Read Thado Chin 1 Thusimbu 26 Bible Online

1 Thusimbu 26 - Thado Chin bible

1 Thusimbu 26

¹Kotngah ho kihopdan thudol: Kor mite-a kon Asaph chapate lah-a Kore chapa Meshelemiah ahi.

²Chule Meshelemiah chapate chu; apeng masapen Zechariah ahin, anina Jediael, athumna Zebadiah, alina Jathniel,

³Angana Elam, agupna Jehohanan, asagina Elioenai ahi.

⁴ Chukitle Obed-edom chapate chu; apeng masapen Shemiah ahin, anina Jehozabad, athumna Joah, alina Sacar chule angana Nethaneel,

⁵Agupna Ammiel, asagina Issachar, agetna Peullethai ahi; ajehchu Pathen'in ama phatthei aboh-e.

⁶Chujongle achapa Shemaiah'a konin chapate, apateu insunga vaipoho apenguve; ajehchu amaho chu mihat hangsan ngen anahiuve.

⁷Shemiah chapate chu; Othni, Rephael, Obed, chule Elzabad ahin, asopiteniu Elihu le Samachiah chu mihat ahilhone.

⁸Hicheho jousehi Obed-edom chapate ahiuvin; amahole achapateu chule asopiteu jouse kinbolna dinga mibulhing cheh chu, Obed-edom kon mi somgup le mini ahiuve.

⁹Chule Meshelemiah chun chapa le sopi mihat cheh somleget aneijin ahi.

¹⁰Merari chate lah-a Hosah'in jong chapate ahingin, Simri chu apipen (apeng masapen ahilou vangin ama chu apan apipui penin anasemin) ahi.

¹¹Anina Hilkiah, athumna Tebaliah, alina Zekeriah ahin, Hosah chapate le asopite jouse chu somlethum ahiuve.

¹²Hicheho lah-a amaho loihi apipuiho lah jenga jong Pakai in'a natong dinga chan neija, houin kot ngah dinga kihom khen ahiuve.

¹³Amahon alen aneo abonin, apateu insung dungjui cheh-in, kotphung jouse-a dingin vang asang uve.

¹⁴Chuin nisolama dinga vang chu Shelemiah chunga achutai. Chujouvin thumopthem milungching chapa Zechariah dinga vang asanuva ahile sahlam sanga din alhatai.

¹⁵Obed-edom dingin lhanglam alhan, achapatea dingin thil koikhomna mun alhai.

¹⁶Shuppim le Hosah dinga vang kisan chu lhumlam, khonga nale khongahna kikah lampi kaltouna-a um Shallecheth toh ahi.

¹⁷Niso lamah Levi mi migup aumun, sahlama nikhat in mi li aumin, lhang lamah nikhat in mi lima aumin, chule thil koikhomna mun'a mi nini aumin ahi.

¹⁸Lhumlam inhongsung lutna song lampia mi li, chule inhongsungah mi ni.

¹⁹Hichehohi Kore chapate lah le Merari chapate lah-a kotngah ho kihop khen dan chu ahi.

²⁰Chule Levi ho lah-a Ahijah chu Pathen in'a gouthilho le thilthengho chunga vaihom ahi.

²¹Laadan chapate chungchang ahile, Laadan chu Gershon chapate lah-a khat, apu apate insunga aluchang ahin, Laadan chate lah-a chu Jehieli ahi.

²²Jehieli chapate; Zetham le asopipa Joel chu Pakai in'a gouho chunga ahiuve.

²³Amram mite, Izhar mite, Hebron mite chule Uzziel mite lah-a;

²⁴Mosi chapa Gershom chapa Shebuel chu gouho chunga vaipo ahiuve.

²⁵Chule Eliezer'a kona asopite chu: achapa Rehabiah ahin, Rehabiah chapa chu Jeshaiah ahin, Jeshaiah chapa chu Joram ahin, Joram chapa chu Zichri ahin, chule Zichri chapa chu Shelomith ahi.

²⁶Hiche Shelomith le asopite hi David lengpa le insung pateho luchang, sepai sang lamkaiho ja lamkaiho, chule sepai janel gal lamkai hon atodoh-u gouho chunga vaipo ahiuve.

²⁷Kidouna munho-a thil kichom phabep chu Pakai in'a manchah dingin atohdoh jiuvin ahi.

²⁸Chule mitvahneipa Samuel, Kish chapa Saul, Ner chapa Abner, chule Zeruiah chapa Joab tehon atodoh jouseu chule koihile ato channu chu Shelomith le asopite khutnoija um ahi.

²⁹Izhar mite lah-a kon Chenaniah le achapate chu Israel chunga polam kin mopo ahiuvin, milenle thutan ahiuve.

³⁰Chule Hebron mi Hashabiah le asopite mihangsan cheh mi sangkhat le jasagi ho chu Jordan vadung lhumlama vaipole vetupmin apangun, chule Pakai kin bol le lengpa natong ahiuvin ahi.

³¹Hebron mite lah-a Jerijah chu apu apateu khanggui dungjuijn Hebron mite lah-a apipu pen ahi. David kum somli alengchan kum-in amaho chu akholuvin ahile, Gilead gam Jazer kho-a alah uva mihat hangsanho chu phabep amudoh-un ahi.

³²Chule asopite chu mihangsan le pipui cheh mi sangni le jasagi ahiuvin, amaho chu David lengpan Reuben mite, Gad mite, chule Manasseh phung kehkhat chunga, Pathen lam thil tintang le, lengpa kinbolna-a, vaipo-a apansah-u ahi.