Read Thado Chin 1 Thusimbu 12 Bible Online

1 Thusimbu 12 - Thado Chin bible

1 Thusimbu 12

¹Tun hichehohi Kish chapa Saul jeh-a akikulkhup laija Ziklag'a David koma hungho chu ahiuve: chule amaho chu galsatna-a kithopi-a pang mihat ho ahiuve.

²Amahon thal akichoijun, song senale thal kapdohna dinga akhut jetlamle veilam thothei cheh ahiuvin, Benjamin phunga Saul sopite ahiuve.

³Apipuipenu chu Ahiezer ahin, aban Joash, Gibeath mi Shemaah chapateni ahilhonin; chule Azmaveth chapateni Jeziel le Pelet, chule Anathoth mi Berachah le Jehu,

⁴Chule somthum chungle somthum lah-a mihat Gibeon mi Ismaiah, chule Gederath mi Jeremiah, Jahaziel, Johanan chule Josabad,

⁵Haruph mi Eluzai, Jerimoth, Bealiah, Shemariah chule Shephatiah,

⁶Korah mi Elkanah, Jesaiah, Azareel, Joezer chule Jashobeam,

⁷Chule Gedora Jeroham chapate, Joelah chule Zebadiah ahiuve.

⁸Chule Gad miho gamthip kul sunga David henga behho chu mihat mihang ngen, chule galsatmi galsat dinga lhingset, lumle pho thothem cheh, amaiju keipi bahkai mai banghel, akaljan danu molsanga sakhi banga gang ahiuve.

⁹Akhatna Ezer, anina Obadiah, athumna Eliab,

¹⁰Alina Mishmannah, angana Jeremiah,

¹¹Agupna Attai, asagina Eliel,

¹²Agetna Johanan, akona Elzabad,

¹³Asomna Jeremiah, asomlekhat na Machbannai.

¹⁴Hichehohi Gad chapate sepai janel gal lamkai cheh ahiuvin: alah uva aneopen chu jakhat chunga thunei, chule alenpen sangkhat chunga thunei ahiuve.

¹⁵Amahohi lha masapen sung, luikam khela twi let leuva Jordan asolaitah-a palgalkai ho ahiuvin; amahon phaichama chengho chu lhumlamle solama agadel jamun ahi.

¹⁶Chuin David kulpi-a chun Benjamin le Judah miho ahunguvin ahi.

¹⁷Chuin amaho kimupi din David apotdoh-in ajah uva, Eipanpidia chamna-a hung nahiule, kalungthim hi nangho-a kijopmat ding; amavang kakhut teni-a thildihlou kabolkhahlou munasa-a, kamelmate henga eipedoh dinga hung nahiule, ipu ipateu Pathen'in hinvehen lang, nathu-u tanhen, ati.

¹⁸Chuphatnin gal lamkaiho pipui Amasai chungah lhagao ahungchun, hitin ati, Keiho nanga kahiuve David, nangma lama panga kahiuve Jesse chapa: lungmon, nachunga lungmon umhen, chule napanpi ho chunga lungmon umhen: ajehchu na Pathen'in napanpi, ati. Chuin David'in amaho chu asangin, honho lamkaijin asemtai.

¹⁹Chule Saul doudinga Philistine te toh ahunglaijun, Manasseh mi phabepmin David anajopmun: ahinla amahon ana kithopi pouve: ajehchu Philistine te pakaiho kihoutoh uva, Ama apu Saul lama lutnintin, iluchang diuvin tosetna hibep ding ahi, atiuva asolmangu ahitai.

²⁰Ziklag'a achen ahile Manasseh mi Adnah, Jozabad, Jediael, Michael, Jozabad, Elihu chule Zilthai Manasseh miho asang sang lamkaiho ama lama alutnun ahi.

²¹Chuin amahon michomgamho loi douna-in David akithopiuvin ahi; ajehchu amaho mihat mihangsan, sepai janel lamkai cheh hiuva ahi.

²²Ajehchu chuche laija chu ani ania Pathen janel tobang sepai janel nasatah ahikahsea, David kithopi dinga hunghung jenguva ahi.

²³Chule hichehohi Pakai thu dungjuija, Saul lenggam chu ama-a hisah dinga Hebron'a David henga hung, galsat dinga galvon puma kigosa dema umjing sepaihon honho jat ahi.

²⁴Juda chate lumle tengcha choi, galsat dinga galvon puma kigosadem chu sangguple jaget ahiuve.

²⁵Simeon chate galsat dinga mihat mihangsan cheh sangsagi le jakhat ahiuve.

²⁶Levi chate-a kon sangli le jagup ahiuve.

²⁷Aaron mite lamkai chu Jehoiada ahin, amatoh sangthum le jasagi ahiuve.

²⁸Chule Zadok, gollhang mihat hangsanle apa insunga gal lamkaiho somnileni ahiuve.

²⁹Chule Saul insungmi, Benjamin miho chu sangthum ahiuvin, amaho atamjo Saul insung lama panga ahiuve.

³⁰Chule Ephraim chate apu apateu insung pumpi-a minthang cheh sangsomni le jaget ahiuve.

³¹Chule Manasseh phung kehkhat-a kon David lenga semdinga hungdia kiminkut cheh chu sangsom le sangget ahiuve.

³²Chule Issachar chate-a kon phat hetthemna nei, Israel'in ipi abolding hethem; aluchang cheh-u jani ahiuvin, asopihou jouse chu amaho thu thu ahi.

³³Zebulun chate gal kondohthei, gal manchah tincheng tho-a galsat them, panmun neithei cheh sangsomnga ahiuvin: amahohi lungtho neilou ahiuve.

³⁴Chule Naphtali'a kon gal lamkai sangkhat, chule lumle teng toh tho-a amahotoh umkhom sangsomthum le sangsagi ahiuve.

³⁵Chule Dan'a kon galsatna konthei cheh sangsomni le sangget le jagup ahiuve.

³⁶Chule Asher'a kon galsatna konthei cheh, galbol them sangsomli ahiuve.

³⁷Chule Jordan gal langkhat lama um Reuben mite, Gad mite chule Manasseh phung kehkhatna kon, gal mun'a galmanchah tincheng mangthem cheh mi sangjakhat le sangsomni ahiuve.

³⁸Hicheho jousehi galsat mi, panmun tuhthei cheh, Israel jouse chunga David lenga semdinga lungthim chamkim tah-a Hebron'a hunga ahiuvin, chule Israel adang amoh chengse jong chu David lenga semdinga lungkitoh sel ahiuvin ahi.

³⁹Hitichun hiche mun'a chun amaho David toh nithum aumun, anekhom adonkhomun ahi: ajehchu asopihouvin amaho ding anagonpeh-u ahi.

⁴⁰Chukalvalin amaho nai vela um Issachar, Zebulun, chule Naphtali ho jengin jong sangan ho, sangongsang ho, sakolpol ho, chule bongchal hochun sa, an, theichang changlhah, lengpithei gop bohho, lengpitwi, sathao chule bongchal ho le kelngoi ho atama tam ahinpo uvin ahi: ajehchu Israel sunga kipa thanop uma ahi.