Read Thado Chin NEHEMIAH 12 Bible Online

NEHEMIAH 12 - Thado Chin bible

NEHEMIAH 12

¹Tun hichehohi Shealtiel chapa Zerubbabel le Jeshua toh kilhona chetouva thempuho le Levi hochu ahiuvin, Seraiah, Jeremiah, Ezra.

²Amariah, Malluch, Hattush,

³Shechaniah, Rehum, Meremoth,

⁴Iddo, Ginnethoi, Abijah,

⁵Miamin, Maadiah, Bilgah,

⁶Shemaiahle Jolarib, Jedaiah,

⁷Sallu, Amok, Hilkiah, Jedaiah. Hichehohi Jeshua nikho laija thempuho leh asopiho lah-a lamkai pipen ahiuve.

⁸Hiche chungchon chun Levi ho, Jeshua, Binnui, Kadmiel, Sherebiah, Judah le Mattaniah hi amale asopiho thangvah na-a lamkaijin apangun, ahi.

⁹Bakbukiah le Unni chule asopite jong chu amaho vetupmin apanguve.

¹⁰Chule Jeshua'n Joiakim ahingin, Joiakim'in Eliashib ahinge, Chule Eliashib'in Joiada ahingin,

¹¹Chule Joiada'n Jonathan ahingin, Jonathan'in Jaddua ahingin ahi.

¹²Chule Joiakim nikho laija thempuho apateo luchangho chu: Seraiah, Meraiah; Jeremiah, Hananiah;

¹³Ezra, Meshullam, Amarian, Jehohanan:

¹⁴Melicut, Jonathan, Shebaniah te, Joseph,

¹⁵Harim te, Adna; Meraioth, Helkai,

¹⁶Iddo te, Zekeriah, Ginnethon, Meshullam,

¹⁷Abiah, Zilchri, Miniamin, Moadiah, Piltai,

¹⁸Bilgah te, Shammua, Shemaiah, Jehonathan,

¹⁹chule Joiarib, Mattenai, Jedaiah, Uzzi,

²⁰Sallai, Kallai, Amok te, Eber,

²¹Hilkiah, Hashabiah, Jedaiah, Nethaneel.

²²Eliashib, Joiada, Johanan chule Jaddua nikho laija Levi ho chu apateu pipuija ana kisunlut ahiuvin, Persia mi Darius in vaihom lah-a thempuho jong ahiuve.

²³Levi chapate le apateu pipuiho chu Eliashib chapa Johanan nikho geijin thusimbua akijihlutsoh keijin ahi.

²⁴Chule Levi ho lamkai pipuiho chu, Hashabiah, Sherebiah, chule Kadmiel chapa Jashua le asopihotoh, Pathen mipa David thulhahna dungjuija vahchoina le thangvahna pedingin aloiloijin akilhauve.

²⁵Mattaniah, Bakbukiah, Obadiah, Meshullam, Talmon, Akkub hohi kotbula thilkeu koikhom nahole kotpi ngaho ahiuve.

²⁶Hitehohi Jozadak chapa Jeshua chapa Joiakim nikho lai leh gam vaipo Nahemiah le Ezra thempu leh lekhasunpa nikholaija um anahiuve.

²⁷Jerusalem kulbang thensona-a Jerusalem'a hung dingin Levi te chu kulbang chu kipahtah-a thenso ahina dingin selangdah, tumging, khutbeh, lasah le thuseidin aumnao munjouse-a konin aholdoh-un ahi.

²⁸Chule lasa themho chapate chu Jerusalem le akimvel phaicham Netophah mi khoho-a konin ahung khomun.

²⁹Chujongle Gilgal ina konle, Geba le Azmavath gama konin ahung kikhomun ahi. Ajehchu lasa hochun Jerusalem kimvella chun khoho anatungdoh-un ahi.

³⁰Chule Thempuho le Levi ho chu akisuthengun, chule mipihole kotpiho chule akul bangho chu asuthengun ahi.

³¹Chujouvin keiman Judah milenho chu kulbang chunga kapuidoh in, chule thangvahna pedingin loilentahtah nin kahom khenin, loikhat chu kulbang chunga ehkotpi jetlama chun acheuvin,

³²Amaho nunga hin Hoshaiah le Judah pipuiho akehkhat jen akitolun ahi.

³³Chule Azariah, Ezra le Meshullam,

³⁴Judah, Benjamin, Shemaiah chule Jeremiah,

³⁵Chule sumkon choi thempu chate loikhat aminu chu Jonathan chapa Zekeriah, Mattaniah chapa, Michaiah chapa, Zaccur chapa, Asaph chapa,

³⁶Chule Pathen mipa David tumging manchah chu asopiho Shemaiah, Azarel, Milalai, Gilalai, Maai, Nethanel, Judah, Hanani in akengun, chule lekhajihpa Ezra chu alamkaijin ahi.

³⁷Amaho jonna um twinah kotpi phungle, kulbang jottouna David insahlam solamsang twi kotpi geile David khopi kalbia chun akaltouvun ahi.

³⁸Chule loichom dang thangvahna peho chu, amaho jong chu acheuvin, keima anunguva kachen, chule mipi akehkhat chu meilhum insang khella pat kulbang satah gei, bang chunga chun acheuvin,

³⁹Chule Ephraim kotpi chunga kotpilen chungah, chule Hananeel insanglen Maah insanga pat kelngoi kotkhah geijin acheuvin, chuin amaho songkul kotpi-a chun adingdenun ahi.

⁴⁰Hitichun keimale Pathen ina thangvahna peho loini hole, kaum khompi vaihomho akehkhat chu kadingun,

⁴¹Chule sumkon choija thempuho chu Eliakim, Maaseiah, Miniamin, Micaiah, Elioenai, Zekeriah, chule Hananiah,

⁴²Chule Maaseiah, Shemaiah, Eleazar, Uzzi, Jehohanan, Malchijah, Elam chule Ezer ahiuve. Chule la saho chun avaipopao Jezrahiah toh hatah-in asaove.

⁴³Chujongle hicheni chun ganlhaina loupitah ho atoh un, akipah thanomun ahi. Ajehchu Pathen'in amaho chu kipana lentah in akipa sah-in ajite houle achateu hojong akipah thanom mun, hitichun Jerusalem kipana chu gamlatah in jong akijan ahi.

⁴⁴Chule hichepet laichun, loujaoho lah-a le khopiho-a danthupeh dungjuija thempuho le Levi ho chan ga masaho, thiltoho, hopsom ho thil kholna indan ho-a, kholkhom din mi phabep akipansah-e. Ajehchu thempuho leh Levi ho kinboljeh chun Judah akipah thanomin ahi.

⁴⁵ Chule David le achapa Solomon thulhahna dungjuijin, a-Pathen dinguva natoh peh dandingle kisuh thengna dan chu lasaloile kotngah hon jong ajopmun ahi.

⁴⁶Ajehchu malai David le Asaph nikho laijin, lasaloi lamkaile Pathen vahchoina le pachatna lasa ana umin ahi.

⁴⁷Chule Zerubbabel le Nehemiah nikho laijin Israel jouse lasa holeh kotngah hochu niseh-in achan dolu ana pejiuvin ahi. Chule thiltheng hochu Levi hodin asuthengun, chule Levi hon hicheho chu Aaron chate dingin asuthengun ahi.