Read Thado Chin 1 Thusimbu 7 Bible Online

1 Thusimbu 7 - Thado Chin bible

1 Thusimbu 7

¹Tun Issachar chapate chu: Tolla, Pu-ah, Jashub chule Shimron, mi li ahiuve.

²Chule Tolla chapate chu: Uzzi, Rephaiah, Jeriel, Jahmai, Jibsam chule Shemuel, Tolla sonho apu apateu insunga luchang cheh ahiuvin; akhanguva mihat le mihangsan cheh ahiuve: David nikholaijin amijatnu chu sangsomni le sangni le jagup alhinguve.

³Chule Uzzi chapa chu Izrahiah ahin chule Izrahiah chapate chu: Michael, Obadiah, Joel, Isshiah, mi nga ahiuvin, abonchauvin pipui jeng ahiuve.

⁴Amaho le akhanguva chu, apu apateu insung dungjuija galdouthei sepaihon ngen ahiuvin, mi sangsomthum le sang gup ahiuve: ajehchu amahon ji tamtah tah le chapa tamtah tah aneiju ahi.

⁵Chule Issachar insung mite jouse lah-a asopiteu chu mihat mihangsan cheh ahiuvin, akhangthu sutna dungjuija sutnin abonun sangsomget le sangsagi ahiuve.

⁶Benjamin chapate chu: Bela, Becher chule Jediael, mi thum ahiuve.

⁷Chule Bela chapate chu: Ezbon, Uzzi, Uzziel, Jerimoth chule Iri, mi nga ahiuvin; apu apateu insunga luchang cheh, mihat mihangsan ngen ahiuve;, akhangguithu sutna dungjuijin sangsomni le sangni le somthum le li ahiuve.

⁸Chule Becher chapate chu: Zemira, Joash, Eliezer, Elioenai, Omri, Jeremoth, Abijah, Anathoth chule Alemeth ahiuvin, hicheho chenghi Becher chapate ahiuve.

⁹Amijatnu, akhangu khanggui thu kisutna dungjuijin apu apateu insunga luchang cheh, mihat mihangsan cheh sangsomni le jani ahiuve.

¹⁰Jediael chapa jong chu Bilhan ahin; chule Bilhan chapate: Jeush, Benjamin, Ehud, Chenaanah, Zethan, Tarshish chule Ahishahar ahiuve.

¹¹Hichehohi Jediael chapate, apu apateu insunga luchang chehho sima mihat mihangsan cheh sangsom le sangsagi le jani ahiuvin, galmuna galsatna konthei cheh ahiuve.

¹²Shuppim le Huppim chu Ir chapateni ahin, chule Hushim chu Aher chapa ahi.

¹³Naphtali chapate chu: Jahziel, Guni, Jezer chule Shallum ahin, Bilhah chapate ahiuve.

¹⁴Manasseh chapa chu Asriel ahin, amahi athaikemnu Aram numei nun ahinpeh ahi; (amanuhin Gilead pa Machir jong ahinge.

¹⁵Chule Machir'in Huppim le Shuppim sopinu Maakah chu ji in aneije;) chule anichanna pa chu Zelophehad ahin, chule Zelophehad'in chanu jengbou aneijin ahi.

¹⁶Machir inneipi Maakah'in chapa khat ahingin, amanun amin Peresh asah-in ahi; chule asopipa minchu Sheresh ahin, chule achapateni chu Ulam le Rakem ahilhone.

¹⁷Ulam chapa chu Bedan ahi. Hichehohi Manasseh chapa Machir, Machir chapa Gilead chapate ahiuve.

¹⁸Chule asopinu Hammoleketh in Ishod, Abiezer chule Mahalah ahingin ahi.

¹⁹Shemida chapate chu Ahian, Shechem, Likhi chule Aniam ahiuve.

²⁰Ephraim chapate chu: Shuthelah chule achapa Bered, achapa Tahath, achapa Eladah, achapa Tahath,

²¹Chule achapa Zabad, achapa Shuthelah, chule achapa Ezer le Elead, aganchahou gudinga ahungsuh jeh lhona agama peng Gath mihon anatha teniu chutoh ahiuve.

²²Hitichun apau Ephraim chun nitamtah alunghempi-in, hijeh chun asopite ama lhamon dingin ahunguvin ahi.

²³Chujouvin ama a-inneipi henga alutnin, amanun nao ahinvop min, chule chapa khat ahingin a-insunga thilse aumtahjeh-in amin Beriah asahtan ahi.

²⁴(Chule achanu Sherah ahin, Beth-horon noinung le chungnung chule Uzzen-sherah sadohnu ahi).

²⁵Achapa Rephah ahin, Resheph jong ahin, Resheph chapa Telah chule Tahah chapa Tahan ahi.

²⁶Tahan chapa Laadan, Laadan chapa Ammihud, Ammihud chapa Elishama,

²⁷Elishama chapa Nun, Nun chapa Joshua ahi.

²⁸Chule aneiju le achennahou chu Bethel le akhopihose, solam sanga Naaran, lhumlama Gezer le akhopihose toh, Shechem le akhopiho, chule Gaza le akhopiho changei ahi.

²⁹Chule Manasseh chapate gamgi china um Bethshean le akhopise, Taanach le akhopise, Megiddo le akhopise Dor chule akhopise ahi. Hicheho ahin Israel chapa Joseph chate achengun ahi.

³⁰Asher chapate chu: Imnah, Ishuai, Ishuai, Beriah chule asopinu-u Serah ahiuve.

³¹Beriah chapateni chu Heber le Birzavith pa Malchiel ahilhone.

³²Chuin Heber'in Japhlet, Shomer, Hotham chule asopinu-u Shua ahingin ahi.

³³Chule Japhlet chapate chu: Pasach, Bimhal chule Ashvath ahiuve. Amahohi Japhlet chate ahiuve.

³⁴Shemer chapate chu: Ahi, Rohgah, Jehubbah chule Aram ahiuve.

³⁵Chule asopipa Helem chapate chu Zophah, Imna, Shelesh chule Amal ahiuve.

³⁶Zophah chapate chu: Suah, Harnepher, Shual, Beri, Imrah,

³⁷Bezer, Hod, Shamma, Shilshah, Ithran chule Beera ahiuve.

³⁸Chule Jether chapate chu: Jephunneh, Pispah, chule Ara ahiuve.

³⁹Chule Ulla chapate chu: Arah, Hanniel chule Rezia ahiuve.

⁴⁰Hicheho chengsehi Asher chate, apu apateu insung luchang cheh, lhendoh le mihat mihangsan ngen, lamkai pipui cheh ahiuve. Chule akhanggui thu apumpia kisutna dungjuija galdouna-a gala konthei chu mi sangsomni le sang gup ahiuve.