Read Thado Chin 2 Thusimbu 1 Bible Online

2 Thusimbu 1 - Thado Chin bible

2 Thusimbu 1

¹Chuin David chapa Solomon chu alenggama chun hatah-in akisuhat tan, Pakai a-Pathen'in aumpin, nasatah-in achoisang tai.

²Chuin Solomon'in Israelte jouse, sepai sang lamkaiho, ja lamkaiho, thutan ho, Israel pumpi sunga gamvaipo jouse, phung upaho henga thu aseije.

³Hitichun Solomon chule aumpi houkhom ho jouse chu Gibeon'a um munsanga chun acheuvin ahi; ajehchu hia chu Pakai soh Mosi'n gamthipma anasem Pathen houkhom ho Houbuh chu uma ahi.

⁴ Ahinla Pathen thingkhong chu David'in Kirjath-jearim'a konin akoina dinga asemna chun apotou tan ahi; ajehchu hiche dinga chu Jerusalem'a ponbuh khat anasonsa ahitai.

⁵ Chukalvalin Hur chapa, Uri chapa, Bezaleel in'a anasem sum-eng maicham chu Pakai houbuh maija chu akoi ahin; Solomon le houkhom ho chun hichu aholun ahi.

⁶Chuin Pakai angsunga um sum-eng maicham phunga chun Solomon achetouvin, hichu houkhom ho Houbuh-a uma ahin, achunga chun govam thilto sangkhat jen atoh-in ahi.

⁷Hiche janchun Solomon henga Pathen akilah-in, ahenga, Thumin, ipi kapeh ding ham, ati.

⁸Chuin Solomon'in Pathen henga, Nangman kapa David henga hepina lentah namusah-in, ama khelin keima neilengchan sahtai.

⁹ Tuhin, vo Pakai Pathen, kapa David henga nathutep chu guilhun sahtan: ajehchu leivuibanga tam miho chunga hi lenga neitun ahitai.

¹⁰Hiche miho anga kavaikon kavailhun theinadin, chihna le hetna neipen; ajehchu hibangse-a tam nam mite hi kon thu atanjou dingham? atin ahi.

¹¹Chuin Pathen'in Solomon jah-a, Hiche lungthimhi navopma, haona, neile gou, jabolna, namelmate hinkho, ahiloule nangma hinkho sotna jong thumlouva; achunguva lenga kapansah kamite thu natan theina dinga, chihna le hetna naki thumjoh jeh-in:

¹²Chihna le hetna chu kapeh nahitan; chule nangma masanga anaum lengho khatchan jong ananei khahlou, nanunga honjong aneikhah loudiu haona, neile gou, chule jabolna jong kapeh ding nahi, ati.

¹³Chujouvin Solomon chu Gibeon'a um munsanga, houkhom ho houbuh masang akholjina-a konin Jerusalem'a ahungin, Israelte chunga vai ahomtan ahi.

¹⁴ Chuin Solomon'in kangtalai ho le sakol chung touho akhomin: aman kangtalai sangkhat le jani, chule sakol chunga tou mi sangsom le sangni aneijin, hicheho chu sakol kangtalai khopiho-a le lengpa umna Jerusalem'a akoijin ahi.

¹⁵Chule Jerusalem'a chun lengpan dangka le sana song bangkhopma nengin akoijin, chule cedar thing chu phaichama theiba thing tam bangkhopma neingin aum sah-in ahi.

¹⁶ Chule Solomon'in tupat kikheh ho chu Egypt'a konin sakol ho ahin toldoh sah-in; lengpa sumkol veihon tupat kikheh ho chu aman apeh uva akilahjiu ahi.

¹⁷Amahon kangtalai khat chu dangka shekel jagup din Egypt'a konin ahintoluvin; hitichun Hit miho lengte jouse dingle Syria lengho dingin sakolhochu amaho minin ahin toldoh jiuvin ahi.