Read Thado Chin NEHEMIAH 11 Bible Online

NEHEMIAH 11 - Thado Chin bible

NEHEMIAH 11

¹Mipi vaihomho chu Jerusalem'a achengun, mipi adangho jongchun somakhat lah-a khat khopitheng Jerusalem'a chengding somkhat lah-a ko chu khopi danga chengdingin vang aveovin, ahi.

²Chule mipin jong ama ama lung chama Jerusalem'a cheng dinga hungkipeho chu phatthei abohsoh keijun ahi.

³ Tun hitehohi agamkai dola gamsung lamkai Jerusalem'a chengho chu ahiuve. Ahinla Judah gamsung khopiho-a chun, ama ama chanding dolcheh khopiho-a chun achengun, Israelte ahin, thempuho ahin, chule Levi te leh Nethinim ho le Solomon soh ho chate ahiuve.

⁴Chuin Jerusalem'a chun Judah mileh Benjamin mi phabep achengun ahi. Judah chate lah-a chun Uzziah chapa Athaiah ahin, Zakariah chapa Amariah chapa Shephatiah chapa Perez chate lah-a Mahalalel ahiuvin;

⁵Chule Baruch chapa Maaseiah Col-hozeh chapa, Hazaiah chapa Asaiah chapa Joiarib chapa Zekeriah chapa Shiloni chapa ahiuve.

⁶Perez chate Jerusalem khopi-a chengho jouse chu abonchauvin gal hangcheh jali le somgup le get ahiuve.

⁷Chule amahohi Benjamin chapate ahiuvin, Meshullam chapa Sallu Joab chapa Pedaiah chapa, Kolaiah chapa, Maaseiah chapa, Ithiel chapa, Jesaiah chapa ahiuve.

⁸Chule ama nunga hin Gabbai, Sallai mi jakole somni leh get ahiuve.

⁹Chule Zichri chapa Joel chu amaho vetup ahin; chule Senuah chapa Judah chu Jerusalem khopi chunga lamkai anina-a panga ahi.

¹⁰Thempu hochu: Joiarib chapa Jedaiah, Jachin.

¹¹Hilkiah chapa Seraiah, Meshullam chapa, Zadok chapa Meraioth chapa, Ahitub chapa chu Pathen insunga vaihoma panga ahi.

¹²Chule asopite in'a natonga pangho chu mihem jagetle somnileni ahiuve; chule Jeroham chapa Adaiah, Pelaliah chapa, Amzi chapa, Zekeriah chapa, Pashhur chapa, Malchiah chapa,

¹³Chule asopitele apateo lamkaiho chu mi jani leh somlileni ahiuvin: chule Azareel chapa Amashai, Ahasai chapa, Meshillemoth chapa, Immer chapa,

¹⁴Chule asopiteu mihat mihangho chu jakhatle somni le get ahiuvin: chule milen khat chapa Zabdiel chu vaipole-a pang ahi.

¹⁵Levi ho jong: Hashub chapa Shemaiah, Azrikam chapa, Hashabiah chapa, Bunni chapa ahiuvin;

¹⁶Levi ho pipui Shabbethai le Jozabad chun Pathen in polama nakitong jouse chu avettuplhonin ahi.

¹⁷Chule Micha chapa Maataniah, Zabdi chapa, Asaph chapa chu vahchoi taona kin akibolteng alamkai pipenin apangin, asopite lah-a ni chana Bakkukiah, Shammua chapa Abda, Galal chapa, Jeduthun chapa ahiuve.

¹⁸Khopi thenga Levi ho jouse chu jani leh somget le li ahiuve.

¹⁹Chukal vallin kotpi ngahho, Akkub, Talmon le asopite kotho ngah-a chu mihem jakhatle somsagi le ni ahiuve.

²⁰Chule Israel amoh chengse le thempuho Levi ho chu Judah khopiho-a ama ama loding muncheh-a aumtaove.

²¹Ahinla Nethinim ho chu Ophel'a achengun, chule Ziha le Gispa chu Nethinim mite chunga lamkai ahiuve.

²²Jerusalem khopi-a Levi ho vaipo-a pangpa jong chu Vani chapa Uzzi, Hashabiah chapa, Mattaniah chapa, Micha chapa, ahiuve. Asaph chapate lasaho chu Pathen insunga natong lamkai ahiuve.

²³Ajehchu amaho chungchanga lengpa thulhahna chu hichehi ahin, niseh-a lasaho dinga chan phabep umding ahi.

²⁴Judah chapa Zerah chate son lah-a Meshezabeel chapa Pethahiah chu mipi ho chungthu dola ijakaija lengpa thalhenga panga ahi.

²⁵Chule khoholeh alouhou diuvin, Judah chate phabep chu Kirjath-arba le hiche khoho-a achengun, chule Dibon le asunga khohole, Jekabzeel le asunga khoho-a chun.

²⁶Chule Jeshua le Moladah chule Beth-phelet,

²⁷Chule Hazar-shual, Beer-sheba le kho ho-achun,

²⁸Chule Ziklag, Mekonah'a chule kho ho-a,

²⁹Chule En-rimmon le Zovah ah chule Jarmuth'a,

³⁰Nanoah, Adullam chule akho houva Lachish le aloumun houva, Azekah le khoho-a chun achengun ahi. Chuin amaho Beersheba apatnin Hinnom gamgeijin achengun ahi.

³¹Chule Benjamin chate jongchu Geba apat, Michmash a achengun chule Aija, Bethel chule akhohouva,

³²Chule Anathoth, Nob, Ananiah,

³³Hazor, Ramah, Gittaim,

³⁴Hadid, Zeboiim, Neballat,

³⁵Lod le Ona khut themho phaichama achenguve.

³⁶Chule Levi ho chu Judah le Benjamin gama ahomkhen taovin, ahi.