Read Thado Chin NEHEMIAH 1 Bible Online

NEHEMIAH 1 - Thado Chin bible

NEHEMIAH 1

¹Hachaliah chapa Nehemiah thuho chu ahi. Chuin ahitin ahi. Kum somni lhinkum Chislev [1] lhasunga keima Shushan leng ina kaum laijin,

²Kasopite lah-a mikhat Hanani chule Judah'a konin mi phabep ahungun, chule keiman Judah te sohchan na-a kona hoidohho chule Jerusalem khopi thu kadonglen ahi.

³Chuin amahon kajah-a, sohchan na-a kidalha amohho chun gamsunga gentheinale seisetna athoh thoh jengun, Jerusalem kul bang jong achimlha gamtan, chule akotpiho jouse jong meijin akalhatan ahi atiuve.

⁴Chule ahitin ahi, hiche thuho kajah phatnin katouvin kakapmin, chule ni ijat-ham lunghemin kaumin, chule an kangol-in van Pathen henga kataovin,

⁵Vo Pakai van Pathen, Pathen loupitahle tijat um, ama ngailu-a athupeh nit ho chunga thulhun chingtupma lungsetji nahenga katao ahi,

⁶Tun nasohte Israel chate dinga asun ajana namasanga nasohpa kataonahi ngaipeh dingin namit hin hasah inlang, nanakhang hinsungin; nangma douna-a kachonse taovin, Israel chate chonset naho kahin phonge, keimale kapa insung mite kachonse taove.

⁷Nangma dounan thilphalouhel kanabol taovin, nalhachapa Mosi henga nanapeh thupeh ho, tepna danho, vaihomnaho jouse chu kana nit tapouve.

⁸ Kangeh nahi, geldoh temin, nalhacha Mosi henga kathupeh chu nasuhkhel uva ahile, keiman nangho namtin lah-a kathejal ding nahiuve nati.

⁹ Ahinla keima lama nahung kiheijuva, kathupeh nachintup uva nabol uva ahile, van mong geija nomanga um hijongleu chun chua kona chu kapuidoh khomding, chule kamin umna dinga kalhena mun'a chu amaho kapuikhom ding ahi.

¹⁰Tun hiteho hi nasohte le namite, nathilbol theina loupitahleh nakhut thahat tah-a nalhatdohsate chu ahiuve.

¹¹Vo Pakai kangeh nahi, tun nasoh taona lama hin nanakhang hindon, chule nasohho taona namin janachu lolhinsah-in katao nahi, tunin nasoh keima hiche mipa mitmuhin lungset tah-in hepina neipen, ajehchu keima lengpa khondoma panga kahi, ati.