amun ŋin, italauna kwape eraar ŋol lokalaunan,

⁴ ŋin kere yeniswamai adiakar, iswamai da epali, adiakar ŋes epali.

⁵ Ijenete da ebe abu ŋesi kotakan tetere elemari adiakanareta, emamei da adiakar kotomakeŋ,

⁶ ŋin kere yenesalit tomakeŋ mam ediakari; ŋin kere yenediakari, mam abu koany ŋes karaida ajenun

⁷ Idwe ludidik, kinyek ituŋanan aitapaar yes. Yeniswamai nukadolit erai yenedolit, kwape eraar ŋol loedolit.

⁸ Yeniswamai adiakar erai yenika Satan, naarai ediakit Satan ameun kageunet. Kanuka ŋun ŋes etakanunia Okoku loka Edeke, tetere emudiari aswamisio nuka Satan.

⁹ Ŋin kere yeneurio kama ejai Edeke mam iswamai adiakar, naarai esalit ekinyomitike tomakeŋ; ido mam epedori adiakar naarai keurio kama ejai Edeke.

¹⁰Kana ŋes etakanuniata idwe luka Edeke ka idwe luka Satan; ŋin kere yenimam iswamai nukadolit mam erai yenika Edeke, karaida yenimam emin onaceke.

¹¹ Naarai na ŋes aitejenunet naipotu kopuput ameun kageunet, ebe, kaminanaros.

¹² Mere kwape Kain, lokerai loka lokaronon, koar da onaceke: Ido kanukinyo kearia ŋes? Naarai keroko akeswamisio, kwabo kedolito nuka onaceke.

¹³ Sirikiwumokis, iinacan, arai kilaete akwapin.

¹⁴ Kijeni oni ebe kipou kanyoutu katwanare alomar aijar, naarai kimina iinacan. Yenimam emin esalit toma atwanare.

¹⁵ Ŋin kere yenelai onaceke, erai ikaaran, ijenete da ebe emamei ikaaran kere yenesalit aijar naka ikar kere tomakeŋ.

¹⁶ Kana ŋes kijenunia amin, naarai abu ŋol kopal akeijar kanuwok; oni da kiburao aipal aijarawok kanuka iinacan.

¹⁷ Arai ejai yenejaas kiboro luka akwapin, kitei da onaceke iyarorotoi, egolokini da etauke kamakeŋ, ikwaikini ai esalakini amin naka Edeke tomakeŋ?

¹⁸ Idwe ludidik, kenyeis aminanara kakirot, karaida kaŋajep, dimarai kaswam ka abeit.

¹⁹Kana ŋes kijenunia ebe kirai luka abeit, kesicerededata da iwokotauon kakonyeneke,

²⁰kama kitoroniata kere iwokotauon; naarai epol Edeke adepar iwokotauon, ejeni da kere.

²¹ Luminan, arai mam itauonowok kitoronete, kija katitiŋ neejai Edeke;

²² ŋin yenikilipi da kidumuni kamakeŋ, naarai kiricit aicorakinetake, kiswamai da nuisiyalamikinete kakonyeneke.

²³ Na ŋes aicorakineteke, oni aiyuun ekiror loka Okokuke Yesu Kristo, kaminanaros da kwape kiinakinitor oni aicorakinet.

²⁴ Ŋin yenericit aicorakinetake esalit tomakeŋ, ŋes da tomakeŋ. Kana ŋes kijenunia ebe esalit tomawok, kanuka Emoyo lokiinakinit oni.