Read Thado Chin Semtilbu 5 Bible Online

Semtilbu 5 - Thado Chin bible

Semtilbu 5

¹ Hichehi Adam khangguiho lekhabu ahi. Pathen'in mihem asemni chun, aman Pathen tobangin amachu asemin ahi.

² Aman amani chu Pasal le numei jin asemin; chuin phatthei aboh-in, chule amani asem nikho chun aminlhon chu Adam [1] asah tan ahi.

³Chuin Adam kum jakhat le kum somthum alhinin, ama tobang le ama lim bangin chapa khat ahingin; amin Seth asahtan ahi.

⁴Chuin Seth ahin nungin Adam kum jaget ahingin, chapate le chanute ahingin ahi.

⁵Chule Adam damsung hinkho chu abonchan kum jako le kum somthum ahi. Chuin ama athitai.

⁶Chuin Seth kum jakhatle kum nga alhinin, Enosh ahingin ahi

⁷Enosh ahin nungin Seth kum jagetle kum sagi ahingin, chapate le chanute ahingin ahi.

⁸Chule Seth damsung hinkho chu abonchan kum jako le kum somleni ahin. Chuin ama athitai.

⁹Chuin Enosh kum somko alhinin, Cainan ahinge.

¹⁰Chuin Cainan ahin nungin, Enosh kum jaget leh kum somlenga ahingin, chapate le chanute ahingin ahi.

¹¹Chule Enosh damsung hinkho chu abonchan kum jakole kumnga ahi. Chuin ama athitai.

¹²Chuin Cainan kum somsagi alhinin, Mahalalel ahinge.

¹³Chuin Mahalalel ahin nungin Cainan kum jaget le kum somli ahingin, chapate le chanute ahingin ahi.

¹⁴Chule Cainan damsung hinkho chu abonchan kum jakole som ahi. Chuin ama athitai.

¹⁵Chuin Mahalalel kum somgup le kum nga alhinin, Jared ahinge.

¹⁶Chuin Jared ahin nungin Mahalalel kum jaget le kum somthum ahingin, chapate le chanute ahingin ahi.

¹⁷Chule Mahalalel damsung hinkho chu abonchan kum jaget le kum somko le kum nga ahi. Chuin ama athitai.

¹⁸Chuin Jared kum jakhat le kum somgup le kumni alhinin, Enoch ahingin ahi.

¹⁹Chuin Enoch ahin nungin, Jared kum jaget ahingin, chapate le chanute ahingin ahi.

²⁰Chuin Jared damsung hinkho abonchan kum jakole kum somgup le kumni ahi. Chuin ama athitai.

²¹Chuin Enoch kum somgup le kumnga alhinin, Methuselah ahinge.

²²Chuin Methuselah ahin nungin, Enoch kum jathum Pathen toh alhonlen, chapate le chanute ahingin ahi.

²³Chule Enoch hinkho damsung chu abonchan kum jathum le kum somgup le kum nga ahi.

²⁴ Chule Enoch chu Pathen toh analhon len; chuin ama aum tapoi: ajehchu Pathen'in ama alamang ahitai.

²⁵Chuin Methuselah kum jakhat le kum somget le kum sagi alhinin, Lamech ahingin ahi.

²⁶Chuin Lamech ahin nungin Methuselah kum jasagi le kum somget le kumni ahingin, chapate le chanute ahingin ahi.

²⁷Chule Methuselah hinkho damsung chu abonchan kum jako le kum somgup toh kum ko ahi. Chuin ama athitai.

²⁸Chuin Lamech chu kum jakhatle kum somget le kumni alhinin, chapa khat ahinge.

²⁹Chuin aman, Amahin Pakaiyin leiset agaosapma kona ikhutnuva inatoh le itohgim naova kona eilung monsah dingu ahi atin, amin Noah asahtai.

³⁰Chuin Noah ahin nungin Lamech kum janga le kum somko le kum nga ahingin, chapate le chanute ahingin ahi.

³¹Chule Lamech hinkho damsung chu abonchan kum jasagi le kum somsagi le kum sagi ahi. Chuin ama athitai.

³²Chuin Noah kum janga alhinin, Shem, Ham chule Japheth ahingin ahi.