Read Thado Chin 1 Thusimbu 4 Bible Online

1 Thusimbu 4 - Thado Chin bible

1 Thusimbu 4

¹Judah chapate chu; Perez, Hezron, Carmi, Hur chule Shobal ahiuve.

²Shobal chapa Reaiah'in Jahath ahingin, chule Jahath'in Ahumai le Lahad ahinge. Hichehohi Zorath miho insung mite ahiuve.

³Chule hichehohi Etam pa chapate ahi: Jezreel, Ishma chule Idbash ahiuvin, asopinu-u minchu Hazzelelponi ahi.

⁴Gedor pa Penuel le Hushah pa Ezer toh, hichehohi Bethlehem pa Ephrathah cha masapen Hur chate ahiuve.

⁵Chule Tekoa pa Ashhur'in ji ni, Helah le Naarah aneijin ahi.

⁶Naarah'in Ahuzzam, Hepher, Temeni chule Haahashtari ahinpeh-in ahi. Hichehohi Naarah chapate ahiuve.

⁷Chule Helah chapate chu Zereth, Zerer chule Ethnan ahiuve.

⁸Chuin Coz'in Anub, Zobebah le Harum chapa Aharhel insung mite ahinge.

⁹Jabez vangchu asopi dangho sangin ja aumpenin, anun lung hesoh puma kavop ahi atijeh-a amin Jabez asah ahi.

¹⁰Chuin Jabez Pathen henga ataovin, O, nangman phatthei neiboh teiding hihen lang, kagamsung nasuh letna, nakhut chu kakoma umjinga, thilphalouvin eilungdon sahlou nadinga hiche-a kona chu neihuhdoh ding hitavele! ati. Hichun Pathen'in angeh chu aphal pehtai.

¹¹Chule Shuah sopipa Chelub'in Eshton pa Mehir ahingin ahi.

¹²Eshton'in Beth-rapha, Paseah chule Irnahash pa Tehinnah ahinge, hichehohi Rekah mite ahiuve.

¹³Kenaz chapateni chu: Othniel le Seraiah ahilhone; chule Othniel chapa chu Hathath ahi.

¹⁴Meonothai'in Ophrah ahingin, Seraiah'in Charashim phaicham semdohpa Joab ahinge. Amahohi khutthem mi ahiuve.

¹⁵Jephunneh chapa Caleb chapate chu: Iru, Elah chule Naam ahiuvin; chule Elah chapa chu Kenaz ahi.

¹⁶Jehalelel chapate chu: Ziph, Ziphah, Tiria chule Asareel ahiuve.

¹⁷Ezrah chapate chu: Jether, Mered, Epher chule Jalon ahiuvin; chule Mered inneipin Miriam, Shammai chule Eshtemoa pa Isbah ahinge.

¹⁸A-inneipi Jehudijah chun Gedor pa Jered, Socho Pa Heber, chule Zanoah pa Jekuthiel ahingin ahi. Hichehohi Mered'in akichenpi Pharaoh chanu Bithiah chapate hochu ahiuve.

¹⁹Chule Naham sopinu Hodiah inneipi chapate chu; Garm mite pa Keilah ahin, chule Eshtemoa mite pa Maachath ahi.

²⁰Shimon chapate chu: Amnon, Rinnah, Ben-hanan chule Tilon ahiuvin; chule Ishi chapateni chu Zoheth le Benzoheth ahilhone.

²¹Judah chapa Shelah chapate chu: Lecah pa Er, Mareshah pa Laadah, chule Ashbea inkon tupat ponnem khong insung miho,

²²Jokim le Chozeba mite, Joash, Moab gam chunga thuneina ananei Saraph, chule Jashubi-lahem ahiuve. Tun hichehohi khanglui thu ahitai.

²³Hichehohi beldengho ahiuvin, amaho chu thingbil lah-a achengun; hiche mun'a chu lengpa natong dinga cheng ahiuve.

²⁴Simeon chapate chu: Nemuel, Jamin, Jarib, Zarah chule Shaul:

²⁵Achapa Sahllum, achapa Mibsam, chule achapa Mishma ahiuve.

²⁶Mishma chapate chu: achapa Hamuel, achapa Zaccur, achapa Shimei ahiuve.

²⁷Shimei'in chapa somlegup le chanu aneije, ahivangin asopihon cha tampi aneipouve, Judah chate bangin a-insung miteu apungpon ahi.

²⁸ Amaho Beersheba, Moladah, chule Hazarshual'ah achengun ahi.

²⁹Bilhah, Ezem chule Toladah,

³⁰Bethuel, Hormah, chule Ziklag'ah,

³¹Bethmarcaboth, Hazarsusim, Bethbirei, chule Shaaraim'a jong achengun ahi. Hicheho chengsehi David lengchan geija akhopihou ahi.

³²Chule akhohou chu; Etam, Ain, Rimmon, Tochen chule Ashan, khopi len nga ahin;

³³Chuche Baal changeija khopilenho kimvela um khoho jouse ahi. Hichehohi achennao chule akhangguiju ahi.

³⁴Meshobab, Jamlech le Amaziah chapa Joshah,

³⁵Joel le Joshibiah chapa Jehu, Seraiah chapa, Asiel chapa,

³⁶Elioenai, Jaakobah, Jeshohaiah, Asaiah, Adiel, Jesimiel chule Benaiah,

³⁷Shiphi chapa Ziza, Allon chapa, Jedaiah chapa, Shimri chapa, Shemaiah chapa:

³⁸Hiche amin kikut hohi a-insunguva pipui ngenchang ahiuve, chule apu apateu insung chu ahapun lheh jengin ahi.

³⁹Agan honu lhatnading holin solam phaicham langsang Gedor lutna mun geijin acheuvin ahi.

⁴⁰Hitichun gan hon lhatnading mun phatah, nehding hamhing tamna, gam lentah, munthip le gamhoina mun agamudoh-un ahi; ajehchu masanga chu hiche munna chu Ham mite anacheng uva ahi.

⁴¹Hiche amin kisunlut hohi Judah lengpa Hezekiah nikho laijin ahungun, aponbuh hou asuseuvin, chuche munna anachengho chu tunichan geijin asugam helun, amaho munna chun acheng taove: ajehchu chuche munna chu agan honu lhatnading hamhing mun uma ahi.

⁴²Alah uva Simeon chapate ngeija kon mi janga chu, Ishi chapate Pelatiah, Neariah, Rephaiah le Uzziel lamkaina-in Seir molsanga acheuvin ahi.

⁴³Chule amahon ahoidoh Amalek mite amohse chu asatgamun, hitichun tunichan geijin chuche munna chun achengden taove.